រដ្ឋាភិបាល​​កម្ពុជា​ថា កុំ​ទៅ​ថៃ​បើ​មិន​ចាំ​បាច់ ឬប្រយ័ត្នកន្លែងជុំៗ

ក្នុងពេលដែលវិបត្តិនយោបាយផ្ទៃក្នុង របស់ប្រទេសថៃ កំពុងមានភាពរំពើតរំពើងខ្លាំងនោះ ប្រទេសកម្ពុជា​បានទទូច​ដល់ពលរដ្ឋខ្លួន គម្បីមានការប្រុងប្រយ័ត្នក្នុងការធ្វើដំណើរទៅកាន់ប្រទេសថៃ ហើយបើមិនចាំបាច់ មិនគួរធ្វើដំណើរ​ទៅកាន់ប្រទេសថៃ នៅក្នុងកាលៈទេសៈ នេះនោះទេ។
Loading...
  • ដោយ: អ៊ុំ បូរី ដោយ អ៊ំ បូរី (ទាក់ទង៖ [email protected]) - ភ្នំពេញ ថ្ងៃទី២១ ឧសភា ២០១៤
  • កែប្រែចុងក្រោយ: May 21, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ក្នុងពេលដែលវិបត្តិនយោបាយផ្ទៃក្នុង របស់ប្រទេសថៃ កំពុងមានភាពរំពើតរំពើងខ្លាំងនោះ ប្រទេសកម្ពុជា​បានទទូច​ដល់ពលរដ្ឋខ្លួន គម្បីមានការប្រុងប្រយ័ត្នក្នុងការធ្វើដំណើរទៅកាន់ប្រទេសថៃ ហើយបើមិនចាំបាច់ មិនគួរធ្វើដំណើរ​ទៅកាន់ប្រទេសថៃ នៅក្នុងកាលៈទេសៈ នេះនោះទេ។


លោក ខៀវ កាញារីទ្ធ នៅសណ្ឋាគារភ្នំពេញ ថៃ្ងទី២១ ខែឧសភា ឆ្នាំ២០១៤។ (រូបថត MONOROOM.info/ U. Bory)

សន្តិសុខ - រដ្ឋមន្រ្តីក្រសួងព័ត៌មាន និងជាអ្នកនាំពាក្យរដ្ឋាភិបាលកម្ពុជាលោក ខៀវ កាញារីទ្ធ បានថ្លែងប្រាប់ក្រុម​អ្នកសារព័ត៌មាននៅសណ្ឋាគារភ្នំពេញ ថៃ្ងទី២១ ខែឧសភា នេះថាពលរដ្ឋ កម្ពុជា ដែលចង់ទៅលេងនៅប្រទេសថៃ គួរតែបង្អង់សិន ព្រោះស្ថានការណ៍នយោបាយផ្ទៃក្នុងរបស់ប្រទេសថៃ មិនអំណោយផលល្អដល់អ្នកដែលចង់​ទៅ​កាន់ទីនោះ។

រដ្ឋមន្រ្តីក្រសួងព័ត៌មានកម្ពុជារូបនេះ បានបន្តថា ដោយសារតែប្រទេសថៃបានប្រកាស ឱ្យប្រើប្រាស់ច្បាប់អាជ្ញាសឹក ដើម្បីគ្រប់គ្រងសន្តិសុខ និងសណ្តាប់ធ្នាប់សាធារណៈរបស់ប្រទេសថៃ ដូច្នេះពលរដ្ឋកម្ពុជា មិនគួរទៅ ឬគម្បីពន្យា​ពេល​ការធ្វើដំណើរទៅកាន់ប្រទេសថៃ មួយរយៈសិន។

ប្រទេសថៃដែលជាប្រទេសជិតខាងកម្ពុជា បច្ចុប្បន្នត្រូវបានគ្រប់គ្រងដោយកងទ័ព នូវអ្វីដែលកងទ័ពនិយាយថា ដើម្បី​ស្តារនិងពង្រឹងសន្តិសុខជាតិ។ សន្តិសុខជាតិ និងសណ្តាប់ធ្នាប់សាធារណៈ របស់ប្រទេសថៃ ដែលត្រូវបាន​គេមើលឃើញថា មានភាពច្រួលច្របល់កាន់តែធ្ងន់ធ្ងរឡើងៗ ក្រោយតុលាការធម្មនុញ្ញថៃ សម្រេចទម្លាក់អតីត​នាយករដ្ឋមន្រ្តីថៃ យីងឡាក់ ស៊ីណាវ៉ាត្រា ក្រោមបទចោទ ថាបានរំលោភអំណាច។

ការអំពាវនាវដោយមន្រ្តីជាន់ខ្ពស់របស់កម្ពុជា ដល់ពលរដ្ឋខ្លួនឲ្យពន្យាពេលការធ្វើដំណើរទៅកាន់ទេសថៃ ក្នុង​កាលៈទេសៈបច្ចុប្បន្ន គឺស្របពេលដែលអង្គការសិទ្ធិមនុស្ស យូមែនរ៉ាយវ៉ច (Human Rights Watch) ក៏បាន​សម្តែង​ការព្រួយបារម្ភ ពីសុវត្ថិភាពរបស់ពលករបរទេស មានមកពីឡាវ ភូមា កម្ពុជា ជាដើម ដែលកំពុងបំពេញការងារ​នៅ​ប្រទេសថៃ និងទទូចដល់ពលករទាំងនោះ ត្រូវរក្សាភាពស្ងៀមស្ងាត់ ដើម្បីសុវត្ថិភាពផ្ទាល់ខ្លួន។

ជុំវិញបញ្ហានេះមន្រ្តីអ្នកនាំពាក្យទីស្តីការគណៈរដ្ឋមន្រ្តីកម្ពុជាលោកផៃ ស៊ីផាន បានថ្លែងប្រាប់ប្រព័ន្ធសារព័ត៌មានថា ស្ថានទូតកម្ពុជាក្នុងប្រទេសថៃ បានជូនដំណឹងអំពីបញ្ហាស្ថានការណ៍ក្នុងប្រទេសថៃ ដល់ពលករកម្ពុជាក្នុងប្រទេស​ថៃ ហើយមន្រ្តីទូតកម្ពុជា ក៏គេបានជម្រាបជូនប្រជាពលរដ្ឋខ្មែរ កុំឲ្យដើរផ្តេសផ្តាស់ រក្សាភាពស្ងប់ស្ងាត់នៅនឹង​កន្លែង ហើយកុំឲ្យទៅជិតកន្លែងគេប្រមូលផ្តុំ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...