ភេវរកម្មនៅប៊ូស្តុន៖ ជនសង្ស័យទីពីរ ត្រូវបានចាប់ខ្លួន តែរបួសពេញខ្លួន
ការចាប់ខ្លួនជនសង្ស័យទីពីរ ដែលជាប់ទាក់ទងនឹងភេវរកម្មនៅប៊ូស្តុន ត្រូវបានធ្វើនៅម៉ោងប្រមាណជា៨និង៤៥នាទី យប់ថ្ងៃសុក្រទី១៩ខែមេសា នៅបន្ទាប់ពីប្រភពពីខាងអាជ្ញាធរបានបង្ហើបឲ្យដឹងថា ជននេះ បានទៅលាក់ខ្លួនក្នុងទូកមួយ ដែលចតក្នុងសួនច្បារនៃគេហដ្ឋានមួយ នៅក្រុង វ័តធើថោន (Watertown)។
ជនសង្ស័យទីពីរ ក្នុងសម្លៀកបំពាក់ជានិស្សិតទទួលសញ្ញាប័ត្រ។
ប្រភពដែលមិនបញ្ចេញឈ្មោះ បានពន្យល់ប្រាប់អ្នកសារព័ត៌មាន អោយដឹងពីបច្ចុប្បន្នភាពនៃស្ថានការណ៍ ដោយបញ្ជាក់ថា ជនសង្ស័យដែលគេស្គាល់ថា មានឈ្មោះ ជ័កហារ ត្សាណី (Dzhokhar Tsarnaev) អាយុ១៩ឆ្នាំ ត្រូវបានចាប់ខ្លួន និងមានរបួសធ្ងន់ជាប់ខ្លួន មិនដឹងថាជននេះ រស់ឬក៏ស្លាប់នោះទេ។ ទោះជាយ៉ាងណាក៏ដោយ ក្នុងពេលនេះ ជនសង្ស័យត្រូវបានបញ្ជូនទៅមន្ទីពេទ្យ និងដាក់ក្នុងការឃ្លាំមើល [...]