ក្រសួងការពារជាតិ៖ ទណ្ឌកម្មអាមេរិកប្រឆាំង ហ៊ីង ប៊ុនហៀង រំលោភច្បាប់កម្ពុជា
ការសម្រេចបង្កកទ្រព្យសម្បត្តិ មិនផ្ដល់ទិដ្ឋការ និងបង្កកផលប្រយោជន៍ផ្សេងទៀត ពីសំណាក់នាយកដ្ឋានរតនាគារជាតិអាមេរិក ដែលជាទណ្ឌកម្មប្រឆាំងមនុស្សជំនិតរបស់លោក ហ៊ុន សែន គឺជាទង្វើ«ដ៏គគ្លើន»។ នេះ ជាប្រតិកម្មរបស់ក្រសួងការពារជាតិកម្ពុជា តាមរយៈសេចក្ដីថ្លែងការណ៍មួយ ដែលទើបនឹងចេញផ្សាយ នៅថ្ងៃទី១៣ ខែមិថុនា ឆ្នាំ២០១៨ វេលាមុននេះបន្តិច។
ការិយាល័យកិច្ចការសាធារណៈ នៃនាយកដ្ឋានរតនាគារជាតិអាមេរិក បានចេញសេចក្ដីប្រកាស នៅថ្ងៃទី១២ ខែមិថុនា ឆ្នាំ២០១៨ម្សិលម៉ិញ ដាក់បញ្ចូលមនុស្សពីរនាក់ ទៅក្នុងបញ្ជីខ្មៅ នៃបុគ្គលដែលត្រូវរងទណ្ឌកម្ម ក្រោមច្បាប់ គ្លូប៊ល ម៉ែកនីតស្គី (GLOBAL [...]
