Posts tagged as "Crash Avion"

យន្ដហោះទេសចរណ៍ ធុនតូចពិសេស មួយគ្រឿង បានធ្លាក់បោកខ្លួន បន្ទាប់ពីបានបង្ខំចិត្តចុះចតជាបន្ទាន់ នៅលើផ្លូវថ្នល់មួយ ដែលមានរថយន្ដបើកត្រៀបត្រា បង្កភាពតក់ស្លុតមិនតិច ទៅដល់មនុស្សទាំងឡាយ ដែលបានឃើញទិដ្ឋភាព នៅផ្ទាល់ភ្នែក។ ឈុតឆាក់ដ៏ព្រឺព្រួច បានកើតឡើងតាំងពីថ្ងៃពុធកន្លងទៅ នៅក្នុងក្រុង ស៊ាំង ភីធើស្ប័រ (St. Petersburg) នៃរដ្ឋផ្លរីដា សហរដ្ឋអាមេរិក។

រូបភាពដែលត្រូវបានថតជាប់ ដោយកាម៉េរ៉ាសុវត្ថិភាព និងដែលត្រូវបានទូរទស្សន៍ «Fox News» យកមកផ្សាយនោះ បានបង្ហាញឲ្យឃើញ ពីតួយន្ដហោះ ដែលបានទម្លាក់ខ្លួន នៅពីលើផ្លូវថ្នល់ ហើយបានបុករថយន្ដជាច្រើន ដែលកំពុងបើកបរនៅទីនោះ។ ទូរទស្សន៍ដដែលបានអះអាងថា ការធ្លាក់យន្ដហោះនេះ មិនបានធ្វើឲ្យ មានមនុស្សរបួសធ្ងន់ធ្ងរ ឬមនុស្សស្លាប់នោះទេ។

នគរបាលតំបន់បានអះអាងថា មនុស្ស៥នាក់ [...]

អាជ្ញាធរទទួលបន្ទុក អាកាសចរណ៍ស៊ីវិល របស់ប្រជុំកោះ «Seychelles»​ ហៅកាត់ថា «SCAA» បានអះអាងថា គឺក្រុមអ្នកស្រាវជ្រាវខាងសត្វស្លាប និងអណ្ដើកសមុទ្រ ជាអ្នករកឃើញបំណែកយន្ដហោះទាំងនោះ បានមុនគេ នៅលើឆ្នេររបស់កោះមួយ ឈ្មោះ «Faqhar» របស់ប្រជុំកោះ។

បើតាមអាជ្ញាធរ «SCAA» នេះដដែល បានពន្យល់ថា បំណែកយន្ដហោះទាំងនោះ មានសណ្ឋានចេញមកពីតួយន្ដហោះ ដែលគេបានរកឃើញបំណែកផ្សេងទៀត នៅលើកោះក្នុងតំបន់ (ភាគខាងលិច នៃមហាសមុទ្រឥណ្ឋា)។ បំណែកដែលទើបនឹងត្រូវបានរកឃើញ អាចជាគំរបម៉ាស៊ីនប្រតិកម្ម របស់យន្ដហោះ។

មន្ត្រី «SCAA» បានបញ្ជាក់បន្ថែមថា អាជ្ញាធររបស់ប្រទេសម៉ាឡេស៊ី កំពុងធ្វើការស្រាវជ្រាវបន្ថែម ពីលើបំណែកទាំងនេះហើយ។

» រាល់អត្ថបទ ដែលទាក់ទងនឹងការបាត់ខ្លួន របស់យន្ដហោះ «MH370»៖ 

ស្ត្រីរងគ្រោះ ដែលបានមកធ្វើវិសមកាល នៅលើកោះមួយនេះ បានស្ថិតនៅជាប់ ជាមួយរបងព្រលានយន្ដហោះ ដែលមានទីតាំងនៅក្បែរឆ្នេរខ្សាច់ មានពោរពេញដោយមនុស្ស។ ប៉ុន្តែនៅពេលយន្ដហោះបានតម្លើងកម្លាំងម៉ាស៊ីនប្រតិកម្ម ដើម្បីរុញតួយន្ដហោះ ឲ្យហោះងើបខ្លួនពីដី ស្ត្រីវ័យ៥៧ឆ្នាំ ទំនងជាបានទទួលខ្យល់ ដែលបាញ់ចេញពីម៉ាស៊ីនប្រតិកម្ម យ៉ាងពេញកម្លាំងតែម្ដង (វីដេអូបង្ហាញជូនខាងក្រោម)។

