ក្នុង​មួយ​ឆ្នាំ អ៊ឺរ៉ុប​បាត់​បង់​១៦២ពាន់​លាន​ដុល្លារ នឹង​អំពើ​ពុក​រលួយ

ប្រសិនបើសហគមន៍អ៊ឺរ៉ុបតែងតែចង្អុលដាក់គេឯង ពីផលប៉ះពាល់នៃអំពើពុករលួយនោះ តែសហគមន៍អ៊ឺរ៉ុប​ខ្លួន​ឯង​ក៏កំពុងតែវិលក្បុងដូចគ្នាដែរ ពីបញ្ហាទាក់ទងនឹងអំពើពុករលួយប្រព្រឹត្តិដោយរដ្ឋសមាជិក ដែលធ្វើឲ្យទឹកប្រាក់​ចំនួន​១៦២ពាន់លានដុល្លារ បានខាតបង់ក្នុងមួយឆ្នាំៗ។
Loading...
  • ដោយ: ក. សេងហុង
  • កែប្រែចុងក្រោយ: February 04, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ប្រសិនបើសហគមន៍អ៊ឺរ៉ុបតែងតែចង្អុលដាក់គេឯង ពីផលប៉ះពាល់នៃអំពើពុករលួយនោះ តែសហគមន៍អ៊ឺរ៉ុប​ខ្លួន​ឯង​ក៏កំពុងតែវិលក្បុងដូចគ្នាដែរ ពីបញ្ហាទាក់ទងនឹងអំពើពុករលួយប្រព្រឹត្តិដោយរដ្ឋសមាជិក ដែលធ្វើឲ្យទឹកប្រាក់​ចំនួន​១៦២ពាន់លានដុល្លារ បានខាតបង់ក្នុងមួយឆ្នាំៗ។


លោកស្រី សេស៊ីលីយ៉ា ម៉ាលស្ត្រូម ស្នងការអឺរ៉ុប ទទួលបន្ទុកខាងកិច្ចការផ្ទៃក្នុង ថ្ងែងកាលពីថ្ងៃទី០៣ ខែកុម្ភះ ឆ្នាំ២០១៤។ (រូបថត Maxppp)

ពុករលួយ - របាយការណ៏មួយស្តីពីការប្រឆាំងអំពើពុករលួយ ចេញផ្សាយដោយសារពត៌មានជាគេហទំព័រមួយ មានឈ្មោះថា ថាម វើយ (Time World) បានបញ្ជាក់ពីការបាត់បង់ទឹកប្រាក់ ចំនួន១៦២ពាន់លានក្នុងមួយឆ្នាំ ទៅ​លើសមាជិក​ចំនួន២៨ប្រទេសក្នុង​សហគម​អ៊ឺរ៉ុប ដោយសារអំពើពុករលួយ។ គេហទំព័រដដែល ដែលចេញផ្សាយ​កាលពីថ្ងៃទី ០៣ កុម្ភៈឆ្នាំ២០១៤នេះ បានរកឃើញថា ៧៦ភាគរយនៃ​ប្រជាជនអ៊ឺរ៉ុប​គិតថា អំពើពុករលួយមាន​ការ​រីករាលដាល និង៥៦ភាគរយបាននិយាយថា កំរិតនៃអំពើពុករលួយ​ក្នុង​ប្រទេស របស់ពួកគេមានការកើនឡើង ក្នុងកំឡុងពេល​បីឆ្នាំចុងក្រោយនេះ។

ក្នុងរបាយការណ៏នេះបានបញ្ជាក់ ថានាពេលថ្មីៗនេះ ប្រទេសជាសមាជិកភាគច្រើន បានចាត់វិធានការ​ប្រយុទ្ធ​ប្រឆាំងនឹងអំពើពុករលួយ ប៉ុន្តែជាលទ្ធផលគឺមិនបានផ្លែផ្កាអ្វីឡើយ នៅក្នុងរដ្ឋទាំងនោះ។ លោកស្រី សេស៊ីលីយ៉ា ម៉ាលស្ត្រូម (Cecilia Malmström) ស្នងការអឺរ៉ុប ទទួលបន្ទុកខាងកិច្ចការផ្ទៃក្នុង បាននិយាយនៅក្នុងសេចក្តី​ថ្លែង​ការណ៍មួយ កាលពីថ្ងៃចន្ទថា៖ «អំពើពុករលួយធ្វើឲ្យប្រជាជន បាត់បង់ទំនុកចិត្តលើស្ថាប័នរដ្ឋនិងការអនុវត្តច្បាប់។ អំពើពុករលួយនេះក៏បានប៉ះពាល់ដល់សេដ្ឋកិច្ច អ៊ឺរ៉ុប និង ប្រាក់ចំណូលពន្ឋរដ្ឋចំាបាច់ជាច្រើន។»

បើទោះជារបាយការណ៏នេះ បានរកឃើញពីការកើតមានអំពើពុករលួយ ក្នុងប្រទេសជាសមាជិកអ៊ឺរ៉ុបក្តី ក៏​របាយ​ការណ៏នេះបានបញ្ជាក់ថា ប្រទេសដាណឺម៉ាក ហ្វាំងឡង់ អាល្លឺម៉ង់និង ប្រទេសស៊ុយអ៊ែដ ជាប្រទេសដែល​មាន​តម្លាភាព និងមានអំពើពុករលួយតិចជាងគេ។ រីឯប្រទេសដែលត្រូវចាត់វិធានការបន្ថែម ដើម្បីទប់ស្កាត់​អំពើ​ពុក​រលួយ​នោះមានដូចជាប្រទេសក្រូអាស៊ី ឆេក បារាំង ក្រិក ព័រទុយហ្គាល់ រូម៉ានី និងអេស្ប៉ាញ៕

--------------------------------------
ដោយ ក. សេងហុង (ទំនាក់ទំនង៖ [email protected]) - ភ្នំពេញ ថ្ងៃ០៤ ខែកុម្ភៈ ឆ្នាំ ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...