គ្រោះអគ្គីភ័យមួយ បានបំផ្លាញពន្ធនាគារ នៅកូម៉ាយ៉ាហ្គាក្នុងប្រទេសអុងឌីរ៉ាស Honduras ចំងាយប្រហែលជា មួយរយ​គីឡូម៉ែតភាគខាងត្បូង នៃរាជធានីតេកស៊ីហ្គាលប៉ា Tegucigalpa ហើយបាន សំលាប់មនុស្សអស់ប្រមាណជា ៣៦៤នាក់។

សាកសពដែលអូសចេញមកក្រៅ។

មុនពេលឆេះ ពន្ធនាគារនេះបានផ្ទុកអ្នកទោសចំនួនប្រហែលជា ៩០០នាក់ លើសទ្វេរដងពីរចំណុះធម្មតា។ គឺជាឧប្បត្តិ-​ហេតុគ្រោះអគ្គីភ័យ និងមិនមែជាការបះបោរ របស់អ្នកទោសទេ។ ប៉ុន្តែគេបានសង្កេតមើលទៅ ដូចជាគ្មាននរណាម្នាក់​បានមកជួយ អ្នកទោសដែលត្រៀមខ្លួនឆេះខ្លោច ចេញពីអណ្តាតភ្លើងនោះទេ។

យោងតាមខ្សែអាត់វិដេអូ ដែលបានទៅដល់ដៃអ្នកសារពត៌មានបានឲ្យដឹងថា នគរបាលដូចជាបានបាញ់កាំភ្លើងតំរង់សំដៅ អ្នកទោស ជាសជាង ជួយសង្គ្រោះអ្នកទោស នៅខណៈពេលដែលមានគ្រោះអគ្គីភ័យ បានរាលដាលទៅដល់គុក។

អ្នកយាមមួយចំនួនបានបដិសេធ​ មិនព្រមបើក ទ្វារបាំងការពារគុកទេ ដោយទុកឲ្យអ្នកទោសទំាងនោះនៅ ក្នុងគុកតាម​យថាកម្មរបស់ពួកគេ។

អង្គការកាពារសិទ្ធិមនុស្សអន្តរអាមេរិចកាំងមួយ បានប្រកាស ពីការបញ្ជូន គណះប្រតិភូររបស់ខ្លួន ទៅធ្វើការស៊ើបអង្កេត ពីមូលហេតុ នៃគ្រោះអគ្គីភ័យនេះ។ បើទោះបីជាយ៉ាងក៏ដោយ ការប៉ាន់ស្មានពីការផ្ទុះឆ្លងចរន្តអគ្គីសនី ត្រូវបានគេទុកជា​មូលហេតុចំបង នៃ គ្រោះអគ្គីភ័យនេះ ។

ចៅហ្វាយក្រុងលោកស្រី ផាវឡាកាសស្ត្រូ បានប្រកាសឲ្យគេដឹង ពីអ្នកទោសមា្នក់ ដែលបានទូរស័ព្ទប្រាប់គាត់ថា «អគ្គីភ័យ​នឹងឆាបឆេះនៅក្នុងពន្ធនាគារ ហើយយើងទំាងអស់គ្នានឹងស្លាប់ រោលដូចធ្យូងអញ្ជឹង »។

ភ្លាមនោះ គាត់ក៏បានហៅ អ្នកពន្លត់អគ្គីភ័យ តែពូកគេមិនអាចចូលទៅក្នុង អាគារពន្ធនាគារទំាងនោះបានទេ ដោយសារតែ ត្រូវគោរពតាម និយាមដ្ឋានរបស់ពន្ធនាគារ។ ក្រុមគ្រួសារអ្នកទោសដែលបដិសេធ ពីការដឹកជញ្ជូនសាកសព​របស់ជន​រងគ្រោះ ទៅកាន់ទីក្រុងតេកស៊ីហ្គាលប៉ា បានទំលាយរនាំងហាមឃាត់ ហើយបានធ្វើការប្រឆំាងតទល់ នឹងភ្នាក់ងារ​សន្តិសុខ។

ប្រធានាធិបតី ហ្សូហ្ស៊េ ឡូបូ José Lobo បានសន្យាជួយជាទឹកប្រាក់ ដល់គ្រួសារជនរងគ្រោះ ដើម្បីចំណាយ នាពេល​ធ្វើ​បុណ្យបញ្ចុះសព៕

---------------------------------------------------
ដោយ ៖ បុរស boros - ភ្នំពេញ ថ្ងៃ ទី ១៨ កុម្ភៈ ឆ្នាំ ២០១២
Source d'information : Reuter.