ខេង ទីតូ៖ កងរាជអាវុធហត្ថ ប្ដេជ្ញាការពារជំហរ ហ៊ុន សែន
កងរាជអាវុធហត្ថកម្ពុជា ដោយសំអាងលើសម្តីលោកនាយករដ្ឋមន្រ្តី ហ៊ុន សែន និងរដ្ឋធម្មនុញ្ញ បានប្ដេជ្ញាយ៉ាងម៉ឺងម៉ាត់ការពាររដ្ឋាភិបាលគណបក្សប្រជាជនកម្ពុជា និងបានព្រមានថា កងរាជអាវុធហត្ថនឹងមិនអត់អោនដល់អ្នកដែលមានបំណងផ្តួលរំលំរដ្ឋាភិបាល និងរំលោភរដ្ឋធម្មនុញ្ញបានទេ។ ការអះអាងរបស់កងរាជអាវុធហត្ថ គឺស្របពេលដែលគណបក្សសង្រ្គោះជាតិ ដែលជាគណបក្សជំទាស់នៅតែប្រកាន់គោលជំហរថា រដ្ឋាភិបាលនិងសភា«ឯកបក្ស»បច្ចុប្បន្ន បានបង្កើតឡើងដោយរំលោភរដ្ឋធម្មនុញ្ញ និងទទូចឲ្យបោះឆ្នោតមុនបញ្ចប់អាណត្តិឡើងវិញ ក្រោយការធ្វើកំណែទម្រង់ គណៈកម្មាធិការជាតិរៀបចំការបោះឆ្នោត (គ.ជ.ប)។
ការពង្រាញកម្លាំងនៅមុខ«នាគបាញ់ទឹក» ដើម្បីទប់ទល់នឹងបាតុកម្មរបស់អ្នកភូមិបឹងកក់ កាលពីថ្ងៃទី០២ខែកក្កដាឆ្នាំ២០១៣។ (រូបភាព MONOROOM.info/ U. Bory)
