Posts tagged as "Airbus"

កិច្ចសន្យាបញ្ជាទិញ ដែលមានតម្លៃ ១ពាន់លាន និង៧០លានអ៊ឺរ៉ូ ទើបនឹងត្រូវបានចុះហត្ថលេខា នៅថ្ងៃអង្គារ​នេះ រវាងក្រុមហ៊ុន «Airbus Helicopters» និង«Koweït City» ក្រោមវត្តមានរបស់រដ្ឋមន្ត្រីការពារ​ជាតិ​បារាំង លោក ហ្រង់ អ៊ីវ ឡឺឌ្រីយ៉ង់ (Jean Yves le Drian) និងរដ្ឋមន្ត្រីការពារជាតិ នៃប្រទែសកូវេត។ នេះបើតាម​ការ​ផ្សាយ​ឲ្យដឹង របស់វិទ្យុបារាំងមួយឈ្មោះ «Info France» នៅព្រឹកថ្ងៃអង្គារនេះ។

ឧទ្ធម្ភាគចក្រទាំងនោះ ជាប្រភេទឧទ្ធម្ភាគចក្រ «Caracal» សម្រាប់ដឹកជញ្ជូនទាហាន និងដើម្បីចុះ​បេសកកម្​មជួយសង្គ្រោះ នៅក្នុងពេលមានការប្រយុទ្ធ។ ឧទ្ធម្ភាគចក្រទាំងនេះ ត្រូវបានប្រើប្រាស់ នៅក្នុង​កងទ័ព​បារាំង តាំង​ពី​ជាង​១០ឆ្នាំ​កន្លងមក និងមានប្រទេស ៦ ផ្សេងទៀត បានបញ្ជាទិញរួចហើយ។

ដោយសារកិច្ចសន្យាបញ្ជាទិញនេះ ក្រុមហ៊ុន «Airbus Helicopters» របស់បារាំង ដែលមានទីតាំង​នៅក្នុង​តំបន់ «Bouches-du-Rhône» ភាគខាង​ត្បូង​បារាំង [...]

ស្រុកអ្នកមាន សង់ព្រលានយន្ដហោះច្រើនពេក និងនៅក្បែរៗគ្នា ទាល់តែអ្នកបើកបរយន្ដហោះ ចុះចត​យាន​របស់​ខ្លួន​ខុសព្រលាន! នេះ សំណាងហើយ ដែលអ្នកដំណើរទាំង១៣០នាក់ នៃជើងហោះហើរ​លេខ​​«2845» របស់​យន្ដហោះនៃក្រុមហ៊ុន «Delta Airlines» មិនមានរងរបួស ឬជួបគ្រោះថ្នាក់អ្វីទាំងអស់។ តែទាំងអ្នកដំណើរ ទាំង​អ្នក​បើកបរយន្ដហោះ ត្រូវបានបង្ខាំងទុក (បិទទាំងបង្អួចយន្ដហោះ) ឲ្យអង្គុយនៅស្ងៀម​នៅក្នុងយន្ដហោះ ប្រមាណ​ជា៣ម៉ោង ដើម្បីអនុញ្ញាតឲ្យកងទ័ពអាមេរិក ប្រដាប់ដោយអាវុធ និងមានជំនួយពីសត្វឆ្កែផង ចូល​ទៅ​ឆែកឆេរ​គ្រប់​កន្លែង ក្នុងយន្ដហោះ។

ហេតុការណ៍បានកើតឡើង នៅយប់ថ្ងៃព្រហស្បត្តិ៍កន្លងទៅ ទៅលើយន្ដហោះអ៊ែរប៊ូស (Airbus A320) របស់​ក្រុមហ៊ុន «Delta Airlines» ដែលហោះភ្ជាប់ទីក្រុង «Minneapolis» មកកាន់ទីក្រុង «Rapid City» ក្នុងរដ្ឋ «South Dakota» ភាគខាងជើងសហរដ្ឋអាមេរិក។ ប៉ុន្តែរឿងរ៉ាវដ៏ហួសចិត្តនេះ ទើបនឹងត្រូវបាន​សារព័ត៌មាន​តំបន់ [...]

នាង «Samar Ezz Eldin» ជាតិអេហ្សីព អាយុ២៦ឆ្នាំ បានបម្រើការងារ និងស្ថិតនៅក្នុងយន្ដហោះ «MS804» របស់ក្រុមហ៊ុនអាកាសចរណ៍ «EgyptAir» ដែលទើបនឹងធ្លាក់ចូលសមុទ្រ មេឌីទែរ៉ាណេ កាល​ពី​ថ្ងៃ​ព្រហស្បត្តិ៍​មុន។ នាងបានចូលបម្រើការ នៅក្នុងក្រុមហ៊ុននេះ តាំងពីខែឧសភា ឆ្នាំ២០១៤កន្លងមក។

