Posts in ‘សម្រាំងបច្ចុប្បន្នភាព’ Category

កុមារាដែលស្លាប់ គូរឲ្យសង្វេក ក្នុងហេតុការណ៍គ្រោះថ្នាក់ ចររាចរណ៍ខាងលើ ឈ្មោះ តុងតុង លានរិន អាយុ​៧ឆ្នាំ រស់នៅភូមិព្រែកប៉ុល ឃុំបន្ទាយដែក ស្រុកកៀនស្វាយ ខេត្តកណ្តាល បច្ចុប្បន្នកំពុងរៀន ថ្នាក់មតេយ្យ​សិក្សា ពោធិព្រឹក្ស។ ដោយឡែកម្ចាស់ឡានបង្ក ដែលត្រូវបានគេស្គាល់ឈ្មោះ ស៊នធី ជីអ៊ុន ភេទប្រុស អាយុ​២៨ ឆ្នាំរស់នៅភូមិស្សា ឃុំស្សា ស្រុកកណ្តៀង ខេត្តពោធិសាត់ ជាអ្នកបើករថយន្តម៉ាក ហ៊ីណូ ស្លាកលេខ​ព្រះ​ស៊ីហនុ​៣A-១១៥៩ បើកក្នុងល្បឿនលឿន។

សាក្សីពីកន្លែងកើតហេតុ បានឲ្យដឹងថា ហេតុការណ៍គ្រោះថ្នាក់នេះ ធ្វើឲ្យមានការភ្ញាក់ផ្អើល នៅវេលាម៉ោង ១០ និង ៤៥នាទីថ្ងៃទី ០៥ ខែសីហា ឆ្នាំ២០១៥ នៅតាមណ្តោយផ្លូវជាតិលេខ០១ ត្រងចំណុចគីឡូម៉ែត្រលេខ ៣២​-៣៣ ក្នុងភូមិព្រែកប៉ុល។ សាក្សីបញ្ជាក់ថា រថយន្តបង្ក ដែលបុកក្មេងប្រុសរងគ្រោះស្លាប់ ត្រូវបានមន្រ្តី មាន​សមត្ថកិច្ច​ឃាត់ខ្លូន បានភ្លាមៗ នៅទីតាំងកើតហេតុ រួចបញ្ជូនទៅកាន់អធិការដ្ឋាន [...]

ការថ្លែងជាសាធារណៈ របស់លោកនាយករដ្ឋមន្រ្តី ហ៊ុន សែន បានបង្កជាមន្ទិលឡើងខ្លាំងទៀត ជា​ពិសេស នៅ​ក្រោយការចាប់ចង់ ដាក់ពន្ធនាគារ និងព្រមានថា នឹងមានការចាប់ចងបន្ថែមទៀត។ ព្រឹត្តិការណ៍​ខាងលើនេះ ត្រូវបានតំណាងរាស្ត្រ មកពីគណបក្សសង្គ្រោះជាតិ លោក អ៊ុំ សំអាន វាយតម្លៃថា លោកនាយក​រដ្ឋមន្ត្រី បី​ទសវត្សន៍​របស់កម្ពុជា កំពុងបង្ហាញ​ពីការយក«ច្បាប់»​ជាឧបករណ៍ ក្នុងនាមខ្លួន ជាអ្នកមានអំណាច មក​គម្រាម​កំហែង ព្រោះខ្លាចរអា ពីបញ្ហាព្រំដែន។ តំណាងរាស្រ្តរូបនេះ បានចោទជាសំនួរ ទៅលោកនាយក​រដ្ឋមន្រ្តីថា តើការដែលលោក ហ៊ុន សែន បង្ហាញអំណាច ក្នុងការកំហែងនេះ ជាការធ្វើតាមបញ្ជា របស់បក្សកុម្មុយនីស​វៀតណាម ឬ​យ៉ាង​ណា?

ពីទីក្រុងតាខ្មៅ ខេត្តកណ្តាល កាលពីថ្ងៃទី៣ ខែសីហានេះ លោកនាយករដ្ឋមន្ត្រី ហ៊ុន សែន បាន«បញ្ជា»ជាថ្មី ទៅដល់កម្លាំងមានសមត្ថកិច្ច ឲ្យបន្តស្វែងរកចាប់ខ្លួន អ្នកដែលពាក់ព័ន្ធ ក្នុងអំពើហិង្សាមួយ ដែលបាន​កើត​ឡើង [...]

បុរសម្ចាស់ម៉ូតូមួយរូប បានស្លាប់ នៅក្នុងហេតុការណ៍​ គ្រោះថ្នាក់ចរាចណ៍មួយ ដែលបានកើតឡើង កាលពី​វេលាម៉ោង២២ និង៣០នាទី យប់ថ្ងៃទី០៤ ខែសីហា ឆ្នាំ២០១៥ នៅតាមបណ្តោយផ្លូវមុន្នីរ៉េត ក្នុងភូមិឬស្សី សង្កាត់​ស្ទឹងមានជ័យ ខណ្ឌមានជ័យ រាជធានីភ្នំពេញ។ សាក្សីនៅកន្លែងកើតហេតុ បានប្រាប់ឲ្យដឹងថា គ្រោះ​ថ្នាក់​នេះ បង្កឡើងដោយឡានកូរ៉េមួយគ្រឿង មិនស្គាល់អត្តសញ្ញាណ បានបុកម៉ូតូជនរបស់រងគ្រោះ ពេញ​ទំហឹង បណ្តាលឲ្យម្ចាស់ម៉ូតូ រងរបួសក្បាលធ្ងន់ធ្ងរ រហូតដល់ស្លាប់។

