Posts in ‘យុត្តិធម៌ សណ្ដាប់ធ្នាប់’ Category

ដោយទំនងជាមាន ការប្រយ័ត្នប្រយ៉ែងជាមុន ទើបនាំគ្នាស្លៀកពាក់ តែងខ្លួនជាប្រុស ដើម្បីជិះម៉ូតូចេញ​មក​ក្រៅ នៅវេលាទៀបភ្លឺ។ ប៉ុន្តែក្រុមចោរ មិនបានយល់ថា ម្ចាស់ម៉ូតូមានភេទជាអ្វីទេ ឲ្យតែមានឱកាស និង​ច្បាប់​ទម្លាប់ នៅក្នុងប្រទេស នៅមានការធូររលុងផងនោះ ពួកគេនឹងធ្វើសកម្មភាពភ្លាម។

នេះជាករណីប្លន់មួយ ដែលបានកើតឡើង យ៉ាងអកុសល ទៅលើស្ត្រីពីរនាក់ ដែលខិតខំតែងខ្លួន ជាប្រុស​ហើយ នៅតែត្រូវក្រុមជន ០៤នាក់ ប្រដាប់ដោយអាវុធ ប្លន់យកម៉ូតូមួយគ្រឿង របស់ពួកនាងទៅបាត់។

ហេតុការណ៍នេះ បានកើតឡើងកាលពីវេលាម៉ោង ២និង២០នាទី ទៀបភ្លឺថ្ងៃទី ៣០ ខែមិថុនា ឆ្នាំ២០១៥ នៅ​តាមបណ្តោយផ្លូវព្រះនរោត្តម ជិតផ្ទះថៅកែស្រាបៀ ថៃគើ ក្នុងសង្កាត់ទន្លេបាសាក់ ខណ្ឌចំការមន រាជធានី​ភ្នំពេញ។ ក្រុមជនសង្ស័យទាំងបូនរូប មិនត្រូវបានគេស្គាល់អត្តសញ្ញាណនោះទេ។

តាមការបញ្ជាក់ របស់ស្រ្តីរងគ្រោះទាំងពីរនាក់ បានឲ្យដឹងថា នាងធ្វើដំណើរចេញពីម្តុំគិរីរម្យ [...]

យ៉ាងហោចមនុស្ស១១៦នាក់ បានស្លាប់ កាលពីថ្ងៃអង្គារ នៅប្រទេសឥណ្ឌូនេស៊ី ក្នុងព្រឹត្តិការណ៍ ធ្លាក់​យន្ដ​ហោះ​យោធាមួយ ដែលបានបោកខ្លួន នៅលើសង្កាត់ដែលមានមនុស្សរស់នៅមួយ នៃក្រុង ម៉ីដង់ (Medan) ស្ថិត​នៅលើកោះ ស៊ូម៉ាត្រា។ ពីក្នុងចំណោមជនរងគ្រោះទាំងនោះ មាន១១៣នាក់ ជាអ្នកជិះនៅក្នុងយន្ដហោះ និង​៣នាក់ទៀត នៅលើដី។

យន្ដហោះ «Hercules C-130» ដែលមានវ័យ៥១ឆ្នាំ បានហោះចេញពី មូលដ្ឋានយោធាមួយ នៅ​វេលា​ម៉ោង​១២ និង៨នាទី ថ្ងៃត្រង់ (ម៉ោងក្នុងស្រុក) ហើយបានធ្លាក់ ២នាទីក្រោយមក ពីលើសង្កាត​ដែលមាន​ចំងាយ​៥​គីឡូ​ម៉ែត្រ ពី​មូលដ្ឋាន​យោធា បង្កឲ្យមានផ្ទុះឆេះ ជាភ្លើងឡើង។ នេះបើតាមអ្នកនាំពាក្យកង​ទ័ព​ឥណ្ឌូនេស៊ី លោក ហ្វូអាដ បាស្យ៉ា (Fuad Basya)។

អគ្គមេបញ្ជាការកងទ័ព លោក អាហ្គូស ស៊ូព្រីយ៉ាតណា (Agus Supriatna) បានអះអាងដែរ​ថា មនុស្ស​ដែល​ស្ថិតនៅលើយន្ដហោះ មាន១២នាក់ ជាបុគ្គលិកបម្រើការ និង១០១ផ្សេងទៀត ជាអ្នកដំណើរ។ លោក​បាន​ថ្លែងថា [...]

ប្រជាពលរដ្ឋ ដែលមានដើមកំណើត ជាជនជាតិវៀតណាមបីនាក់ រួមមានប្រពន្ធ កូន និងអ្នករស់នៅ​ជាមួយ​ម្នាក់ ត្រូវបានកម្លាំងចម្រុះ ដែលដឹកនាំដោយព្រះរាជអាជ្ញារង អមសាលាដំបូងរាជធានីភ្នំពេញ លោក កែវ សុជាតិ ចុះចាប់ខ្លួន កាលពីថ្ងៃទី២៨ ខែមិថុនា ឆ្នាំ២០១៥ នៅវេលាម៉ោងប្រមាណ ជាងពីរសៀល នៅម្តុំ​ផ្សារ​នាគមាស ក្នុងសង្កាត់ផ្សារដើមគរ។ បើទោះជាការចាប់ខ្លួន ពលរដ្ឋដើមកំណើតវៀតណាមទាំងនោះ ក្រោម​បទចោទប្រកាន់ ថាបានបើកមុខរបរចាក់បាល់ និងលក់កន្ទុយលេខ ជ្រកក្រោមស្លាកលក់កាហ្វេក៏ដោយ តែ​សម្រាប់​ក្រុម​គ្រួសារ​វិញ បានលើកឡើង ពីភាពមិនប្រក្រតីមួយចំនួន ដោយបានប្រៀបធៀប ការចុះមក​ចាប់​ខ្លួន​នេះ ទៅ​នឹង​ការ​ចុះ​មក​«ប្លន់» ដោយខុសច្បាប់។

