កញ្ញាអាណាលីហ្សា សង់ទី។

ដើមទ្រូងរបស់កញ្ញាអាណាលីហ្សា សង់ទី បានធ្វើអោយផ្អើលពិភពអាំងធើណែត ដោយសារតែខ្សែរវីដេអូមួយ ដែលបាន​បង្ហាញពីរូបនាងដោះអាវចេញ ក្នុងពេលកំពុងរៀន និងបានដាក់ផ្សាយនៅលើគេហទំព័រវីដេអូ យូធូប (YouTube)​ កាល​ពី​សប្ដាហ៍មុន។ កញ្ញាជានិស្សិតម្នាក់អាយុ២១ឆ្នាំ នៅកលវិទ្យាល័យកាតូលីក ប៊ូណូស អ៊ែរេស (Buenos Aires) នៃប្រទេស​អាហ្សង់ទីន (ទ្វីបអាមេរិកខាងត្បូង)។ ព្រឹត្តិការណ៍នេះ ត្រូវបានប្រព័ន្ធផ្សព្វផ្សាយក្នុងស្រុក យកមកចុះផ្សាយធ្វើជាអត្ថបទ​ព្រោងព្រាត និងបន្ទាប់មកប្រព័ន្ធផ្សព្វផ្សាយនៅបរទេស ក៏បានយកមកផ្សាយបន្តយ៉ាងគគ្រឹកគគ្រេងដែរ។

ប៉ុន្តែកញ្ញាមិនមានមោទនភាព នឹងភាពល្បីល្បាញបែបនេះទេ។ «ខ្ញុំមិនចង់និយាយពីរឿងនេះទេ។ វាជារឿងដែលខ្ញុំចង់​ជៀសវាង។» នាងបានឆ្លើយយ៉ាងដូច្នេះ នៅក្នុងវីដេអូមួយទៀត ដាក់ផ្សាយក្នុងបណ្ដាញសង្គម ក្នុងគោលបំណង​ធ្វើឲ្យ​សភាពស្ងប់ស្ងាត់ត្រឡប់មកវិញ។ នាងបានពន្យល់ថា នាងមិនចង់មានន័យពីកង្វះការគោរពចំពោះគ្រឹស្ថានសិក្សា ឬមិត្ត​រួមថ្នាក់របស់នាងទេ។ ហើយនាងក៏បានឆ្លៀតឱកាស ដើម្បីឆ្លើយតបនឹងអ្នកដែលបានវិន្និច្ឆ័យនាងខុសរឿង និងបានរិះ​គន់​នាងមិនឈប់ឈរនោះដែរ។ នាងនិយាយថា «សូមឲ្យអ្នកដែលមិនមានកំហុសទាល់តែសោះ ចោលដុំថ្មទីមួយមកលើ​នាងខ្ញុំចុះ»។

ជាអ្នកពូកែបញ្ឆេះ តែកាន់សាសនាយ៉ាងខ្ជាប់ខ្ជួន

និស្សិតស្រីខាងច្បាប់ម្នាក់នេះ បានថ្លែងប្រាប់កាសែតក្នុងស្រុកមួយថា វីដេអូនោះមុនដំបូងមានគោលបំណង​ជាឯកជន​សុទ្ធសាធ តែមិត្តរបស់នាងបានដាក់វានៅលើយូធូប ដោយមិនបានប្រាប់នាងអោយដឹងមុនឡើយ។ ប៉ុន្តែបើគេតាមដាន​មើលក្នុងគេហទំព័រយូធូបទៅ គេនឹងឃើញថានាងមិនមានវីដេអូតែមួយនេះទេ តែគេនឹងឃើញវីដេអូជាច្រើនផ្សេងទៀត ដែលបានបង្ហាញពីរូបរាងនាង ស៊ិចស៊ី ខើចលើលេចក្រោម និងពេលខ្លះអត់ស្លៀកពាក់នោះទៀតផង។

កាលពីនៅក្មេង នាងអាណាលីហ្សា សង់ទី បានរស់នៅជាច្រើនឆ្នាំនៅក្នុងប្រទេសអ៊ីតាលី។ នាងនិយាយថា នាងមិនចង់​ឆ្លៀតឱកាស ជាមួយនឹងភាពល្បីល្បាញដែលកើតឡើងមិនបានគ្រោងទុកយ៉ាងដូច្នេះទេ និងបានបញ្ជាក់ថា​នាងជាអ្នក​ប្រតិបត្តិសាសនាយ៉ាងខ្ជាប់ខ្ជួនមួយរូប។ «ខ្ញុំអាចបញ្ឆេះអ្នកឯង រហូតដល់អ្នកឯងស្លាប់ តែខ្ញុំក៏ជាមនុស្សម្នាក់ដែលទៅ​ព្រះវិហារដែរ»។ នាងបន្ថែមថា នាងនៅលីវនៅឡើយ ហើយមានបំណងចង់បានបុរសម្នាក់ដែលម៉ត់ចត់ម៉ឺងម៉ាត់ (ប្រសិន​ជាអាច ចង់បានអ្នកលេងបាល់អោប) មកធ្វើជាគូរអនាគត និងមានគម្រោងចង់បានកូនពីបីទៅបួននាក់៕

ខាងក្រោមនេះ ជាវីដេអូរបស់នាងអាណាលីហ្សា សង់ទី

-------------------------------------------------
ដោយ ឈូករ័ត្ន - ប៉ារីស​ ថ្ងៃទី១០ ខែឧសភា ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