Posts tagged as "Boxe"

មូលហេតុ​ទាំង​១០ ដែល​អ្នក​ត្រូវ​ចេះ​ក្បាច់​គុន ឬ​ចំបាប់​សេរី

ក្បាច់គុនសេរី ឬពាក្យអង់គ្លេសហៅថា «Mixed Martial Arts» កាន់តែមានប្រជាប្រិយភាព នៅក្នុងស្រទាប់​យុវជន ហើយនៅក្នុងវីដេអូខាងលើនេះ មានពន្យល់ពីមូលហេតុទាំង១០ ដែលអ្នកចាំបាច់ ត្រូវហាត់ក្បាច់គុន។ ប៉ុន្តែការហ្វឹកហាត់ ស្ថិតក្នុងវិញ្ញាសាររបៀបនេះ មិនមែនមានតែ«ក្បាច់គុនសេរី»ទេ តែអ្នកនៅមានជម្រើស​ជាច្រើនទៀត ដូចជាប្រដាល់ ការ៉ាតេ ហ្សូដូ ឬតៃក្វាន់ដូជាដើម។

សម្រកទម្ងន់ ព្រោះហាត់ក្បាច់គុន អាចកាត់បន្ថយកម្ដៅកាឡូរី ប្រមាណជា១០០០កាឡូរី នៅក្នុងមួយម៉ោង។ មានភាពក្លាហានជាមុន មានការជឿទុកចិត្តលើខ្លួនឯង អាចការពារខ្លួនដោយខ្លួនឯង ឬអាចបង្កើត​ទម្រង់​ក្បាច់​គុន ដើម្បីភាពសប្បាយរីករាយ... មូលហេតុទាំងនេះហើយ ដែលបានផ្ដល់សារៈសំខាន់ ទៅឲ្យការហ្វឹកហាត់​កីឡា​បែបនេះ។៕

ចោរ​ជើង​ថ្មី ទៅ​លួច​ចំ​ស្ត្រី​អ្នក​ចំបាប់​អាជីព «គាបក​លៀន​អណ្ដាត»

ចោរ​ជើង​ថ្មី ទៅ​លួច​ចំ​ស្ត្រី​អ្នក​ចំបាប់​អាជីព «គាបក​លៀន​អណ្ដាត»

ចោរឆក់ជើងថ្មីឈ្មោះ «Wesley Sousa de Araujo» បានជិះម៉ូតូ ជាមួយយុវជនម្នាក់ទៀត ធ្វើសកម្មភាពឆក់ នារី​ពីរនាក់ នៅក្នុងកន្លៀតផ្លូវស្ថាត់មួយ នៃក្រុង «Acailandia» ភាគកណ្ដាលនៃប្រទេសប្រេស៊ីល។ ប៉ុន្តែ​ចោរ​ជើង​ថ្មី មិនបានព្រៀងទុក នូវហេតុការណ៍មួយ ដែលអាចធ្វើឲ្យចោរ ដែលកំពុងរៀនលួចឆក់ទាំងពីរ រាង​ចាល​អស់​មួយ​ជីវិត។ រាងចាល ព្រោះក្នុងចំណោមយុវតី ជាជនរងគ្រោះទាំងពីរ មានម្នាក់ជាកីឡាការិនី​ចំបាប់អាជីព ខ្សែ​ក្រវ៉ាត​ខៀវ ផ្នែក«jujitsu» នៃសហព័ន្ធប្រដាល់សេរី ពិភពលោក ដែលត្រូវបានស្គាល់ឈ្មោះ ម៉ូនិក បាស្តូស៍ (Monique Bastos)។

នាង ម៉ូនិក បាស្តូស៍ អាយុ២៣ឆ្នាំ បានថ្លែងប្រាប់គេហទំព័រ «iG» ក្នុងប្រទេសប្រេស៊ីលថា៖ «ម្នាក់ពីក្នុង​ចំណោម​ចោរទាំងនេះ បានឆក់ទូរស័ព្ទដៃ ដែលខ្ញុំកំពុងកាន់។ ខ្ញុំបានឃើញថា ពួកវាអត់មានកាំភ្លើងទេ។ អញ្ចឹង ខ្ញុំ​ផ្តួល​ម៉ូតូ​ពួកវាតែម្ដង។» ក្នុងជំនាញជាអ្នកចំបាប់ស្រាប់នេះ នាង បាស្តួស៍ [...]

ទាត់​បង្វិល​ផ្កាប់​ចាន ចំ​លិង្គ... អស្ចារ្យ តែ​ខុស​លក្ខន្តិកៈ

នៅក្នុងការប្រកួត MMA នៃខ្សែរក្រវ៉ាត់ «One Championship 28» ឬ «Dynasty of Champions» ក្នុង​ប្រទេស​សិង្ហបូរី បណ្ដាទស្សនិកជន បានទស្សនានូវសន្ធឹកក្បាច់គុន ដ៏ពិសេសមួយ កម្រមាននរណា​បញ្ចេញ។ នោះ​គឺ​កីឡាករ​ប្រយុទ្ធ វូ ហ្សេ បានហក់បង្វិលខ្លួន ទាត់ផ្កាប់ចាន ទៅលើគូរប្រកួត កីឡាករ ហ៊ុយ វូគៀន (Hui Wu Qiang) ដែលកំពុងដេកផ្ងារខ្លួន នៅលើដី។

