Posts tagged as "Khmer"

ពីចំណោមផ្ទាំងទស្សនីយភាពចម្រុះទាំងនោះ នឹងមានរបាំមួយចំនួន ដែលសំដែងដោយសមាគមខ្មែរមួយ និងចម្រៀងមួយបទ ដែលបកស្រាយដោយអ្នកនាង ម៉េង កែវពេជ្ជតា កំពូលតារាចម្រៀង ពីប្រទេសកម្ពុជា។ កម្មវិធីនេះ នឹងមានការសំដែង របាំមួយចំនួនទៀត របស់សមាគមឥណ្ឌា និងបង់ក្លាដេស ដោយមានការតាំងពិពណ៌សិល្បៈនោះផង។

កម្មវិធីនឹងចាប់ផ្ដើម នៅម៉ោង១៨ (បើកទ្វាសម្រាប់ទស្សនិកជន នៅម៉ោង ១៧ និង៤៥នាទី) ថ្ងៃសៅរ៍ទី២១ ខែមេសា ឆ្នាំ២០១៨ ក្នុងសាលារដ្ឋធានីប៉ារីស (Hôtel de Ville de Paris)។

ម្ចាស់គម្រោង ក្រុមប្រឹក្សាជាន់ខ្ពស់ នៃជនជាតិអាស៊ី ក្នុងប្រទេសបារាំង (Haut Conseil des Asiatiques de France - HCAF) បានអះអាងថា ដើម្បីចូលរួមអបអរសាទរ បុណ្យចូលឆ្នាំថ្មី ប្រពៃណីរបស់បណ្ដាប្រទេសមួយចំនួន នៅអាស៊ីខាងត្បូង ក្រុមប្រឹក្សាធ្លាប់បានរៀបចំ ការបង្ហាញទស្សនីយភាពរបៀបនេះ ក្នុងឆ្នាំ២០១៦ម្ដងហើយ ហើយពេលនោះ ខ្លួនទទួលបានលទ្ធផលជោគជ័យ យ៉ាងត្រចេះត្រចង់។ [...]

ក្បួនមហាសង្ក្រាន្ ដែលរៀបរៀងដោយ លោក អ៊ឺម បុរិន្ទ នាយកនៃគណកម្មការស្រាវជ្រាវវិជ្ជាហោរាស្ត្រ និងប្រពៃណីទំនៀមទម្លាប់ខ្មែរ បានសរសេរ​បញ្ជាក់ថា៖ «មហាសង្ក្រាន្តឆ្នាំ ច សំរឹទ្ធិស័ក ព.ស ២៥៦២ នឹងចូលមកដល់ នៅវេលាម៉ោង ៩៖១២នាទីព្រឹក ថ្ងៃសៅរ៍១៤រោច ខែចែត្រ ត្រូវនឹងទី ១៤ ខែមេសា ឆ្នាំ ២០១៨»។

ទស្សនាវដ្ដីមនោរម្យ.អាំងហ្វូ សូមដកស្រង់ក្បួនតម្រាមួយចំនួន ដែលមានសរសេរនៅក្នុងសៀវភៅនោះ មកជម្រាបជូនលោកអ្នក ដូចខាងក្រោម៖

ទេពធីតា ដែលនឹងយាងចុះមកបន្តវេន រក្សាមនុស្សលោកឆ្នាំនេះ គឺ «ព្រះនាងមហោធរៈទេវី» បុត្រីទី៧ នៃកបិលមហាព្រហ្ម ទ្រង់អម្ពរពណ៌ខៀវ មានផ្កាត្រកៀត សៀតនៅព្រះកាណ៌ សោយសាច់ទ្រាយ (ជាសត្វព្រៃពពួកឈ្លូស តែតូចជាងឈ្លូស) ជាភក្សាហារ ព្រះហស្តស្តាំកាន់កងចក្រ ព្រះហស្តឆ្វេងកាន់ត្រីសូល៍ គង់លើមយូរ៉ា ឬស្ដេចក្ងោក ជាពាហនៈ។

–ថ្ងៃចូលឆ្នាំ ថ្ងៃទី១ គឺ «ថ្ងៃវារៈមហាសង្ក្រាន្ត» [...]

