សម រង្ស៊ី ថារាជសារដែលអំពាវនាវពលរដ្ឋទៅបោះឆ្នោត ជា«លិខិតក្លែងក្លាយ»
បន្ទាប់ពីព្រះរាជសារមួយនេះ ត្រូវបានលោកនាយករដ្ឋមន្ត្រី ប្រើប្រាស់ ដើម្បីភ្ជាប់ក្រុមប្រឆាំង ដែលនៅតែបន្តអំពាវនាវ កុំឲ្យពលរដ្ឋទៅបោះឆ្នោត ទៅនឹងបំណង ចង់ផ្ដួលរំលំព្រះរាជបល្ល័ង្គនោះ នៅមុននេះបន្តិច លោក សម រង្ស៊ី មេដឹកនាំប្រឆាំងដ៏សំខាន់ជាងគេ របស់កម្ពុជា បានចេញមុខមកអះអាងថា ព្រះរាជសារចុងក្រោយ ដែលសរសេរក្នុងព្រះបរមនាម របស់ព្រះមហាក្សត្រនេះ គឺជាលិខិតក្លែងក្លាយ ឬជាលិខិត ដែលធ្វើឡើង ក្រោមការគំរាមកំហែង ពីលោក ហ៊ុន សែន។
លោក សម រង្ស៊ី បានសរសេរដូច្នេះ នៅលើទំព័រហ្វេសប៊ុករបស់លោកថា៖ «លិខិតព្រះមហាក្សត្រ អំពាវនាវឲ្យប្រជាពលរដ្ឋ ទៅបោះឆ្នោត ថ្ងៃ២៩ កក្កដា ខាងមុខ គឺជាលិខិតក្លែងក្លាយទេ ឬក៏ជាលិខិតមួយ ដែលបានធ្វើឡើង ក្រោមការគំរាមកំហែង ពីជនផ្តាច់ការ ហ៊ុន សែន ដែលចេះតែដើរ គំរាមកំហែងអ្នកដទៃ មានទាំងព្រះមហាក្សត្រផងដែរ»។
មេដឹកនាំប្រឆាំង ដែលមានវត្តមាន នៅក្នុងប្រទេសបារាំង មិនបានបញ្ជាក់ថា [...]