ប៉ុន្តែការហក់បង្វិលខ្លួននោះ បានជ្រុលជើង ទៅជាន់ចំលិង្គរបស់គូប្រកួត ដែលជាកាយវិការមួយ ហាមឃាត់​ដោយវិន័យនៃការប្រកួត របស់ MMA។ ប៉ុន្តែយ៉ាងណាក៏ដោយ ក៏លទ្ធផលនៃការប្រកួត រវាង​កីឡាករ​ទំងន់​«រុយ»​ទាំងពីរនាក់ ត្រូវបានទៅលើកីឡាករ វូ ហ្សេ នៅទីបំផុត ទោះជាកាយវិការខាងលើ ត្រូវបាន​ចៅក្រម​កាត់​ពិន្ទុ​ខ្លះ ពីកីឡាករក៏ដោយ៕

ដក​តំណែង ផ្លយ ពី​ម្ចាស់​ខ្សែ​ក្រវ៉ាត់​ដែល​បាន​ពី​ការ​ឈ្នះ ផាគីអៅ

ដក​តំណែង ផ្លយ ពី​ម្ចាស់​ខ្សែ​ក្រវ៉ាត់​ដែល​បាន​ពី​ការ​ឈ្នះ ផាគីអៅ

នេះឬ ជាការប្រកួតប្រចាំសតវត្សន៍? កីឡាករប្រដាល់អាមេរិក ផ្លយ ម៉ាយវេដ័រ ទើបនឹងត្រូវបាន ដកតំណែង​ចេញ ជាម្ចាស់ខ្សែក្រវ៉ាត់ WBO សម្រាប់ទំងន់មធ្យប់ (តិចជាង៦៦,៧គីឡូក្រាម) ដែលខ្លួនទទួលបាន បន្ទាប់ពី​បាន​ប្រកួត ជាមួយកីឡាករហ្វីលីពីន ម៉ានី ផាគីអៅ កាលពីដើមឧសភា។ ការសម្រេចចិត្តនេះ បានធ្វើ​ឡើង​បន្ទាប់​ពី​កីឡាករអាមេរិក មិនបានបង់ប្រាក់ ទៅឲ្យគណៈកម្មការប្រដាល់ពិភពលោក (World Boxing Organization) មួយនេះ។ នេះបើតាមការប្រកាស របស់គណៈកម្មការពិភពលោក កាលពីយប់ថ្ងៃចន្ទ។

សេចក្ដីប្រកាសព័ត៌មានមួយ របស់គណៈកម្មការនេះ បានសរសេរឲ្យដឹងថា៖ «WBO មិនមានជម្រើសអ្វីផ្សេង ក្រៅតែពីឈប់ទទួលស្គាល់ ផ្លយ ម៉ាយវេដ័រ ជាម្ចាស់ជើងឯងពិភពលោក របស់ WBO សម្រាប់ទំងន់មធ្យម និងទុកតំណែងនេះ ឲ្យនៅទំនេរ»។

កីឡាករអាមេរិក ដែលបានប្រកួតឈ្នះ កីឡាករហ្វីលីពីនដោយពិន្ទុ នៅក្នុងការប្រកួតប្រចាំសតវត្ស ដ៏គួរឲ្យ​ខក​ចិត្ត នៅក្រុងឡាសវ៉េហ្គាស នោះ [...]

ទស្សនា​ចម្រៀង«ខ្ញុំ​នឹង​ប្រយុទ្ធ» របស់ ផាកហ្គីអៅ ម្ដង (vdo)

លោក ម៉ានី ផាគីអៅ បានបង្ហាញពីខ្សែជីវិតពិត ក្នុងនាមអ្នកប្រដាល់ នៃប្រទេសហ្វីលីពីន ក្នុងបទចម្រៀងមួយ ដែល​មាន​ចំណងជើងថា «ខ្ញុំនឹងប្រយុទ្ធ» ឬជាភាសាហ្វីលីពីន «ឡាឡាបានអាកូ (Lalaban Ako)» និងប្រែមកជាភាសាអង់គ្លេសថា «I Will Fight»។ ឃ្លីបវីដេអូ ដែលត្រូវបាន យកមកបង្ហោះ តាមបណ្តាញសង្គម និងបង្កឲ្យមានអ្នកគាំទ្រ យ៉ាងច្រើននោះ បាន​លើកឡើង ពីសភាពក្រៀមក្រំ ជាមួយនឹងការចូលរូមរំលែកទុក្ខ ក្នុងនាមជាពលរដ្ឋហ្វីលីពីន ទៅកាន់ពលរដ្ឋដូចគ្នា ដែល​កំពុង​រងទុក្ខ ជាពិសេស ចម្រៀងបានរៀបរាប់ថា លោកបានយកអាជីព ជាអ្នកប្រដាល់ ដើម្បីយកប្រាក់ ទៅ​សង្គ្រោះ​ជីវិត​ពលរដ្ឋ​ក្រីក្រក្នុងប្រទេស។

តាមន័យនៃបទចម្រៀងនេះ លោកផាគីអៅ ដែលជាប់ជាប់តំណាងរាស្ត្រ របស់ប្រទេសហ្វីលីពីនផងនោះ បានធ្វើការ​រៀប​រាប់​ពីជីវិតខ្លួន ដែលជាអ្នកប្រដាល់ ហើយព្យាយាម និងខិតខំ ប្រឹងប្រែងលើសង្វៀនប្រកួត បើទោះជាបែបមុខមាត់ ហូរ​ឈាម​ដាប​ខ្លួន និងរបួសយ៉ាងណាក៏ដោយ [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...