មីសាវ អូសាវ៉ា (Misao Okawa) ស្ត្រីវ័យចំណាស់ជាងគេ ក្នុងពិភពលោក ទទួលស្គាល់ដោយសៀវភៅឯកត្តកម្ម (Guinness World Records) បានផ្លុំទៀនកាលពីថ្ងៃអង្គារមុន ដើម្បីធ្វើបុណ្យខួបទី១១៥ឆ្នាំរបស់គាត់។

មីសាវ អូសាវ៉ា ដូនចាស់អាយុ១១៥ឆ្នាំ។

ដូនចាស់ បាននិយាយតាមទូរទស្សន៍ឯកជន TBS ថា «ខ្ញុំមិននឹកស្មានថា ខ្ញុំអាចរស់នៅបានចាស់ និងយូរយ៉ាងនេះទេ តែគឺដោយសារបានអ្នកទាំងអស់គ្នា»។ ស្ត្រីអាយុជាងមួយសតវត្សន៍ កើតចេញពីគ្រួរសារអ្នកធ្វើជំនួញមួយ នៅក្នុងទីក្រុង អូសាកាណ (Osaka) ផ្នែកខាងលិចនៃប្រទេស។

ដើម្បីស្វាគមន៍រីករាយជាមួយនឹងបុណ្យខួបកំណើត ដែលប្រព្រឹត្តិធ្វើនៅក្នុងគេហដ្ឋានចូលនិវត្តន៍របស់គាត់ ដូនចាស់​អាច​ជ្រើសរើស និងទទួលបាននូវចំណីដ៏ឆ្ងាញ់មួយ៖ ត្រីឆៅ ស៊ូស៊ី ពិសេស។

លោកយាយ កើតនៅថ្ងៃទី៥មិនា ឆ្នាំ១៨៩៨ បានរៀបការនៅឆ្នាំ១៩១៩ មានកូនបីនាក់ ក្នុងនោះម្នាក់ប្រុស និងម្នាក់ទៀត​ស្រី នៅរស់នៅឡើយ ហើយម្នាក់ៗ មានអាយុសុទ្ធតែដល់៩០ឆ្នាំ កាលពីឆ្នាំទៅមុនរួចអស់ទៅហើយ។

ព្រឹទ្ធនារី អូកាវ៉ា បាននិយាយថា គាត់មិនដែលមានបញ្ហាសុខភាពទេ លើកលែងតែពេលគាត់បានបាក់ជើងម្ដង កាលពី​អាយុ១០២ឆ្នាំ។

សូមបញ្ជាក់ថា បុរសដែលមានវ័យចំណាស់ជាងគេ ក៏ជាជនជាតិជប៉ុនដែរ។ លោកតាដែលមានអាយុវែងជាងគេនេះ សព្វ​ថ្ងៃរស់នៅនៅទីក្រុងតូក្យូ ហើយលោកតានឹងធ្វើបុណ្យខួបរបស់លោកតា នៅខែមេសាខាងមុខ គម្រប់អាយុ១១៦ឆ្នាំ៕

--------------------------------------------------
ដោយ ៖ កេសរកូល - ភ្នំពេញ ថ្ងៃទី០៧ ខែមិនា ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