សហភាពអ៊ឺរ៉ុប នឹង​​ចាត់ការ​រឿង​ស្ករ​ប្រឡាក់​ឈាម​របស់ លី យ៉ុងផាត់

សំណុំរឿងរំលោភដីធ្លីដោយក្រុមហ៊ុនស្ករអំពៅ របស់លោកឧកញ៉ា លី យ៉ុងផាត់ មកលើប្រជាពលរដ្ឋនៅខេត្តចំនួនបី គឺខេត្តកំពង់ស្ពឺ ខេត្តឧត្តមានជ័យ និងខេត្តកោះកុង ត្រូវបានសមាជិកសភាអឺរ៉ុបលោក ប៉ាទ្រីក ទីរ៉ូឡែន (Patrice Tirolien) ដែលទើបបញ្ចប់បេសកកម្មស៊ើបអង្កេតនៅកម្ពុជា អះអាងថា លោក នឹងបញ្ជូនរបាយការណ៍​ស៊ើបអង្កេត​នេះ ទៅកាន់សហភាអ៊ឺរ៉ុបឲ្យបានឆាប់ ដើម្បីមានវិធានការណ៍ច្បាស់លាស់ និងមានប្រសិទ្ធភាព ក្នុងការដោះស្រាយ​ជម្លោះដីធ្លីនេះ។
Loading...
  • ដោយ: អ៊ុំ បូរី
  • កែប្រែចុងក្រោយ: January 31, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

សំណុំរឿងរំលោភដីធ្លីដោយក្រុមហ៊ុនស្ករអំពៅ របស់លោកឧកញ៉ា លី យ៉ុងផាត់ មកលើប្រជាពលរដ្ឋនៅខេត្តចំនួនបី គឺខេត្តកំពង់ស្ពឺ ខេត្តឧត្តមានជ័យ និងខេត្តកោះកុង ត្រូវបានសមាជិកសភាអឺរ៉ុបលោក ប៉ាទ្រីក ទីរ៉ូឡែន (Patrice Tirolien) ដែលទើបបញ្ចប់បេសកកម្មស៊ើបអង្កេតនៅកម្ពុជា អះអាងថា លោក នឹងបញ្ជូនរបាយការណ៍​ស៊ើបអង្កេត​នេះ ទៅកាន់សហភាអ៊ឺរ៉ុបឲ្យបានឆាប់ ដើម្បីមានវិធានការណ៍ច្បាស់លាស់ និងមានប្រសិទ្ធភាព ក្នុងការដោះស្រាយ​ជម្លោះដីធ្លីនេះ។


ការដុតបំផ្លាញលំនៅដ្ឋានពលរដ្ឋ ដើម្បីពង្រីកដីដាំអំពៅ នៅកោះកុង ក្នុងឆ្នាំ២០០៦។ (រូបថតផ្ដិតពីវីដេអូ AFP)

ជម្លោះដីធ្លី - ក្នុងសន្និសីតសារព័ត៌មាន នៅរាជធានីភ្នំពេញ ថ្ងៃទី៣១ ខែមករា ឆ្នាំ២០១៤ នេះ លោក ប៉ាទ្រីក ទីរ៉ូឡែន ជាសមាជិកសភាអឺរ៉ុប បានអត្ថាធិប្បាយថា សហភាពអ៊ឺរ៉ុបមានគោលនយោបាយ មិនរំលោភបំពានកិច្ចការផ្ទៃក្នុង របស់ប្រទេសណាមួយនោះទេ តែសហភាពអ៊ឺរ៉ុប ក៏មិនអាចឈរមើល«ការរំលោភសិទ្ធិមនុស្ស និងភាពអយុត្តិធម៌​ធ្ងន់ធ្ងរ» នៅក្នុងប្រទេសមួយ ដែលបានទទួលជំនួយពីសភាពអ៊ឺរ៉ុបនោះទេ។

តំណាងពិសេសរបស់សហភាពអ៊ឺរ៉ុបរូបនេះបន្តថា ប្រជាពលរដ្ឋរងគ្រោះជាច្រើនគ្រួសារ បានត្អូញត្អែរពីការរំលោភ​បំពានដីធ្លី និងការបំភិតបំភៃ ពីសំណាក់សន្តិសុខក្រុមហ៊ុនស្ករអំពៅ ហើយពួកគេទទូចឲ្យសហភាពអ៊ឺរ៉ុប​ជួយដោះ​ស្រាយបញ្ហាទាំងនេះ។ តែតំណាងក្រុមហ៊ុនស្ករអំពៅបានបដិសេធ ចំពោះការចោទប្រកាន់របស់ប្រជាពលរដ្ឋ ហើយ​ក្រុមហ៊ុនបានអះអាងថា ទំហំដីដែលក្រុមហ៊ុនទទួលបានសិទ្ធិអភិវឌ្ឍន៍ គឺជាការសម្រេចរបស់រដ្ឋាភិបាលកម្ពុជា។

គួរកត់សម្គាល់ថា លោក ប៉ាទ្រីក ទីរ៉ូឡែន បានមកទស្សនកិច្ចប្រទេសកម្ពុជានៅក្នុងសប្ដាហ៍នេះ ដើម្បីតាមដាន​សេចក្ដីសម្រេចរបស់សភាសហគមន៍អឺរ៉ុប ដែលអំពាវនាវឲ្យមានការស៊ើបអង្កេត លើករណីរំលោភសិទ្ធិមនុស្ស ដោយក្រុមហ៊ុនកសិឧស្សាហកម្ម ដែលបានទទួលផលប្រយោជន៍ពីគោលនយោបាយ​ពាណិជ្ជកម្មរបស់​សហគមន៍​អឺរ៉ុប ដែលទទួលទិញអ្វីៗទាំងអស់ពីប្រទេសក្រីក្រ លើកលែងតែសព្វាវុធ។

ជុំវិញករណីនេះ ទស្សនាវដ្តីមនោរម្យ.អាំងហ្វូ មិនអាចទាក់ទងតំណាងក្រុមហ៊ុនស្ករអំពៅរបស់លោកឧកញ៉ា លី យ៉ុងផាត់ និងមន្រ្តីអ្នកនាំពាក្យរដ្ឋាភិបាលកម្ពុជា ដើម្បីធ្វើការអត្ថាធិប្បាយបាននៅឡើយទេ។ តែសម្រាប់លោក ប៉ាទ្រីក ទីរ៉ូឡែន បានបញ្ជាក់ថា៖ «ពេលទៅដល់សហភាពអ៊ឺរ៉ុប ខ្ញុំនឹងជួបសភាអ៊ឺរ៉ុប និងអាជ្ញាធរអ៊ឺរ៉ុប ដើម្បីឲ្យ​សហគមន៍អ៊ឺរ៉ុបបញ្ជូនក្រុមស៊ើបអង្កេតមកម្ពុជា និងចាត់វិធានការជាក់លាក់ណាមួយ ក្នុងការស្វែងរក​ដំណោះ​ស្រាយសមរម្យសម្រាប់ពលរដ្ឋរងគ្រោះ(...)។ តែការងារនេះ ចាំបាច់ត្រូមានការសហការពីរដ្ឋាភិបាលកម្ពុជា៕»

--------------------------------------
ដោយ អ៊ុំ បូរី (ទំនាក់ទំនង៖ [email protected]) - ភ្នំពេញ ថ្ងៃទី៣១ ខែមករា ឆ្នាំ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...