សុខទូច ៖ «ប្រវត្តិសាស្រ្តនឹងជេរម្រាយខ្ញុំ បើខ្ញុំធ្វើមិនត្រឹមត្រូវ»
បើទោះជាលោក សុខ ទូច បានអះអាងថា មានតែផែនទីផ្លូវការ របស់រដ្ឋាភិបាលកម្ពុជា ដែលមានលក្ខណៈផ្លួវច្បាប់ សម្រាប់ការប្រើប្រាស់ នូវការវាស់វែងព្រំដែន ជាមួយប្រទេសជិតខាង យ៉ាងណាក៏ដោយ ចាំបាច់ក្រុមលោកនឹងចុះផ្ទាល់ដល់ផែនដី ដើម្បីកំណត់ភាពខុស និងត្រូវនេះ។
ថ្លែង នៅក្នុងកិច្ចសម្ភាស ជាមួយអ្នកសារព័ត៌មាន នាព្រឹកថ្ងៃទី៣ ខែសីហា ឆ្នាំ២០១៥នេះ របស់លោក សុខ ទូច ប្រធានក្រុមស្រាវជ្រាវ នៃរាជបណ្ឌិតសភាកម្ពុជា ដែលជាសេនាធិការមួយ របស់រដ្ឋាភិបាលកម្ពុជា បាននិយាយថា ដោយហេតុការអះអាង នោះ ត្រូវបានធ្វើឡើង ដោយភាគីរដ្ឋាភិបាលផ្ទាល់តែម្ខាង ដូច្នេះលោកនៅមិនទាន់ ដាក់ការជឿជាក់ លើការះអាង ដោយតំណាងរដ្ឋាភិបាលនោះឡើយ ក្នុងករណីណា ដែលក្រុមការងាររបស់លោក នៅមិនទាន់បានធ្វើការ ចុះផ្ទៀងផ្ទាត់ជាក់ស្តែង រវាង«ផែនទី និងផែនដី»នោះ។
ប្រធានក្រុមស្រាវជ្រាវ ដែលអះអាង ពីឯករាជ្យភាពរបស់ខ្លួនញឹកញាប់ បានបញ្ជាក់ដូច្នេះថា៖ [...]