ប៉ះ​ម៉ូតូ​ដួល​ចុះ​មក​ជួយ តែ​បែរ​ជា​បាន​«មួយ​ដៃ»​ទៅ​វិញ

ជិះម៉ូតូប៉ះគ្នា ដួលភាគីម្ខាង ភាគីម្ខាងទៀត មានចិត្តអាណិត ត្រឡប់មកជួយលើក ស្រាប់តែម្ចាស់ម៉ូតូដែលដួល តប​ស្នង​វិញ​ដោយ​កំហឹង ជាមួយកណ្តាប់ដៃ និងកាយវិការក្របួចកអាវ យ៉ាងទទឹងទិស មកលើអ្នកសង្គ្រោះ។
Loading...
  • ដោយ: ក. សោភណ្ឌ អត្ថបទ៖ ក.សោភ័ណ្ឌ ([email protected]) - យកការណ៍៖ ហេង វុទ្ធី - ភ្នំពេញថ្ងៃទី២៧ មិនា ២០១៥
  • កែប្រែចុងក្រោយ: March 28, 2015
  • ប្រធានបទ: ចរាចរណ៍
  • អត្ថបទ: មានបញ្ហា?
  • មតិ-យោបល់

នៅប្រទេសកម្ពុជា ក្នុងពេលបច្ចុប្បន្ន អំពើប្រកបដោយ សីលធម៌ និងមនុស្សធម៌ ពិបាកនឹងត្រូវបានគេ​មើលឃើញ​ណាស់ កុំថាឡើយ ដល់ទៅមានករណីប៉ះពារគ្នា នៅតាមដងផ្លូវ។ ដូចជាករណី គ្រោះថ្នាក់ចររាចរណ៍នេះ ជាដើម ដែល​បានកើតឡើង នៅតាមបណ្តោយ មហាវិថីម៉ៅសេងទុង ក្នុងសង្កាត់ផ្សារដើមគ ខណ្ឌទួលគោក រាជធានីភ្នំពេញ កាល​ពី​វេលា​ម៉ោង​៨ព្រឹក ថ្ងៃទី២៧ ខែមិនាឆ្នាំ២០១៥។

គ្រោះថ្នាក់នេះ មិនបានធ្វើឲ្យភាគីណាមួយ មានរបួសធ្ងន់នោះទេ ព្រោះម៉ូតូទាំងពីរ បានប៉ះគ្នាបន្តិច ហើយដួលទៅ​លើ​ផ្លូវ មានរបួសស្រាល រីឯម៉ូតូក៏គ្មានខូចខាតអ្វី ធំដំដែរ។ នេះបើតាម សាក្សីនៅផ្ទាល់កន្លែងកើតហេតុ។

សាក្សី បានប្រាប់បន្តទៀតថា ដំបូងឡើយ ម៉ូតូទាំងពីរគ្រឿង បើកបរក្នុងទិសដៅស្របគ្នា តាមបណ្តោយផ្លូវ ម៉ៅសេងទុង ពីជើង ទៅត្បួង ស្រាប់តែមកដល់ ទល់មុខកន្លែងលក់ឡាន នៅជិតមជ្ឈមណ្ឌល ម៉ុងឌីយ៉ាល់ ម៉ូតូបង្កដែល​មានស្លាក​លេខ 1AQ-9041 ដែលបើកបរ ដោយបុរស់ម្នាក់ ឈ្មោះ ម.ហ បានប៉ះជាមួយ ម៉ូតូមួយគ្រឿងទៀត ដែលកំពុងជិះ​គ្នា​បី​នាក់ បណ្តាលឲ្យបុរស ដែលបើកម៉ូតូម្នាក់ឯង ដួលទៅលើផ្លូវ។

សាក្សីបានបន្ថែមថា បន្ទាប់ពីឃើញភាគីម្ខាងដួល ម្ចាស់ម៉ូតូមានគ្នាបីនាក់ បានបត់ម៉ូតូត្រឡប់ មកជួយលើក។ ភ្លាមៗ​នោះ បុរសដួលខាងលើបាន ចាប់ក្របួចកអាវ អ្នកដែលមកជួយខ្លួន ទាំងស្រែកសម្តីខ្លាំងៗ ព្រមទាំងទាមទារសំណង ពីអ្នក​មក​ជួយនេះទៀតផង។

ម្ចាស់ម៉ូតូដែលដួល លោក ម.ហ បានប្រាប់ទស្សនាវដ្ដីមនោរម្យ.អាំងហ្វូថា លោកជាអាជ្ញាធរអគ្គិសនីកម្ពុជា ដែល​មាន​អាស័យដ្ឋានបច្ចុប្បន្ន នៅសង្កាត់ទឹកថ្លា រាជធានីភ្នំពេញ ហើយកំពុងតែធ្វើដំណើរទៅធ្វើការ។ ដល់កណ្តាលផ្លូវ ក៏ជួប​គ្រោះថ្នាក់នេះ លោកទាមទារសំណង៥០ដុល្លា ពីភាគីម្ខាងទៀត ថ្លែជួសជុលម៉ូតូ របស់លោកខូច និងថ្លៃព្យាបាល​របួស។

ចំណែកឯភាគីម្ខាងទៀត ជាយុវជនអាយុប្រមាណ២០ឆ្នាំ សុំមិនប្រាប់ឈ្មោះ បានឲ្យដឹងថា ខ្លួនធ្វើការជាកម្មករ ធ្វើការ​នៅផ្លូវកម្ពុជាក្រោមសព្វថ្ងៃ ហើយកំពុងធ្វើដំណើរ ទៅទិញផ្លែឈើសែន ថ្ងៃសីល នៅកន្លែងធ្វើការ ក៏ស្រាប់តែជួប​ហេតុ​ការណ៍នេះ ពេលឃើញដួល ក៏ត្រឡប់មកជួយ មិននឹកស្មានថា ត្រូវភាគីម្ខាងទៀតនេះ ទាមទារសំណង ទាំងមិនបាន​ខូច​ខាតអ្វី បែបនេះសោះ។ យុវជនបានបដិសេធ មិនចេញថ្លៃខូចខាតនោះទេ ដោយបាននិយាយថា ខ្លួនមានតែ​១០ដុល្លា​ប៉ុណ្ណោះ។

ទីបំផុតទៅ លោក ម.ហ បានទទួលយកលុយ១០ដុល្លានោះ រួចក៏បញ្ចប់រឿង ទាំងសងខាង។

ប៉ុន្តែហេតុការណ៍ បានបញ្ចប់ទៅតែមាត់ទេ ព្រោះលោក ម.ហ ខាងលើ បានឃើញស្ត្រីម្នាក់ ដែលជាសាច់ញាតិយុវជន បានមកហៅយុវជននោះ ឲ្យទៅផ្ទះ ក៏ស្រាប់តែបានប៉ះសម្ដីគ្នា ហើយស្ទុះទៅចាប់ក្របួច ក ស្រីម្នាក់នេះទៀត បង្ករ​ឲ្យ​មាន​ការភ្ញាក់ផ្អើល ដល់​អ្នកនៅជុំវិញ ដែលនៅក្នុងហេតុការណ៍ រហូតត្រូវបង្ខំចិត្ត ចូលជួយអន្តរាគមន៍ និងឃាត់ជា​បន្ទាន់។ ស្ត្រីម្នាក់នោះ មិន​មាន​របួសអ្វី ធ្ងន់ធ្ងរទេ រីឯលោក ម.ហ វិញ បានបើកម៉ូតូគេចខ្លួន បាត់ស្រមោល៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...