Posts tagged as "ASEAN"

រូបថតជាផ្លូវការមួយនេះ ជាស្នាដៃរបស់ជាងថតរូប លោក «Andrew Taylor» មកពីគេហទំព័រ «ASEAN in Australia» របស់រដ្ឋាភិបាលអូស្ត្រាលី ដែលជាគេហទំព័រ ​បង្កើតឡើង​ជាពិសេស សម្រាប់​ព្រឹត្តិការណ៍​ជំនួបកំពូល អាស៊ាន-អូស្ត្រាលី ពីថ្ងៃទី១៦ ដល់ថ្ងៃទី១៨ ខែមីនា កន្លងមកនេះ។ បន្ទាប់មក រូបថតខាងលើ ត្រូវបានទីភ្នាក់ងារព័ត៌មានបារាំង «AFP» យកមកផ្សព្វផ្សាយបន្ត មុននឹងសារព័ត៌មានដទៃ យកទៅបង្ហោះ នៅលើកាសែតបោះពុម្ភ គេហទំព័រ និងនៅលើបណ្ដាញសង្គម ជាបន្តបន្ទាប់ព្រោងព្រាត។

» រូបថតផ្លូវការ ដែលផ្សាយនៅលើទំព័រទ្វីសធើរ របស់គេហទំព័ររដ្ឋាភិបាល​អូស្ត្រាលី៖

Leaders' Dinner

បន្ទាប់ពីជំនួបទ្វេភាគី ជាមួយនាយករដ្ឋមន្ត្រីកម្ពុជា ក្នុងរសៀល​ថ្ងៃទី១៦ ខែមីនារួច សមភាគីអូស្ត្រាលី លោក ម៉ាលកូម ធើនប៊ូល (Malcolm Turnbull) បានថ្លែងទៅកាន់ក្រុមអ្នកសារព័ត៌មានថា  លោកបានយកឱកាសនៃកិច្ចប្រជុំនោះ ដើម្បីសំដែងអំពីក្ដីកង្វល់របស់លោក ពីលទ្ធិប្រជាធិបតេយ្យ និងពីរបាយការណ៍ស្ដីពីសិទ្ធិមនុស្ស នៅក្នុងប្រទេសកម្ពុជា។

លោក ធើនប៊ូល ត្រូវបានសារព័ត៌មាន ក្នុងប្រទេសអូស្ត្រាលីដកស្រង់សំដី យកមកសរសេរ ក្រោយជំនួបជាមួយលោក ហ៊ុន សែន ថា៖ «យើងចាប់ដៃជាមួយអាស៊ាន ជាមួយនឹងការគោរពដ៏ខ្ពង់ខ្ពស់។ យើងគោរពគំរូ នៃកិច្ចព្រមព្រៀង ដែលឈរលើមូលដ្ឋានគ្រឹះមួយ ហើយយើងនឹងជជែកគ្នា អំពីបញ្ហា ដែលកើតមានទាំងអស់។»។

នៅក្នុងជំនួបនោះ នាយករដ្ឋមន្ត្រីអូស្ត្រាលីបានលើកឡើង ពីសារសំខាន់នៃលទ្ធិប្រជាធិបតេយ្យ សិទ្ធិមនុស្ស និងការបោះឆ្នោតជាតិ នៅកម្ពុជានាពេលខាងមុខ ដោយមិនបានភ្លេចគូសបញ្ជាក់ ពីចំណងទាក់ទងផ្នែកពាណិជ្ជកម្ម [...]

រូបថតទាំងនេះ មិនត្រូវបានបង្ហោះដោយក្រុមប្រឆាំង ឬក្រុម«អគតិ»ណាផ្សេង នៅលើបណ្ដាញសង្គមទេ។ តែគឺលោក ហ៊ុន សែន ផ្ទាល់តែម្ដង ដែលបង្ហោះបង្ហាញ នៅលើទំព័រហ្វេសប៊ុករបស់លោក ពីសកម្មភាពរបស់លោក កំពុងធ្វើដំណើរបែបកំសាន្ដអារម្មណ៍ នៅលើកាណូតមួយ ក្នុងក្រុងស៊ីដនី ដែលជាទីកន្លែង នៃជំនួបកំពូលអាស៊ាន-អូស្ត្រាលី ក្នុងប្រទេសអូស្ត្រាលី។

ក្រៅពីរូបថត ជាមួយបណ្ដាមេដឹកនាំអាស៊ាន ​ដែលថតដោយខ្លួនលោកផ្ទាល់ (Selfie) រូបថតនៃទិដ្ឋភាពទូទៅ នៅក្នុងកាណូតនោះផ្សេងទៀត បង្ហាញថា លោក ហ៊ុន សែន បានអង្គុយតែម្នាក់ឯង ផ្ទុយគ្នាស្រឡះពីមេដឹកនាំដទៃទៀត ដែលជ្រើសរើសការអង្គុយនៅលើកៅអី ជាប់ៗគ្នា។

នៅក្នុងកាណូតនោះ មានតុនិងកៅអី ដែលអាចឲ្យ​បណ្ដាមេដឹកនាំ អង្គុយទល់មុខគ្នាបាន។ ទិដ្ឋភាពទាំងនេះ បង្កចំងល់ថា តើវាជាពិធីការ [...]

