វិចិត្រករ ជាតិអង់គ្លេស លោក Mat Collishaw ជាអ្នករកឃើញ នូវទេពកោសល្យបែបនេះ។ វិចិត្រករសូន្យរូប បានឆ្នៃ និង​បង្កើតជារូបចំលាក់តូចៗ ដកស្រង់ចេញ ពីការប្រធានបទមួយ ស្ដីពី«ការកាប់សម្លាប់ ជនស្លូតត្រង់» របស់​វិចិត្រករ​ម្នាក់​ទៀត គឺលោក Pierre Paul Rubens ដែលបានយកសាច់រឿង ពីក្នុងគុម្ពី ប៊ីប មកគូរដាក់នៅក្នុងផ្ទាំងគំនូររបស់ខ្លួន។

ស្នាដៃសូន្យរូប របស់លោក Mat Collishaw បានធ្វើឲ្យដែលបានឃើញ អត់ទ្រាំមិនស្ងើចសរសើរមិនបាន ដោយសារតែ​ពេល​ដែលគេបង្វិលទោងនេះ ឲ្យវិលឲ្យខ្លាំងទៅ រាល់រូបចម្លាក់ទាំងអស់ នឹងបង្កើតជាចលនា ដូចជាចលនា នៅរូបភាព 3D យ៉ាងដូច្នេះដែរ។

តាមពិតទៅ ចលនានៃរូបចម្លាក់តូចៗ ទាំងអស់នេះ ត្រូវបានលោក Mat Collishaw បង្កើតឡើងម្ដងបន្ដិចៗ ម្ដងមួយ​ដំណាក់​កាលៗ ដោយប្រើចលនារបស់កម្មវិធី 3D ដ៏ល្បីឈ្មោះ 3DS Max និង ZBrush។ វិចិត្រករបានឆ្លាក់រូបទាំងអស់ មានចំនួន ៣៥០​​រូប ឬ៣៥០កាយវិការ ហើយបានប្រើពេល រហូតដល់៦ខែ ដើម្បីសម្រេចនូវគ្រប់រូបទាំងអស់៕