ប្រលង​រើស​សមត្ថភាព​ខាង​ភាសា​កូរ៉េ ឆ្នាំ​២០១៤ មាន​«តុល្យភាព»​ បើ​តាម​ក្រសួង​ការងារ

ក្រសួងការងារនៃប្រទេសកម្ពុជា បានសហការជាមួយក្រសួងការងារនៃសាធារណៈរដ្ឋកូរ៉េ (កូរ៉េខាងត្បូង) បាន​រៀបចំ​ការ​ប្រលង​រើសរកសមត្ថភាព ខាងភាសាកូរ៉េ សម្រាប់រយៈពេលពីរថ្ងៃ គឺថ្ងៃសៅរ៍ទី២៥ និងថ្ងៃអាទិត្យទី២៦ ខែតុលា កន្លង​មក​នេះ ដែលមានមណ្ឌលប្រលងចំនួន១១មណ្ឌល។
ស្នាមញញឹមរបស់យុវតី ជានិស្សិតបញ្ចប់ការសិក្សាមួយរូប។ (រូបថត ឯកសារ)
Loading...
  • ដោយ: អ៊ុម វ៉ារី ដោយ អ៊ុម វ៉ារី (ទាក់ទង៖ [email protected]) - ភ្នំពេញ ថ្ងៃទី២៨ តុលា ២០១៤
  • កែប្រែចុងក្រោយ: October 29, 2014
  • ប្រធានបទ: ការងារ
  • អត្ថបទ: មានបញ្ហា?
  • មតិ-យោបល់

អ្នកនាំពាក្យរបស់​ក្រសួង​ការងារ​កម្ពុជា លោក ហេង សួរ បាន​លើក​ឡើង​ក្នុង​កិច្ច​សម្ភាស ជា​មួយ​អ្នក​សារព័ត៌មាន កាល​ពី​យប់​ថ្ងៃ​ទី​២៧ ខែ​តុលា​ថា ការ​សាក​ល្បង​ជ្រើស​រើស​សមត្ថភាព ខាង​ភាសា​កូរ៉េ​នេះ ត្រូវ​អនុវត្តន៍​ទៅ​លើ​ខេត្ត-ក្រុង​ចំនួន​បួន រួម​មាន​មណ្ឌល​ភ្នំពេញ មណ្ឌល​ខេត្ត​តាកែវ មណ្ឌល​ខេត្ត​ត្បូង​ឃ្មុំ និង​មណ្ឌល​ខេត្ត​កំពង់​ឆ្នាំង ហើយ​មាន​បេក្ខជន​ចូល​រួម​ប្រលង​ជាង​ប្រាំ​ម៉ឺន​នាក់ ដើម្បី​ឈាន​ទៅ​សម្រេច​ជ្រើសរើស​យក​ត្រឹម​តែ ជាង​បួន​ពាន់​នាក់​ប៉ុណ្ណោះ។

សម្រាប់ឆ្នាំ២០១៤ និងឆ្នាំ២០១៥ ខាង​មុខ​នេះ​វិញ ក្រសួង​ការងារ​នៃ​សាធារណរដ្ឋកូរ៉េ នឹង​ជ្រើសរើស​ពលករ​កម្ពុជា ត្រឹម​តែ​ជាង​បួន​ពាន់​នាក់​ប៉ុណ្ណោះ បើ​ធៀប​ទៅ​នឹង​ឆ្នាំ​២០១៣ មាន​ចំនួន​ជិត​ប្រាំពីរ​ពាន់​នាក់​នោះ។

រាល់ការប្រលងទាំងអស់ ត្រូវបានរៀបចំតាមលក្ខណៈបច្ចេកវិទ្យា ដោយប្រព័ន្ធកុំព្យូទ័រ ដូចជាស្កេនម្រាមដៃ ក្រដាសប្រលងត្រូវយកមកពីប្រទេសកូរ៉េផ្ទាល់ និងតំកល់ទុកក្នុងស្ថានទូតកូរ៉េ ប្រចាំកម្ពុជា ក្រដាស​ប្រលង​បង្កប់​ដោយប្រព័ន្ធម៉ាតិច ងាយនឹងធ្វើ«កំណែ» តាមរយៈប្រព័ន្ធកុំព្យូទ័រជាដើម។

លោក ហេង សួរ បាននិយាយឲ្យដឹងទៀតថា ដោយសារការប្រើប្រាស់ប្រព័ន្ធស្កេនមេដៃនេះហើយ ដែល​ធ្វើឲ្យ​មានការរកឃើញ ពីអ្នកស៊ីឈ្នួលប្រលងចំនួនបួននាក់ នៅឯខេត្តកំពង់ឆ្នាំង ហើយត្រូវបាន​អាជ្ញាធរមាន​សមត្ថកិច្ច កសាងសំណុំរឿង ដើម្បីបញ្ជូនទៅតុលាការដោះស្រាយតាមច្បាប់។

កិច្ចសម្ភាសទាំងស្រុង រវាងលោក ហេង សួរ អ្នកនាំពាក្យក្រសួងការងារកម្ពុជា ជាមួយអ្នកសារព័ត៌មាន​កាល​ពី​ព្រលប់ថ្ងៃអាទិត្យទី២៧ ខែតុលា នៅទីស្តីការក្រសួង៖

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...