ទតិនហេម ដាក់​តម្លៃ​កីឡាករ ហ្គារែត បេល ១០០​លាន​ផោន

Loading...
  • ដោយ: វិន ជីវ័ន្ត
  • កែប្រែចុងក្រោយ: April 22, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

កាសែតដឹសាន់ (the Sun) បានឲ្យដឹងថា ក្រុមបាល់ទាត់មាន់ខ្នាយមាស ទតិនហេម ហតស្ពឺ (Tottenham Hotspurs) បាន ដាក់បង្ហាញពីតម្លៃប្រមាណជា ១០០លានផោន ទៅលើខ្សែប្រយុទ្ធដ៏មុតស្រួចរបស់ខ្លួន ហ្គារែត បេល (Gareth Bale) ដល់ ក្រុមដែលកំពុងតែចាប់អារម្មណ៏ចង់បានកីឡាករឆ្នើមរូបនេះ។


ខ្សែប្រយុទ្ធ ហ្គារែត បេល របស់ក្រុមបាល់ទាត់ ទតិនហេម ហតស្ពឺ។

កាសែត សាន់ដេមីរឺ (Sunday Mirror) បានចេញផ្សាយថា ក្រុមបាល់ទាត់មេឃខៀវ ម៉ែនឆេស្ទើ ស៊ីធី (Manchester City) ចង់នាំយកកីឡាករវ័យ ២៣ឆ្នាំរូបនេះ ទៅចូលរួមជាមួយក្រុមរបស់ពួកគេ ដោយហ៊ានឲ្យតម្លៃខ្លួន ៦៣លានផោន ដល់ក្រុម​ដែលមានមូលដ្ឋាននៅភាគខាងជើងនៃទីក្រុងឡុងដ៏។ កីឡាករបម្រើស្លាបសញ្ជាតិវែលរូបនេះ កំពុងតែស្ថិត​ក្នុងបញ្ជី​ឈ្មោះ​កីឡាករទាំង ៦រូប ដែលអាចទទួលបានពានរង្វាន់កីឡាករល្អដាច់គេប្រចាំឆ្នាំ។

មិនតែប៉ុណ្ណោះ ក្រុមម្ចាស់ជើងឯកអាឡឺម៉ង់ បាយឺន ម៉ូនិជ (Bayern Munich), បាសេឡូណា (Barcelona), រៀលម៉ាឌ្រីដ (Real Madrid) និងក្រុមអ្នកមានថ្មីរបស់បារាំង ប៉ារីស ហ្សិនជឺម៉ិន (Paris St Germain) ក៏កំពុងតែចង់ដេញថ្លៃជាផ្លូវការដែរ បើសិនជា បេល បង្ហាញថា គាត់ពិតជាចង់ចេញពីកីឡាដ្ឋាន វាយហាតឡែន (White Hart Lane)។ ជាពិសេសបើសិន​ជា​ក្រុមស្ពឺ មិនបានលេងក្នុងក្របខ័ណ្ឌឆែមពានលីក (Champions League) នៅរដូវកាលក្រោយទេនោះ។

ទតិនហេម សង្ឃឹមថាកីឡាករ បេល នឹងអាចនៅបន្តជាមួយនឹងក្លឹប យ៉ាងហោចណាស់ក៏១ឆ្នាំទៀតដែរ។ ប៉ុន្តែកាល​ពីរដូវ​កាលមុន ពួកគេក៏បានបាត់បង់កីឡាករឆ្នើម១រូបដែរ ដែលមិនអាច លួងលោម ឲ្យកីឡាករ លូកា ម៉ូដ្រិក (Luka Modric) នៅជាមួយនឹងក្លឹបជាបន្តបាន ហើយកីឡាកររូបនោះ ក៏បានទៅចូលរួមជាមួយនឹងក្រុម រៀលម៉ាឌ្រីដរបស់ប្រទេស​អេស្ប៉ាញ។

ក្រុមស្ពឺ ត្រូវអវត្តមានកីឡាករ បេល អស់រយះពេលពីរទៅបីសប្តាហ៏ បន្ទាប់ពីមានការប៉ះទង្គិចជាមួយនឹងកីឡាករ ដេវីដ ដេចិន (David Degen) ក្នុងការប្រកួតក្របខ័ណ្ឌ អ៊ឺរ៉ូផាលីក (Europa League) វគ្គ១ភាគ៤ផ្តាច់ព្រ័ត្រ ជាមួយនឹងក្រុម បាស្សែល (Basel)។ ប៉ុន្តែគាត់បានចូលមកកាន់ ការប្រកួតវិញ ខណៈដែលក្រុមស្ពឺ ប្រកួតឈ្នះ ក្រុម ម៉ែនឆេស្ទើ ស៊ីធី ដោយលទ្ធផល ៣-១ កាលពីថ្ងៃអាទិត្យកន្លងទៅ។

បេល បានជួយឲ្យក្រុមរបស់លោក អេនដ្រេ វីឡាសបូអាស (Andre Villas-Boas) មានសង្ឃឹមក្នុងការប្រជែង​យកដំណែង​កំពូលទាំង៤ ជាបន្តទៀត បន្ទាប់ពីកីឡាករ ដែលមានល្បឿនលឿនរូបនេះ ទាត់បាល់បំប៉ោងសំណាញ់ទីក្រុមមេឃខៀវ បានសម្រេចគ្រាប់ទី៣ នៅនាទី ទី៨២។

គួរបញ្ជាក់ថា បច្ចុប្បន្នក្រុមស្ពឺ កំពុងតែស្ថិតនៅក្នុងដំណែងលេខ៥ មាន ៦១ពិន្ទុ ក្នុងការប្រកួត ៣៣លើក តាមពីក្រោយក្រុម តោខៀវ ឆែលស៊ី (Chelsea) ដែលឈរនៅដំណែងលេខ៤ ចំនួន១ពិន្ទុ និងមានគម្លាត ២ពិន្ទុ ពីក្រុមកាំភ្លើងធំ អាសិណល (Arsenal) ដែលស្ថិតនៅចំណាត់ថ្នាក់លេខ៣៕

----------------------------------------------------
ដោយ៖ វិន ជីវ័ន្ត - ភ្នំពេញ ថ្ងៃទី២២ ខែមេសា ឆ្នាំ២០១៣
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...