យ៉ាងណា សម្រាប់ថ្ងៃទីមួយ នៃដំណើរទស្សនកិច្ច ក្នុងក្រុងស៊ីដនី (ប្រទេសអូស្ត្រាលី) របស់ប្រមុខរដ្ឋាភិបាលកម្ពុជា ចំនួនអ្នកគាំទ្រលោក ដែលរងការចោទថា បានទទួលការចាត់តាំង ឲ្យមកឈរស្វាគមន៍លោកនោះ មានចំនួនច្រើនជាង ក្រុមអ្នកមិនសប្បាយចិត្តនឹងលោក។ ប៉ុន្តែក្រុមអ្នកមិនសប្បាយចិត្ត ដែលបានចូលរួមធ្វើបាតុកម្ម បានអះអាងថា ការជួបជុំគ្នានៅថ្ងៃនេះ គ្រាន់តែជាការចាប់ផ្ដើមប៉ុណ្ណោះ ខណៈការជួបជុំដ៏ធំសម្បើម នឹងត្រូវរៀបចំធ្វើ នៅថ្ងៃស្អែក ថ្ងៃសៅរ៍ទី១៧ ខែមីនានេះ។

ការជួបជុំ ធ្វើបាតុកម្ម របស់ពលរដ្ឋខ្មែរ-អូស្ត្រាលីនោះ ដឹកនាំដោយលោក ហុង លីម សមាជិកព្រឹទ្ធិសភា ប្រចាំនៅរដ្ឋវ៉ិកតូរីយ៉ា។ ពួកគេមានកាន់បដា និងស្រែកឡើងថា «រដ្ឋាភិបាលបានសម្លាប់ប្រជាធិបតេយ្យនៅកម្ពុជា» «កម្ពុជាត្រូវការសង្គ្រោះពីអន្ដរជាតិ» «បញ្ឈប់ការគំរាមកំហែងលើ​អង្គការសង្គមស៊ីវិល» និង «ដោះលែងលោក កឹម សុខា» និង «ឲ្យគណបក្សសង្គ្រោះជាតិចូលរួមការបោះឆ្នោត»។

[...]

សារព័ត៌មានបាងកកប៉ុស្ដ៍ បានរាយការណ៍ថា លោក ស៊ូរិន ពិតសុវណ្ណ (Surin Pitsuwan) បានដួល នៅមុនពេលលោកឡើងថ្លែង ក្នុងពិធី «Thailand Halal Assembly» ដែលប្រព្រឹត្តិទៅ នៅក្នុងមជ្ឈមណ្ឌលពាណិជ្ជកម្មមួយ នៃសង្កាត់ «Bang Na» កណ្ដាលរាជធានីបាងកក។ លោកត្រូវបានបញ្ជូន ទៅកាន់មន្ទីរពេទ្យ «Ramkhamhaeng» និងបានទទួលមរណភាព នៅវេលាម៉ោង ១៥ និង០៧នាទី រសៀល។

លោក ស៊ូរិន ជាអ្នកនយោបាយ មកពីគណបក្សប្រជាធិបតេយ្យថៃ និងបានឡើងធ្វើជារដ្ឋមន្ត្រីការបរទេស នៃប្រទេសថៃ នៅរវាងឆ្នាំ ១៩៩៧ ដល់ឆ្នាំ២០០១ បន្ទាប់ពីលោកបានកាន់តំណែង ជាអនុរដ្ឋមន្ត្រីការបរទេស ពីឆ្នាំ១៩៩២ ដល់ឆ្នាំ១៩៩៥។ កេរ្តិ៍ឈ្មោះលោក ស៊ូរិន មានភាពល្បីល្បាញខ្លាំង នៅពេលលោកបានក្លាយជាអគ្គលេខាធិការ អាស៊ាន ចាប់ពីឆ្នាំ២០០៨ ដល់ ឆ្នាំ ២០១២។

លោកបានផ្តល់សន្ទរកថាមួយ កាលពីពីរសប្ដាហ៍មុន នៅក្នុងសន្និសីទអាស៊ាន ដើម្បីជាការរំលឹកខួប៥០ឆ្នាំ នៃសមាគមប្រជាជាតិមួយនេះ។

[...]