Posts in ‘យុត្តិធម៌ សណ្ដាប់ធ្នាប់’ Category

តុលាការរបស់ប្រទេសម៉ាលត៍ (កោះតូចមួយ នៅកណ្ដាលសមុទ្រមេឌីទែរ៉ាណេ) បានសម្រេចបន្តឃុំខ្លួន ចោរ​ប្លន់​យន្ដហោះពីរនាក់ ដែលបានបង្ហាញខ្លួន នៅក្នុងសវនាការបថមមួយ កាលពីថ្ងៃអាទិត្យ ហើយ​បាន​បដិសេធ មិនទទួលស្គាល់ ការចោទប្រកាន់ទាំងឡាយ ដែលប្រព័ន្ធយុត្តិធម៌​របស់កោះ បានដាក់បន្ទុកមក​លើ​ខ្លួន។

កាលពីថ្ងៃសុក្រ បុរសទាំងពីរជាតិលីប៊ី បានចាប់បង្ខំយន្ដហោះប្រភេទ អ៊ែរប៊ូស (Airbus A320) មួយ​គ្រឿង ឲ្យ​មកឈប់ចត នៅនឹងព្រលានយន្ដហោះ របស់ប្រទេសម៉ាលត៍ បន្ទាប់ពីយន្ដហោះនេះ បានងើបខ្លួន ហោះ​ចេញ​ពី​ព្រលាន​យន្ដហោះ ក្រុង «Sabha» ស្ថិតនៅក្នុងភាគខាងត្បូង នៃប្រទេសលីប៊ី ហើយត្រូវចុះចត នៅ​ព្រលាន​យន្ដហោះ នៃរដ្ឋធានី​ទ្រីប៉ូលី (រដ្ឋធានីរបស់ប្រទេសលីប៊ី)។

ប្រភពចេញពីតុលាការ នៃកោះម៉ាលត៍ បានបង្ហើបឲ្យដឹងថា ជនទាំងពីរ ដែលមានឈ្មោះ «Moussa Saha» និង «Ali Ahmed Saleh» បានអះអាង​នៅក្នុងសវនាការថា ពួកខ្លួនមិនមានកំហុស [...]

ការជម្លៀសពលរដ្ឋ ប្រមាណជា ៥៤០០០នាក់ ចេញពីក្រុង អូស្បួរ (Augsbourg - ភាគខាងត្បូងអាល្លឺម៉ង់) ត្រូវ​បានធ្វើឡើង នៅព្រឹកថ្ងៃទី២៥ ខែធ្នូ គឺនៅ​ចំថ្ងៃ​បុណ្យណូអែល (ឬគ្រឹស្មាស) នោះតែម្ដង។ ហើយ​​ភ្នាក់ងារ​នគរបាល ចំនួន៩០០នាក់ ត្រូវបានបញ្ជូន មកធ្វើកិច្ចការនេះ ដែលជា​ការជម្លៀស​ខ្លួន​ដ៏ធំ មិន​​ដែល​ធ្លាប់មាន រាប់​ចាប់​តាំងពី ពីសម័យសង្គ្រាមលោកមក។ នេះបើតាមការប្រកាសឲ្យដឹង របស់​អាជ្ញាធរ​ក្រុង ហើយ​ត្រូវ​បាន​​សារព័ត៌មាន​​អាល្លឺម៉ង់ យកចេញ​មកផ្សាយ នៅក្នុងថ្ងៃដដែល។

មូលហេតុបណ្ដាល ឲ្យមាការជម្លៀសពលរដ្ឋចេញនេះ ដោយសារ គ្រាប់បែកមួយគ្រាប់ ទំងន់១,៨តោន ត្រូវ​បាន​រក​ឃើញ នៅក្នុងការដ្ឋានសាងសង់មួយ កណ្ដាលទីក្រុង កាលពីថ្ងៃទី២០ ខែធ្នូកន្លងមក។ គ្រាប់​បែកនេះ ជា​របស់​កងទ័ព​​ចក្រភព​អង់គ្លេស ដែលត្រូវបានដឹក​តាមយន្ដហោះ មកទម្លាក់​នៅទីនោះ នៅក្នុងការ​វាយ​ប្រយុទ្ធ រវាង​​ក្រុម​កងទ័ព​សម្ព័ន្ធមិត្ត (អាមេរិក អង់គ្លេស បារាំង រ៉ូស្ស៊ី [...]

ក្នុងតួនាទីជាសមាជិកមួយរូប នៃកងកម្លាំងប្រឆាំងភេរវកម្ម របស់ប្រទេសទួរគី យុវជនឈ្មោះ «Mevlüt Mert Altintas» ដែលបានបាញ់​សម្លាប់​ឯកអគ្គរដ្ឋទូតរ៉ូស្ស៊ី កាលពីថ្ងៃចន្ទសប្ដាហ៍មុន ធ្លាប់ត្រូវ​បាន​បញ្ជូន ឲ្យ​មក​ទទួល​ភារកិច្ច ជាអ្នកការពារប្រធានាធិបតីទួរគី លោក «Recep Tayyip Erdogan» ចំនួន​៨ដង។ នេះ​​បើ​​តាម​របាយ​ការណ៍​មួយ របស់សារព័ត៌មាន «Hürriyet» សរសេរដោយអ្នកសារព័ត៌មាន ឈ្មោះ «Abdulkadir Selvi។