លោក ង្វៀង យ៉ាំងថាន់ ដែលត្រូវជាប្តី បានលើកឡើងថា ការចុះចាប់ខ្លួនប្រពន្ធ កូន និងអ្នកនៅជាមួយនេះ មិន​បានផ្តល់ដំណឹងជាមុនឡើយ ហើយលោកក៏មិនដឹងថា គ្រួសារលោកមានធ្វើអ្វីខុសច្បាប់ដែរ ព្រោះលោក​លក់​ដូរ [...]

ហេតុការណ៍ក្រឡាប់រថយន្ដ របស់បុរស ដែលគេស្គាល់ថា ជាមន្រ្តីយោធានោះ បានកើតឡើង កាលពី​វេលា​ម៉ោង១២ និង៣០ នាទីថ្ងៃទី ៣០ ខែមិថុនា ឆ្នាំ២០១៥ នៅតាមបណ្តោយផ្លូវ ២១៧ ក្នុងសង្កាត់អូឬស្សី ខណ្ឌ​៧មករា រាជធានីភ្នំពេញ ត្រង់ចំណុចទល់មុខសាលាអន្តរជាតិ សិង្ហបូរី។ អ្នកបើកបររូបនោះ មិនមានរងរបួស​ទេ ចំណែកឯឡាន ត្រូវក្រឡាប់ផ្អៀងនៅកៀនផ្លូវ។

ប្រភពពីសាក្សី ដែលបានឃើញហេតុការណ៍ នៅផ្ទាល់នឹងកន្លែង បានឲ្យដឹងថា មន្ត្រីយោធារូបនោះឈ្មោះ ខេន ម៉ូរ៉ាឌី បើកឡានម៉ាក តាកូមា (TACOMA) ពណ៍សម្បកឪឡឹកចាស់ ស្លាកលេខភ្នំពេញ ២A-៣៨១៩ ក្នុងល្បឿន​លឿន។ ប្រភពដដែលបានបញ្ជាក់ថា បុរសបើកបរខាងលើ ទំនងជាស្រវឹង ទើបបញ្ជារថយន្ត ដោយល្បឿន​មួយ​យ៉ាងលឿន រហូតមកដល់កន្លែងកើតហេតុ ក៏ស្រាប់តែបានរេចង្កូត ទៅបុករនាំងចែកផ្លូវពេញ​ទំហឹងតែ​ម្តង។

ភ្លាមៗ បន្ទាប់ពីកើតហេតុ មន្រ្តីនគរបាលចររាចរណ៍ នៅទីតាំងកើតហេតុ បានចុះធ្វើការវាស់វែងរួច បញ្ជាក់​ប្រាប់​អ្នកសារព័ត៌មានថា [...]

ជាលើកដំបូងបង្អស់ ដែលអង្គការរដ្ឋអ៊ីស្លាម ល្បីល្បាញខាងធ្វើអំពើភេរវកម្ម បានចាត់វិធានការ ទៅខ្មាំង​សត្រូវ​របស់ខ្លួន ដែលមានភេទជាស្ត្រី។ នៅថ្ងៃអង្គារនេះ ក្រុមអ្នកឃ្លាំមើលសិទ្ធិមនុស្ស នៅក្នុងប្រទេសស៊ីរី ដែលហៅ​កាត់ «OSDH» បានអះអាងថា ស្ត្រីជាតិស៊ីរីពីរនាក់ ត្រូវបានកាត់ ក ដោយក្រុមយុទ្ធជនស្ម័គ្រប្រយុទ្ធ របស់​ព្រះអាឡាហ៍ ដែលជាផ្នែកមួយ នៃអង្គការរដ្ឋអ៊ីស្លាម បន្ទាប់ពីបានចោទស្ត្រីទាំងនេះ ថាបានធ្វើ​«អំពើ​អាប​ធ្មប់»។

ប្រធានក្រុមអ្នកឃ្លាំមើលសិទ្ធិមនុស្ស លោក រ៉ាមី អាប៊ែល រ៉ាម៉ាន់ (Rami Abdel Rahmane) បាន​ថ្លែង​ឡើង​ថា៖ «ក្រុមអង្គការរដ្ឋអ៊ីស្លាម បានសម្លាប់ស្ត្រីពីរនាក់ ដោយកាត់"ក" នៅក្នុងខេត្ត ដៀអេស៊័រ។ នេះ ជា​លើក​ទី​មួយ​ហើយ ដែលក្រុមអ្នកឃ្លាំមើលរបស់យើង បានជួបប្រទះ ទាក់ទងនឹងការសម្លាប់ស្ត្រី របស់​អង្គការ​រដ្ឋ​អ៊ីស្លាម ទោះ​ជាស្ថិតក្នុងការចោទប្រកាន់ បែបណាក៏ដោយ។» លោក រ៉ាមី បានអះអាងទៀតថា [...]