ជាការពិតហើយ ការសាងសង់ព្រលានយន្ដហោះ នៅក្បែរឆ្នេរ របស់កោះ «Sint Maarten» ជាផ្នែកមួយ នៃការទាក់ទាញទេសចរណ៍របស់ខ្លួន ហើយគេឧស្សាហ៍ឃើញរូបថត ឬវីដេអូជាច្រើន ស្ដីពីការហោះចុះ ឬការហោះឡើង នៃយន្ដហោះ ដែលស្ថិតនៅយ៉ាងប្រកៀក ពីលើក្បាលអ្នកទេសចរណ៍។ អ្នកទេសចរណ៍ខ្លះទៀត ថែមទាំងបានឆក់ឱកាស រករឿងសប្បាយ ដោយយកខ្លួន ទៅដាក់ឲ្យចំពីក្រោយកម្លាំងខ្យល់ ដែលបាញ់ចេញ​ដោយម៉ាស៊ីនប្រតិកម្ម​យន្ដហោះ​នោះទៀត។

មនុស្ស១៦នាក់ បានស្លាប់ ក្នុងហេតុការណ៍ធ្លាក់យន្ដហោះ​យោធា​មួយ​គ្រឿង កាលពីថ្ងៃចន្ទ។ នេះ បើតាមការផ្សាយឲ្យដឹង របស់ទូរទស្សន៍ «CNN» របស់អាមេរិក នៅមុននេះបន្តិច។ ទូរទស្សន៍បានស្រង់ប្រភពនៅនឹងកន្លែង មកអះអាងថា ហេតុការណ៍បានកើតឡើង នៅក្នុងរដ្ឋ មីស៊ីស៊ីពី (Mississippi) ស្ថិតនៅភាគខាងត្បូង នៃសហរដ្ឋអាមេរិក។

មន្ត្រីទទួលបន្ទុក ខាងការ​គ្រប់គ្រង​​គ្រោះ​អាសន្ន ប្រចាំតំបន់ «Leflore» លោក «Fred Randle» បានថ្លែងប្រាប់ទូរទស្សន៍ខាងលើថា ជនរងគ្រោះទាំងអស់ សុទ្ធសឹងជាទាហាន ដែលបានជិះនៅក្នុងយន្ដហោះ ហើយគ្មានអ្នកណាម្នាក់ បានរួចរស់មានជីវិតទេ។

សារព័ត៌មានប្រចាំតំបន់វិញ បានអះអាងថា យន្ដហោះបានធ្លាក់បោកខ្លួន ពីលើចំការសណ្ដែក នៅវេលាម៉ោង ១៦ ម៉ោងក្នុងស្រុក (ត្រូវនឹងយប់ម៉ោង២២ ម៉ោងក្នុងប្រទេសបារាំង និងម៉ោង៣ទាបភ្លឺ ថ្ងៃអង្គារ ទី១១ ខែកក្កដា ម៉ោងនៅកម្ពុជា)។

នៅប៉ុន្មានម៉ោងមុននេះ ទំព័រទ្វីសធើរ (Twitter) [...]

យន្ដហោះរបស់ក្រុមហ៊ុន «AirAsia» របស់ប្រទេសឥណ្ឌូនេស៊ី ដែលភ្ជាប់ជើងហោះហើរ ពីក្រុង ផើត (អូស្ត្រាលី) ទៅកាន់រាជធានី កូឡាឡំពួរ (ម៉ាឡេស៊ី) កាលពីសប្ដាហ៍មុន ចាំបាច់ត្រូវហោះ ត្រឡប់ទៅកន្លែងដើមវិញ ក្រោមមូលហេតុ «បញ្ហាបច្ចេកទេស»។ អ្នកដំណើរម្នាក់ ដែលនៅក្នុងហេតុការណ៍នោះ បានរៀបរាប់ថា តួយន្ដហោះទាំងមូល បានស្ថិតក្នុងភាពរង្គើខ្លាំងក្លា ប្រៀបបានទៅនឹងម៉ាស៊ីនបោកខោអាវ។

ជើងហោះហើររបស់ក្រុមហ៊ុនអាកាសចរណ៍ ដែលលក់សំបុត្រក្នុងតម្លៃថោក បានជួបនឹងបញ្ហាបច្ចេកទេសនេះ ក្នុងរយៈពេលពេញ មួយម៉ោងកន្លះ (៩០នាទី) បន្ទាប់ពីបានហោះងើបខ្លួន ចេញពីព្រលានយន្ដហោះ ក្រុង ផើត។ ប៉ុន្តែនៅទីបំផុត យន្ដហោះប្រភេទ អ៊ែរប៊ូស (Airbus A330) បានហោះត្រឡប់ក្រោយ និងបានចុះចតនៅព្រលានយន្ដហោះដើមវិញ ដោយគ្មានជួបឧប្បត្តិហេតុអ្វីឡើយ។

ស្រង់សំដីដោយបណ្ដាញផ្សព្វផ្សាយ «ABC News Australia» អ្នកដំណើរនៅក្នុងយន្ដហោះ បានអះអាងថា ពួកគេបានស្ដាប់ឮ [...]