លោក លី ភឿង រស់នៅក្រុង លីយ៉ុង (ភាគខាងត្បូងបារាំង) ដែលជាអ្នករៀបចំបាតុកម្មម្នាក់ ពីក្នុងចំណោម អ្នករៀបចំបាតុកម្មច្រើននាក់ បានអះអាងថា ចំនួនបាតុករនៅរសៀលថ្ងៃនេះ នៅខាងមុខអាគារគណៈកម្មការ នៃសហភាពអ៊ឺរ៉ុប មានចំនួនហួសពីការរំពឹងទុក ប្រមាណរហូតដល់ ១៣០០នាក់។ លោក បន្តថា គម្រោងបាតុកម្មនេះ ចាប់ផ្ដើមនៅម៉ោង១រសៀល និងត្រូវបញ្ចប់ នៅម៉ោង៣រសៀលថ្ងៃទី១៩ ខែតុលា ឆ្នាំ២០១៨នេះដដែល។

មកដល់វេលានេះ បណ្ដាបាតុករដ៏សន្ធឹកសន្ធាប់ទាំងនោះ បានបំបែកជួរ និងចាកចេញ ពីទីលានខាងមុខអាគារគណៈកម្មការ នៃសហភាពអ៊ឺរ៉ុប នៅកណ្ដាលរាជធានី ប្រ៊ុចហ្សែល (ប្រទេសប៊ែលហ្សិក) នោះអស់ហើយ។ យ៉ាងណា ទស្សនាវដ្ដីមនោរម្យ.អាំងហ្វូ សូមត្រឡប់មកយកទិដ្ឋភាព (ជារូបថត និងវីដេអូ) នៃការប្រមូលផ្ដុំគ្នា បង្ហាញកម្លាំងដោយសន្តិវិធី ពីសំណាក់ពលរដ្ឋខ្មែរ នៅក្នុងទ្វីបអ៊ឺរ៉ុប មកផ្សាយឡើងវិញ ដូចខាងក្រោម ដោយរួមទាំងរូបភាពមួយចំនួន ដែលផ្តិតយកដោយអ្នកសារព័ត៌មានធំៗ នៅអ៊ឺរ៉ុបផង។

» ទិដ្ឋភាពថតដោយអ្នកសារព័ត៌មាន របស់ Sky News៖

Small vocal demo by Cambodians outside the #ASEM12 summit against the current government of Prime Minister Hun Sen. EU’s @MalmstromEU is threatening to strip of its preferential trade terms with  because of its human rights record.  tariffs would hit 40% of  exports. pic.twitter.com/GeZdm68twD

— Mark Stone (@Stone_SkyNews) 19 octobre 2018

» ទិដ្ឋភាពថតដោយអ្នកសារព័ត៌មាន របស់ Financial Times៖

Protest in #Brussels against Hun Sen, #Cambodia PM of 33 years, who is attending summit with #EU and fellow Asian leaders pic.twitter.com/A6TYi7YOXe

— Michael Peel (@Mikepeeljourno) 19 octobre 2018