Posts in ‘នយោបាយ’ Category

បន្ទាប់ពីលទ្ធផលបថម នៃការបោះឆ្នោតជ្រើសរើស ក្រុមប្រឹក្សាឃុំសង្កាត់ អាណត្តិទី៤ កាលពីថ្ងៃអាទិត្យ ត្រូវ​បាន​ចេញ​ឲ្យ​ដឹង អំពីតួលេខប្រហាក់ប្រហែលគ្នា រវាង​គណបក្ស​កាន់អំណាច និងគណបក្សប្រឆាំងនោះ នៅ​យប់​ថ្ងៃ​ពុធ​នេះ (ត្រូវ​​ជា​​ព្រឹក​ព្រហាម ថ្ងៃព្រហស្បត្តិ៍ នៅកម្ពុជា) លោក សម រង្ស៊ី អតីតប្រធាន​គណបក្ស​សង្គ្រោះជាតិ បាន​ចេញ​​មក​អបអរសាទរ ពី​ជំហានថ្មីនេះ ដោយចាត់ទុកថា ជាលទ្ធផលដ៏«ល្អជាទីបំផុត» សម្រាប់​គណបក្ស​ប្រឆាំង​ធំ​ជាង​គេ នៅកម្ពុជា។

ថ្លែងនៅក្នុងវីដេអូមួយ ពីរដ្ឋធានីប៉ារីស មេដឹកនាំប្រឆាំងរូបនេះ បានលើកពីតួលេខជាក់ស្ដែង និងសំខាន់ៗ​មួយ​ចំនួន ដែល​អាច​ឲ្យ​លោក​ធ្វើសេចក្ដីសន្និដ្ឋាន ថាជាជោគជ័យក្នុងដំណាក់កាលដំបូង ដើម្បីឈានទៅ​ដណ្ដើម​កៅអី​ក្នុង​​ព្រឹទ្ធសភា ក្រុម​ប្រឹក្សា​ខេត្តក្រុង ឬរាជធានី នា​ពេលខាងមុខ មុននឹងឈានទៅដល់ដំណាក់កាល នៃការ​​បោះ​ឆ្នោត​​​ជ្រើសតាំង​តំណាង​រាស្ត្រ (បោះឆ្នោតថ្នាក់ជាតិ) [...]

ការបោះឆ្នោត ជ្រើសរើសក្រុមប្រឹក្សាឃុំសង្កាត់ អាណត្តិទី៤ នៅក្នុងប្រទេសកម្ពុជា បានទាក់ទាញ​ចំណាប់​​អារម្មណ៍​ខ្លះៗ​ដែរ ទៅដល់សារព័ត៌មានមួយចំនួន នៅទ្វីបអ៊ឺរ៉ុបខាងលិច។ ចាប់អារម្មណ៍ ដោយហេតុពីសន្ទុះ​ងើប​ឡើង របស់​​គណបក្ស​​សង្គ្រោះ​ជាតិ ដែលដណ្ដើមបានជិត៥០០ឃុំសង្កាត់ ចេញពីកំណ្ដាប់ដៃ​របស់គណបក្ស​ប្រជាជនកម្ពុជា បើ​ធៀប​ទៅនឹង​អាណត្តិ​ទី៣ ដែលគណបក្សប្រឆាំង រកបានតែ៤០ឃុំសង្កាត់ប៉ុណ្ណោះ។

ប៉ុន្តែសារព័ត៌មាន «Ouest-France» របស់បារាំង បានលើកមកពន្យល់ បែបផ្សេងទៅវិញ ថាយុវជនជំនាន់​ក្រោយ គឺ​ជា​អ្នក​កំណត់នូវជោគវាសនា របស់ពួកគេទៅអនាគត។ ក្រៅពីបានពន្យល់ នូវវិធីសាស្ត្រ ក្នុងការទាក់​ទាញ​យុវវ័យ ពី​សំណាក់​គណបក្សធំទាំងពីរ [...]

