All Articles of MONOROOM.info

ការធ្វើដំណើររបស់មន្ត្រីជាន់ខ្ពស់ នៃរដ្ឋាភិបាលបារាំង មកកាន់ប្រទេសកម្ពុជា ដើម្បីអន្ទោលរដ្ឋាភិបាលម្ដងហើយម្ដងទៀត ដើម្បីអ្វីមួយដែលប្រទេសសហប្រធាន នៃកិច្ចព្រមព្រៀងសន្តិភាព ក្រុងប៉ារីស ឆ្នាំ១៩៩១ លើកឡើងថា ជាការស្នើសុំ ឲ្យកម្ពុជាងាកត្រឡប់ មករក​​«មាគ៌ាប្រជាធិបតេយ្យ»វិញនោះ នឹងមិនស្ថិតនៅទ្រឹង ដោយគ្មានចំណាត់ការបន្តនោះទេ។ ប្រទេសបារាំងកំពុងសម្លឹងមើល ដើម្បីកោះប្រជុំបណ្ដាសមាជិកជាហត្ថាលេខី ដ៏សំខាន់បំផុត នៃកិច្ចព្រមព្រៀងសន្តិភាពមួយនេះ ដើម្បីពិនិត្យឡើងវិញពីការអនុវត្ត នូវរាល់មាត្រាទាំងឡាយ ដែលមានចែងនៅក្នុងកិច្ចព្រមព្រៀង ដោយមិនចាំបាច់ មានភាគីរដ្ឋាភិបាលលោក ហ៊ុន សែន ចូលរួម។

លោក អង់ដ្រេ ហ្គាតូឡាំង (André Gattolin) សមាជិកព្រឹទ្ធសភា មកពីគណបក្ស «En Marche!» ដែលជាគណបក្សរបស់ប្រធានាធិបតី​ កំពុងកាន់អំណាចសព្វថ្ងៃ របស់ប្រទេសបារាំង បានថ្លែងដូច្នេះនៅក្នុងជំនួបមួយ ជាមួយពលរដ្ឋខ្មែរបារាំង កាលពីថ្ងៃទី១០ [...]

របាយការណ៍របស់មូលនិធិរូបិយវត្ថុអន្តរជាតិ (International Monetary Fund - IMF) ដែលទើបនឹងចេញផ្សាយ នៅក្នុងខែតុលា ឆ្នាំ​២០១៧នេះ បានបញ្ជាក់ឲ្យដឹងជាថ្មី ពីកម្រិតប្រាក់ចំណូលមធ្យម (GDP) របស់ប្រទេសកម្ពុជា ដែលគ្រាន់ជាងប្រទេសភូមាបន្តិច សម្រាប់ពេលបច្ចុប្បន្ន តែបានធ្លាក់ខ្លួន«អន់ជាងគេបង្អស់» នៅឆ្នាំ២០២២ សម្រាប់ការប៉ាន់ប្រមាណ របស់អង្គការអន្តរជាតិមួយនេះ។ ការអះអាងរបស់ស្ថាប័នអន្តរជាតិ បានធ្វើឡើងផ្ទុយពីការលើកឡើងថ្មីៗ របស់លោកនាយករដ្ឋមន្ត្រី ហ៊ុន សែន ដែលប្រកាសថា លោកនឹងដឹកនាំប្រទេសដ៏ក្រីក្រមួយនេះ ឲ្យប្រែក្លាយពីប្រទេសដែលមានប្រាក់ចំណូលមធ្យម កម្រិតទាប មកជាប្រទេស ដែលមានប្រាក់ចំណូលមធ្យម កម្រិតខ្ពស់ វិញ ក្នុងរយៈពេលច្រើនសិបឆ្នាំទៅមុខ។

លោក ហ៊ុន សែន បានអះអាងដូច្នេះ នៅក្នុងអង្គពិធី នៃកិច្ចសន្ទនាជាន់ខ្ពស់ រវាងបក្សកុម្មុយនីស្តចិន និងបក្សនយោបាយលើពិភពលោក ដែលរៀបចំឡើងនៅរដ្ឋធានីប៉េកាំង ប្រទេសចិន កាលពីថ្ងៃទី០១ [...]

នៅសល់ប្រមាណតែ៧ខែទៀតប៉ុណ្ណោះ ព្រឹត្តិការណ៍បាល់ទាត់ពិភពលោក នឹងត្រូវបើកធ្វើហើយ នៅក្នុងប្រទេសរ៉ូស្ស៊ី។ ហើយការចាប់ឆ្នោត បែងចែកក្រុមបាល់ទាត់ នៅក្នុពូលនីមួយៗ ក៏ត្រូវបានធ្វើរួចរាល់ និងចេញផ្សាយជាផ្លូវការដែរ។ 

