ប្រធានផ្សារដើមគដេញអាជីវករចេញ យកកន្លែងជួលឲ្យអ្នកដ៏ទៃ?
ដំណឹងបានធ្លាក់មកជាបន្តបន្ទាប់ ពីគៀនកោះនៃបញ្ហា ដែលបង្កការក្ដៅក្រហាយ ដល់ក្រុមអាជីវករនៅផ្សារដើមគ ដែលធ្លាប់លក់ដូរនៅមុខទីស្នាក់ការគណៈគ្រប់គ្រងផ្សារ តែបែជាត្រូវប្រធានផ្សារបញ្ជា ឲ្យរើចេញពីកន្លែងនោះ។ បើគ្រាន់តែរើចេញ ព្រោះហេតុផល«រៀបចំសណ្ដាប់ធ្នាប់» ប្រហែលការរិះគន់ និងការក្ដៅក្រហាយមិនកើតមានប៉ុន្មានដែរ តែផ្ទុយទៅវិញ នៅមុខទីស្នាក់ការក្នុងពេលបច្ចុប្បន្ននេះ បែជាគេឃើញមានការគំនរបាវអំបិល និងមានរថយន្ដចតពីមុខទៅវិញ។
ក្នុងកិច្ចសម្ភាសផ្ទាល់ជាមួយទស្សនាវដ្ដីមនោរម្យ.អាំងហ្វូ លោក សុខ លី ដែលជាជំនួយការ របស់គណៈកម្មការផ្សារនេះ មិនបានបញ្ជាក់ច្បាស់លាស់ ពីហេតុផលដំណើរដើមទងទេ ដោយគ្រាន់តែនិយាយថា លោកក៏មិនយល់ដែរ ដោយនេះ គឺជាបញ្ជារបស់ថ្នាក់លើ។ លោកបានថ្លែងថា៖ «ខ្ញុំមិនយល់ដែរ [...]