សារព័ត៌មាន «La Stampa» បានធ្វើរបាយការណ៍មួយ ពីនាង «Samar Ezz Eldin» ដូច្នេះថា បន្ទាប់ពី​នាង​បាន​បម្រើការនៅក្នុងយន្ដហោះបាន៤ខែ នាងបានបង្ហោះរូបថតមួយ នៅលើបណ្ដាញសង្គមហ្វេសប៊ុក ឲ្យ​ឃើញ​ពី​ហេតុការណ៍ «ដូចដឹងមុន»ដ៏គួរឲ្យរន្ធត់ នៃការធ្លាក់យន្ដហោះ។

រូបថតនោះ ដែលត្រូវបានសារព័ត៌មានជាច្រើន យក​ទៅ​ផ្សព្វផ្សាយជាបន្តបន្ទាប់ នៅក្នុងរយៈពេល​ប៉ុន្មាន​ថ្ងៃ​ចុង​ក្រោយ​នេះ បានបង្ហាញពីស្ត្រីបម្រើការលើយន្ដហោះមួយរូប កំពុងដើរ​ចេញពីទឹក ក្នុងឯកសណ្ឋានការងារ ដែល​​ទទឹក​​ជោគ ជាមួយនឹងហិបឥវ៉ាន់នៅនឹងដៃ។ តែនៅផ្នែកខាងក្រោយ នៃរូបនោះ គេឃើញ​យន្ដហោះ​មួយ [...]

ប្រអប់ខ្មៅទាំងពីរនៃយន្ដហោះ «EgyptAir» ត្រូវបានគេរកឃើញហើយ។ នេះបើតាមការប្រកាស របស់​បណ្ដាញ​ទូរទស្សន៍អាមេរិកាំង «CBS News» ដោយបានយកប្រភព ស្និតនឹងរដ្ឋាភិបាលអេហ្សីពមកបញ្ជាក់។ ប្រភព​នោះ​បានអះអាងថា ទីតាំងរបស់ប្រអប់ខ្មៅ នៅនឹងតំបន់តែមួយ ដែលអ្នករុករកយន្ដហោះ បានរក​ឃើញ​បំណែកយន្ដហោះ និងសាកសពមនុស្សអណ្ដែត ឡើងមកលើសមុទ្រ។ កាលពីថ្ងៃសៅរ៍ កងទ័ព​អេហ្សីព​ក៏​បាន​ផ្សព្វផ្សាយ​ដែរ ពីរូបថតនៃបំណែកបែកខ្ញែកជាច្រើន និងសាកសពមនុស្ស ដែលទំនងជាអ្នកដំណើរ​នៅ​លើ​យន្ដហោះ។

យន្ដហោះ «AirBus» របស់ក្រុមហ៊ុនអាកាសចរណ៍ «EgyptAir» ដែលមានជើងហោះហើរលេខ «MS804» បាន​ហោះចេញទីព្រលានយន្ដហោះ «Roissy-Charles de Gaulle» នៃរដ្ឋធានីប៉ារីស ប្រទេសបារាំង នៅយប់​ថ្ងៃ​ពុធ​សប្ដាហ៍នេះ វេលាម៉ោង២៣ ហើយត្រូវមកចុះចត នៅព្រលានយន្ដហោះ នៃរដ្ឋធានីគែរ ប្រទេសអេហ្សីព នៅ​ព្រឹក​ទៀបភ្​លឺថ្ងៃព្រហស្បត្តិ៍ វេលាម៉ោង ០៣ និង០៥នាទី (ម៉ោងក្នុងស្រុក)។ [...]

យន្ដហោះធុន អ៊ែរប៊ូស (AirBus) របស់ក្រុមហ៊ុនអាកាសចរណ៍ «Egyptair» បានហោះចេញពី​ព្រលាន​យន្ដហោះ «Roissy-Charles de Gaulle» នៃរដ្ឋធានីប៉ារីស ប្រទេសបារាំង នៅវេលាម៉ោង២៣ និង០៩នាទី ជា​មួយ​នឹង​អ្នក​ដំណើរ​៥៦នាក់ និងបុគ្គលិកបម្រីការ១០នាកទៀត។ នៅក្នុងចំណោមនោះ មាន១៥នាក់ ជាជនជាតិបារាំង។

បើតាមក្រុមហ៊ុនអាកាសចរណ៍ខ្លួនឯង បានបញ្ជាក់ថា យន្ដហោះដែលមានលេខហោះហើរ «MS804» ត្រូវ​បាន​ប្រព័ន្ធត្រួតពិនិត្យផ្លូវអាកាស ចាប់ដានបាន នៅចុងក្រោយគេបង្អស់ គឺភ្លាមៗ​នៅបន្ទាប់ពីយន្ដហោះ បានហោះ​ចូល​ក្នុង​ដែនអាកាស របស់ប្រទេសអេហ្សីព។

ប្រភពផ្លូវការ របស់ប្រទេសអេហ្សីព បានបញ្ជាក់ថា យន្ដហោះប្រាកដជាបានធ្លាក់ចូលសមុទ្រ ហើយ​ការ​រុករក បានចាប់ផ្ដើមហើយ ជាមួយការចូលរួម ពីកងកម្លាំងឆ្មាំសមុទ្រ របស់ប្រទេសក្រិច៕