តាមការបញ្ជាក់របស់លោក ឈួន មុន្នី មន្រ្តីចររាចរណ៍ប៉ុស្តិ៍ស្ទឹងមានជ័យ ប្រាប់ទស្សនាវដ្តីមនោរម្យ.អាំងហ្វូថា លោកមិនបានទទួលអត្តសញ្ញាណ របស់ជនរងគ្រោះនៅឡើយ ដោយគ្រាន់តែបញ្ជាក់ថា មានស្រុកកំណើត​នៅ ស្រុកមេសាង ខេត្តព្រៃវែង អាយុប្រមាណជាង៣០ឆ្នាំ។ លោកបន្តទៀតថា ខាងសមត្ថកិច្ច មិនបាននៅក្នុង​ហេតុការណ៍ទេ ពេលទៅដល់ឃើញ ជនរងគ្រោះស្លាប់ជាមួយម៉ូតូ និងបំណែកឡានមួយ ផ្នែកខាងមុខ [...]

រូបភាពដ៏តក់ស្លុត កាលពីសប្ដាហ៍កន្លងទៅ បង្ហាញពីម្ដាយវ័យក្មេងម្នាក់ បន្ទាប់ពីបានសង្គ្រោះ កូនប្រុស​របស់​ខ្លួនរួច ត្រូវបានជណ្ដើរយន្ដ​ទាញយកទៅ រមូរខ្លួនរហូតស្លាប់នោះ នៅមិនទាន់ផុតរលត់​នៅឡើយ។ ប៉ុន្តែ​រូបភាព​ថ្មីមួយ ទើបនឹងកើតឡើងទៀត នៅចុងសប្ដាហ៍កន្លងទៅនេះ ក្នុងទីក្រុងសៀងហៃ ប្រទេសចិន បណ្ដាល​ឲ្យ​បណ្ដា​ជនចិន បានសម្ដែង​ប្រតិកម្ម​សារជាថ្មី។

លោក ហ្សាង ស៊ីសេង (Zhang Shisheng) បុគ្គលិកបោសជូនមួយរូប ក្នុងមជ្ឈមណ្ឌលពាណិជ្ជកម្ម ដ៏ធំរបស់​ទីក្រុងភាគខាងកើត នៃប្រទេសចិន បានធ្លាក់ទៅក្នុងចន្លោះជណ្ដើរយន្ដ កាលពីថ្ងៃអាទិត្យទី២ ខែសីហានេះ។ ដូចអ្វីដែលបានបង្ហាញឲ្យឃើញ នៅក្នុងរូបភាពវីដេអូសុវត្ថិភាព សន្ទះបិទម៉ាស៊ីន នៃជណ្ដើរយន្ដ​បានរបើក​ឡើង បានធ្វើឲ្យលោក ស៊ីសេង អាយុ៣៥ឆ្នាំ ធ្លាក់ចូលទៅក្នុងនោះ។

ភ្លាមៗនោះ បុរសអ្នកបោសជូត បានប្រតិកកម្មភ្លាម ដោយឈោងទៅចុច ប៊ូតុង ដើម្បីបញ្ឈប់​ជណ្ដើរយន្ដ​ជា​បន្ទាន់... តែយឺតពេលទៅហើយ។ [...]

សមាជិកស្ថាបនិក នៃគណបក្សប្រជាធិបតេយ្យមូលដ្ឋាន លោក សាម ស៊ុនឌឿន បានថ្លែងអះអាងថា គណបក្ស​ថ្មី ទើបនឹងបង្កើតរបស់លោក មាននយោបាយគោលបីយ៉ាង ដែលសំខាន់ និងខុសប្លែក ពីគណបក្សដទៃ។ នោះ គឺគណបក្សដទៃ ដឹកនាំពីលើមកក្រោម ដែលយកមេជាធំ ឯអ្នកក្រោម រង់ចាំតែស្តាប់បញ្ជា មួយមុខប៉ុណ្ណោះ។ លោកបន្តថា ឯគណបក្សប្រជាធិបតេយ្យ​មូលដ្ឋាន​របស់លោក ធ្វើការពីក្រោមទៅលើ ពលរដ្ឋ និងសមាជិក​ជា​ធំ។ សមាជិក ជាអ្នកសម្រេចចិត្ត ក្នុងការជ្រើសរើសថ្នាក់ដឹកនាំរបស់ខ្លួន។

គោលនយោបាយរបស់គណបក្សថ្មីនេះ បានបង្កឲ្យមានចំណាប់អារម្មណ៍មិនតិចទេ ពីពលរដ្ឋថ្នាក់មូលដ្ឋាន។ មានវត្តមាន ចូលរូមក្នុងសមាជដំបូង របស់«គណបក្សប្រជាធិបតេយ្យមូលដ្ឋាន» លោក មាស សាមឿន មកពី​ខេត្តកំពង់ស្ពឹ បានថ្លែងប្រាប់ទស្សនាវដ្តីមនោរម្យ.អាំងហ្វូថា គណបក្សមួយនេះ មានលក្ខណៈប្លែក ពីគណបក្ស​ផ្សេងទៀត ហើយលោកបានជ្រើសរើស សមាជិកមួយចំនួនធំហើយ មកទល់ពេលនេះ។ លោក បាន​ពន្យល់​ថា គណបក្សមួយនេះ [...]