នៅពេលដែលការបញ្ចេញមតិ ក្នុងនាមជាពលរដ្ឋ របស់តារាចម្រៀងម្នាក់ បានប្រែក្លាយជាសង្គ្រាមសំដី ដែលត្រូវបានយកទៅបកស្រាយ ទៅតាមនិន្នាការនយោបាយ តែរៀងខ្លួន ខណៈអ្នកមាននិន្នាការកណ្ដាល បានជួយពន្យល់ទៅវិញថា អ្នកដែលរងការរិះគន់ គប្បីបើកចិត្តឲ្យទូលាយ និងតោងពិនិត្យមើលការរិះគន់នោះ ដើម្បីកែលំអទៅថ្ងៃក្រោយ។

រឿងរ៉ាវ បានចាប់ផ្ដើមនៅថ្ងៃទី២២ ខែវិច្ឆិកា បន្ទាប់ពីអ្នកនាង ម៉េង កែវពេជ្ជតា បានបង្ហោះមតិរិះគន់មួយ ចំពោះក្រដាសប្រាក់ខ្មែរ ដែលមានតម្លៃទឹកប្រាក់ដូចគ្នា តែបែរជាមានការតុបតែង-ដាក់ពណ៌-ទំហំ (Design) ខុសគ្នា បង្កឲ្យមានការភ័ន្ដច្រឡំ សម្រាប់អ្នកចាយ។ តារាចម្រៀងជើងចាស់ ដ៏ល្បីឈ្មោះ បានសរសេរថា៖ «និយាយពីរឿង រូបិយប័ណ្ណ (លុយ) នៅស្រុកខ្ញុំ ម្តេចក៍មានច្រើនរូប ច្រើនបែបម្ល៉េះ? ចំនួនទឹកប្រាក់តែមួយ ប៉ុន្តែមានរូបរាង ព៌ណ រូបភាព ទំហំផ្សេងៗគ្នា ធ្វើអោយអ្នកចាយ មានការវង្វេងវង្វាន់ភ័ន្ដច្រលំ។»។

[...]

ពាក្យបណ្ដឹងប្ដឹងលោក ខឹម វាសនា ប្រធានគណបក្សសម្ព័ន្ធ ដើម្បីប្រជាធិបតេយ្យ ដែលហៅខ្លួនឯងថា «បក្សជួង» ត្រូវបានព្រះសង្ឃ ហោ សុខុន ដែលជាព្រះចៅអធិការវត្ត ពោធិ៍ព្រះបាត្រ ហៅច្បារអំពៅ អះអាងថា នឹងគ្រោងដាក់ទៅកាន់តុលាការ ជាមួយនឹងស្នាមមេដៃ​ព្រះសង្ឃ និងពលរដ្ឋ ដែលព្រះសង្ឃអង្គនេះអះអាង នឹងបើកយុទ្ធនាការស្វែងរក ចាប់ពីថ្ងៃនេះតទៅ។

អត្ថបទបង្ហោះផ្សាយ របស់ព្រះតេជគុណចៅអធិការ នៅលើគណនេយ្យហ្វេសប៊ុករបស់ព្រះអង្គ កាលពីម្សិលម៉ិញ បានសរសេរទៅកាន់លោក ហុឹម ឆែម ទេសរដ្ឋមន្ត្រី រដ្ឋមន្ត្រីក្រសួងធម្មការនិងសាសនា ដើម្បីជូនដំណឹង អំពីការធ្វើសន្និសីទកាសែត របស់ព្រះអង្គ ក្នុងការប្រមូលស្នាមមេដៃព្រះសង្ឃ និងប្រជាពលរដ្ឋ នៅទូទាំងប្រទេស និងនៅក្រៅប្រទេសផង ដើម្បីធ្វើពាក្យបណ្ដឹងនោះ។ ព្រះសង្ឃ បានសរសេរពន្យល់ថា៖ «កន្លងមក បុគ្គល ខឹម វាសនា បានធ្វើសកម្មភាព ក្នុងគោលបំណងញុះញង់ បំបែកបំបាក់ជាតិខ្មែរ ថែមទាំងមានចេតនាបំផ្លាញព្រះពុទ្ធសានា [...]