ធ្លាយ​​ទៀត​ហើយ​ថា ឈិត សុវណ្ណ​បញ្ញា គ្រោង​ចូល​រោង​ការ​ចុង​ឆ្នាំ

ដំណឹងដ៏ស្រពិចស្រពិល របស់តារាចម្រៀង ឈិត សុវណ្ណបញ្ញា ជិតឈានជើងចូលរោងការ ក្នុងអំឡុងពេលប៉ុន្មាន​ខែទៀត បានលេចចេញជាថ្មី បើទោះបីជាកន្លងមក តារាវ័យក្មេងរូបនេះ តែងចេញមុខបដិសេធក៏ដោយ។
Loading...
  • ដោយ: ប្រាថ្នា ដោយ ក.ចាន់នីតា (ទាក់ទង៖ [email protected]) - ភ្នំពេញ ថ្ងៃទី២១ កក្កដា ២០១៤
  • កែប្រែចុងក្រោយ: July 21, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ដំណឹងដ៏ស្រពិចស្រពិល របស់តារាចម្រៀង ឈិត សុវណ្ណបញ្ញា ជិតឈានជើងចូលរោងការ ក្នុងអំឡុងពេលប៉ុន្មាន​ខែទៀត បានលេចចេញជាថ្មី បើទោះបីជាកន្លងមក តារាវ័យក្មេងរូបនេះ តែងចេញមុខបដិសេធក៏ដោយ។


នាង ឈិត សុវណ្ណបញ្ញា តារាចម្រៀងរបស់ក្រុមហ៊ុន ហង្សមាស។ (រូបថត ហ្វេសប៊ុក)

តារា - ជាថ្មីម្តងទៀត ដំណឹងខ្សឹបខ្សៀវ ទាក់ទងនឹងស្នេហារបស់តារាចម្រៀងដ៏មានប្រជាប្រិយ កញ្ញា ឈិត សុវណ្ណ​បញ្ញា បានបែកធ្លាយម្តងទៀត ដោយតារាចម្រៀងសំនៀងទន់ភ្លន់រូបនេះ បានភា្ជប់ចំណងស្នេហាយ៉ាងផ្អែមល្ហែម ជាមួយបុរសអ្នកមានទ្រពសម្បត្តិក្នុងស្រុកម្នាក់ ដែលគ្រោងនឹងដឹកដៃគ្នា ចូលរោងការនៅអំឡុងចុងឆ្នាំនេះ។

បន្ថែមលើសពីនេះ មានគេអះអាងទៀតថា គ្រួសាររបស់បុរសម្នាក់នោះ ពេញចិត្តពេញថ្លើមនឹងកញ្ញា ឈិត សុវណ្ណ​បញ្ញា ណាស់ ដោយសារតែនាងជាតារា ដែលមានភាពរួសរាយរាក់ទាក់ មានចរិតល្អ សុភាពរាបសាស្លូតបូត និង​បញ្ចេញស្នាមញញឹមគ្រប់ពេលវេលា។

ការបង្ហើបពីដំណឹង ដ៏រំជើបរំជួលរបស់តារាចម្រៀងស្រី នៃផលិតកម្មរស្មីហង្សមាសរូបនេះ កំពុងតែត្រៀមខ្លួនចូល​រោងការនោះ បានកើតឡើងជាថ្មីទៀត បន្ទាប់ពីរឿងរ៉ាវស្នេហា របស់តារារូបនេះ ត្រូវបានបណ្តាសារព័ត៌មានជាច្រើន លើកឡើងជារឿយៗផងដែរពី ទំនាក់ទំនងស្នេហារបស់នាង ។ ពួកគេបានលើកឡើងថា ឈិត សុវណ្ណបញ្ញា មាន​ទំនាក់ទំនងជាមួយនឹងកូនថៅកែលក់រថយន្ត ក្រោយមក ក៏ថានាងមានទំនាក់ទំនងប្លែក ជាមួយនឹងក្មួយមន្ត្រីធំ បុរស​ជនជាតិចិន ហើយចុងក្រោយនេះ ថានាងមានទំនាក់ទំនងស្នេហ៍ជាមួយនឹងអ្នកមាន អំណាចម្នាក់នៅក្នុងស្រុក។

តែបើមើលពីរូបសម្ផស្ស និងចរិកឬកពាវិញ ឈិត សុវណ្ណបញ្ញា ត្រូវបានគេដឹងថា នាងមិនអន់នោះឡើយ តារារូបនេះ ពិតជាមានមន្តស្នេហ៍ខ្លាំងមិនធម្មតានោះទេ ដែលបានអន្ទងចិត្តបុរសៗជាច្រើន ទាំងនៅក្នុងស្រុក និងក្រៅស្រុក។ គេបានដឹងទៀតថា នៅក្នុងអំឡុងពេលនាងចេញច្រៀង នៅសហរដ្ឋអាមេរិក និងកាណាដា នាងបានអន្ទងចិត្តបុរស អាណិកជនខ្មែរនៅទីនោះមិនតិចនាក់នោះទេ។

កញ្ញា ឈិត សុវណ្ណបញ្ញ ដែលអ្នកក្នុងពិភពសិល្បៈអះអាងថា នាងកំពុងលាក់បាំងស្នេហា ទុំជោមួយនេះ កន្លងមក​ធ្លាប់​បដិសេធរឿងនេះ ដល់សារព័ត៌មាននានាដែរថា «រឿងខ្ញុំរៀបការនេះ គេតែងលើកមកនិយាយម្តងជាពីរដង ម្តងឆ្នាំនេះ ម្តងឆ្នាំនោះ តែសម្រាប់ខ្ញុំអត់ទាន់ចង់រៀបការនោះទេ ព្រោះចង់ទុកពេលពង្រឹងការងារសិល្បៈ​ឱ្យបាន​រឹងមាំសិន»។

នាងបានបញ្ជាក់យ៉ាងច្បាស់ទៀត ថាបើចង់ដឹងច្បាស់ថា នាងជិតរៀបការមែនឬយ៉ាងណានោះ មានតែថ្ងៃដែល​នាង​ស្លៀកពាក់សំលៀកបំពាក់ «កូនក្រមុំ» តែប៉ុណ្ណោះ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...