ម្ចាស់អត្ថបទ លោក «Abdulkadir Selvi» ដែលជាអ្នកសារព័ត៌មាន មាននិន្នាការ​លំអៀង ទៅ​រដ្ឋាភិបាល​ទួរគី​សព្វថ្ងៃ បានសរសេរអះអាងថា៖ «យុវជន​រូប​នេះ ជាសមាជិកម្នាក់ នៃកងកម្លាំង​ថែរក្សា​សន្តិសុខ ជូន​ប្រធានា​ធិបតី ដែលស្ថិតនៅជួរទីពីរ បន្ទាប់ពីអង្គរក្សផ្ទាល់ របស់លោក»។

នៅក្រោយសកម្មភាព បាញ់សម្លាប់ឯកអគ្គរដ្ឋទូតរ៉ូស្ស៊ី លោក អង់ឌ្រៃ កាឡូវ (Andreï Karlov) រួច ភ្នាក់ងារ​នគរបាល វ័យ២២ឆ្នាំរូបនេះ [...]

ជាមួយនឹង​សារសំដែង​មរណទុក្ខ លោក វ្លាឌីមៀរ ពូទីន (Vladimir Poutine) ប្រធានាធិបតីនៃប្រទេសរ៉ូស្ស៊ី បាន​បញ្ជាឲ្យបង្កើតឡើងភ្លាម នូវគណៈកម្មាការ​ស៊ើប​អង្កេត​មួយ ដឹកនាំដោយលោកនាយករដ្ឋមន្ត្រី ឌមីទ្រី ម៉េដវេដេវ (Dmitri Medvedev) ដើម្បីស្វែងយល់ ពីមូលហេតុពិតប្រាកដ ដែល​ធ្វើឲ្យ​យន្ដហោះយោធា​មួយ​គ្រឿង ធ្លាក់ចូលទៅក្នុងសមុទ្រខ្មៅ កាលពីព្រឹកថ្ងៃអាទិត្យនេះ នៅពេលដែលយន្ដហោះនេះ ហោះឆ្ពោះ​ទៅ​កាន់​ប្រទេស​ស៊ីរី។

យន្ដហោះធុន «Tu-154» បានហោះងើបខ្លួន នៅម៉ោង៥និង៤០នាទី ហើយភ្លាមៗក្រោយមក យន្ដហោះ​បាន​បាត់​ខ្លួន ពីប្រព័ន្ធត្រួតពិនិត្យផ្លូវអាកាស មុននឹង​ដំណឹងអកុសល​បានធ្លាក់មកដល់ នៅ​ពេល​បន្ទាប់​មកទៀត ថា​យន្ដហោះ​បាន​ធ្លាក់​បោកខ្លួន ចូលក្នុងសមុទ្រ នៅខាងមុខក្រុង «Sotchi (ភាគខាងត្បូង នៃ​ប្រទេស​រ៉ូស្ស៊ី)»។

ពីក្នុងចំណោមអ្នកដំណើរ ទាំង៩២នាក់ ដែលជិះនៅក្នុងយន្ដហោះ មាន៨នាក់ជាបុគ្គលិកបម្រើការ របស់​យន្ដហោះ និង៦៤នាក់ [...]

លោក ហ្គ្រាហាម អាស្តុន (Graham Ashton) នាយនគរបាល នៃរដ្ឋវិតូរីយ៉ា (Victoria) បានថ្លែងឲ្យដឹងថា មនុស្ស​ចំនួន៧នាក់ ដែលត្រូវបាន​អាជ្ញាធរ​ចាប់​ខ្លួននោះ មានគម្រោង​ចង់ធ្វើការ​វាយប្រហារ ទៅលើ​កន្លែង​សំខាន់ៗ នៅក្នុងទីក្រុង មែលប៊ន (Melbourne) ដែលជាទីក្រុងទីពីរ នៃកោះអូស្ត្រាលី។ កន្លែង​សំខាន់ៗ​​ទាំង​នោះ មានដូចជាស្ថានីយ៍​អាយស្ម័យាន ទីលានសហព័ន្ធ (Federation Place) និងព្រះវិហារ «Saint-Paul» ជាដើម។

នៅចំពោះក្រុមអ្នកយកព័ត៌មាន លោកនាយនគរបាល បានថ្លែងឲ្យដឹងថា៖ «នៅក្នុងរយៈពេល ២សប្ដាហ៍​ចុង​ក្រោយនេះ (...) យើងបានដឹកនាំ​ការស៊ើប​អង្កេត ផ្នែកព្រហ្មទណ្ឌដ៏ធំមួយ ទៅលើផែនការមួយ ដែល​យើង​គិត​ថា មានលក្ខណៈជាគម្រោងភេរវនិយម»។

លោក អាស្ដុន បានបន្តថា៖ «យើងគិតថា មានការប៉ុនប៉ង ក្នុងការវាយប្រហារច្រើនកន្លែង នៅក្នុងពេល​តែមួយ ជាពិសេសនៅចំថ្ងៃបុណ្យណូអែលតែម្ដង។ ការវាយប្រហារនោះ មានរាប់បញ្ចូល [...]