ក្រុមអាល្លឺម៉ង់ ដែលជាម្ចាស់ពានរង្វាន់ កាលពីឆ្នាំ២០១៤ (ក្នុងប្រទេសប្រេស៊ីល) ត្រូវនៅក្នុងពូលជាមួយ ម៉ិចស៊ិក ស៊ុយអែដ និងកូរ៉េខាងត្បូង។ រីឯក្រុមប្រេស៊ីល ដែលធ្លាប់លើកពានពិភពលោកនេះ ចំនួន៥ដង ឬក៏ប្រទេសបារាំង ដែលធ្លាប់លើកបានម្ដងដែរនោះ បានដឹងរួចហើយ ពីគូប្រកួតរបស់ផងខ្លួន តាមរយៈការចាប់ឆ្នោត ក្នុងថ្ងៃសុក្រ ទី១ ខែធ្នូ ឆ្នាំ២០១៧នេះ ក្នុងវិមានក្រឹមឡាំង​ នៃរដ្ឋធានីម៉ូស្គូ ប្រទេសរ៉ូស្ស៊ី។

ការប្រកួតដែលនឹងបើកធ្វើនៅថ្ងៃដំបូង (ថ្ងៃទី១៤ ខែមិថុនា ឆ្នាំ២០១៨) ជាការប្រកួតរវាងក្រុមបាល់ទាត់ ជម្រើសជាតិរ៉ូស្ស៊ី ដែលជាម្ចាស់ផ្ទះ ទល់នឹងក្រុមអារ៉ាប៊ី សាអ៊ូឌីត នៅក្នុងពហុកីឡាដ្ឋាន «Loujniki» [...]

ជំនួបក្នុងរដ្ឋធានីប៉េកាំង ប្រទេសចិន រវាងមេដឹកនាំទាំងពីរ កម្ពុជា-ចិន ត្រូវបានប្រព័ន្ធផ្សព្វផ្សាយផ្លូវការជាច្រើន របស់ប្រទេសចិន យកមករាយការណ៍ តែគេមិនឃើញ មានការទម្លាយពីភាពលំអិត នៃកិច្ចពិភាក្សាគ្នានោះទេ។ មានតែប្រព័ន្ធទូរទូស្សន៍រដ្ឋចិន ឈ្មោះ «CGTN» តែមួយគត់ ដែលបានដកស្រង់ យកមករាយការណ៍ នូវសំដីនៃមេដឹកនាំទាំងពីរ ដែលត្រូវបានធ្វើឡើង ក្រោមប្រធានបទគន្លឹះ «ចិននឹងកសាងសហគមន៍ នៃជោគវាសនារួម ជាមួយកម្ពុជា»។

នាយករដ្ឋមន្ត្រីកម្ពុជា លោក ហ៊ុន សែន កំពុងធ្វើទស្សនកិច្ច នៅក្នុងប្រទេសចិន ដើម្បីចូលរួមកម្មវិធី នៃកិច្ចសន្ទនាកម្រិតខ្ពស់មួយ រវាងគណបក្សកុម្មុយនីស្តចិន ជាមួយគណបក្សនយោបាយនានា មកពីជុំវិញពិភពលោក ពីថ្ងៃទី២៩ ខែវិច្ឆិកា រហូតដល់ថ្ងៃទី២ ខែធ្នូ ឆ្នាំ​២០១៧​នេះ។

[...]

នយោបាយយកចិនជាបង្អែក របស់រដ្ឋាភិបាលកម្ពុជាសព្វថ្ងៃ បានទទួលរងនូវប្រតិកម្មខ្លាំងក្លា និងជាបន្តបន្ទាប់ ពីសំណាក់មន្ត្រី​គណបក្សប្រឆាំង និងអ្នកឃ្លាំមើលជាច្រើន។ ប្រតិកម្មទាំងនោះ បានពន្យល់ពីគុណវិបត្តិ នៃនយោបាយការបរទេសកម្ពុជា ដែលលំអៀងខ្លាំង ទៅរកចិន នាពេលនេះ ថាមានលក្ខណៈប្រហាក់ប្រហែល ទៅនឹងរបបវាលពិឃាត ប្រល័យពូជសាសន៍ខ្មែរក្រហម រវាងពីឆ្នាំ១៩៧៥ មកទល់នឹងឆ្នាំ១៩៧៩។

អនុប្រធានគណបក្សសង្គ្រោះជាតិ ដែលកំពុងមានវត្តមាន នៅក្រៅប្រទេស លោក អេង ឆៃអ៊ាង បានរៀបរាប់ឡើងថា បក្សកុម្មុយនីស្តចិន បានធ្វើជាខ្នងបង្អែក ក្នុងរបបខ្មែរក្រហម សំរាប់លោក ប៉ុល ពត ដឹកនាំប្រទេសកម្ពុជា។ លោក ឆៃអ៊ាង បន្តថា៖ «ពេលនោះ ប្រជាពលរដ្ឋខ្មែរទាំងមូល រស់ក្នុងភាពជាទាសករ ហើយប្រជាពលរដ្ឋខ្មែរ ប្រមាណពីរលាននាក់ ត្រូវរដ្ឋអំណាចខ្មែរក្រហមសម្លាប់»។

មេដឹកនាំបក្សប្រឆាំងរូបនេះ បានភ្ជាប់ករណីខាងលើ មករបបដឹកនាំកម្ពុជា សព្វថ្ងៃថា៖ [...]