បន្ទាប់ពីការបោះឆ្នោត ជ្រើសរើសក្រុមប្រឹក្សាឃុំសង្កាត់ គឺបន្តសង្គ្រាមសំដី! លោក សួន សេរីរដ្ឋា ប្រធានគណបក្សអំណាចខ្មែរ បានហៅអ្នកនយោបាយណា ដែលជេរប្រមាថ មើលងាយពលរដ្ឋ ដែលមិនបោះឆ្នោតឲ្យខ្លួន និងតាំងខ្លួនជាឪ ជាព្រះ... ថាជាអ្នកនយោបាយ «ឆ្កួត មិនគ្រប់ទឹក និងល្ងង់»។

ប្រធានគណបក្សរូបនេះ មិនបានលើកឡើង ឲ្យចំឈ្មោះរបស់អ្នកនយោបាយណាម្នាក់ទេ តែពាក្យសំដីរបស់លោក ត្រូវបានគេមើលឃើញថា លោកកំពុងសំដៅទៅរកលោក ខឹម វាសនា ប្រធានគណបក្សសម្ព័ន្ធ​ដើម្បីប្រជាធិបតេយ្យ ដែលទើបនឹងថ្លែងឡើង កាលពីម្សិលម៉ិញ ប្រហាក់ប្រហែលនឹងការអះអាងនេះ។

គណបក្សសម្ព័ន្ធដើម្បីប្រជាធិបតេយ្យ ដែលហៅខ្លួនឯង ថា«បក្សជួង» និងគណបក្សអំណាចខ្មែរ មិនទទួលបានអសនៈណាមួយ នៅក្នុងចំណោមអសនៈឃុំសង្កាត់ ទាំង១៦៤៦ សម្រាប់ការបោះឆ្នោត ជ្រើសរើសក្រុមប្រឹក្សាឃុំសង្កាត់ អាណត្តិទី៤នេះទេ។ ប៉ុន្តែលទ្ធផល នៃការចាញ់ឆ្នោតដូច្នេះ ទំនងជាត្រូវលោក ខឹម វាសនា ពិបាកនឹងទទួលយក [...]

លទ្ទផលបឋម នៃការបោះឆ្នោតជ្រើសរើស ក្រុមប្រឹក្សាឃុំសង្កាត់ អាណត្តិទី៤ កាលពីថ្ងៃទី៤ ខែមិថុនា កន្លងទៅនេះ បានបង្ហាញថា គណបក្សប្រជាជនកម្ពុជា ដឹកនាំដោយលោក ហ៊ុន សែន នាយករដ្ឋមន្ត្រីកាន់អំណាច តាំងពីជាងបីទសវត្សន៍មកនោះ ឈ្នះកៅអី«ជាង២ដង» ពីលើគណបក្សសង្គ្រោះជាតិ ដែលជាគណបក្សប្រឆាំង (ប្រមាណជាង១១០០កៅអី សម្រាប់គណបក្សប្រជាជនកម្ពុជា និងប្រមាណជិត ៥០០កៅអី សម្រាប់គណបក្សសង្គ្រោះជាតិ)។ ផ្ទុយទៅវិញ បើនិយាយពីសម្លេងឆ្នោតវិញ គណបក្សទាំងពីរ មានលក្ខណៈប្រដេញត្រសងគ្នា ដោយគណបក្សប្រជាជនកម្ពុជា មិនបានឈ្នះដាច់ខ្លាំង ពីលើគណបក្សសង្គ្រោះជាតិទេ។

នៅចំពោះការប្រកាសជ័យជំនះ របស់គណបក្សកាន់អំណាច នៅយប់ថ្ងៃបោះឆ្នោត និងក្រោយថ្ងៃបោះឆ្នោតមួយថ្ងៃ សម្រាប់គណបក្សប្រឆាំងវិញ នៅតែគិតថា ខ្លួនជាអ្នកឈ្នះឆ្នោតពិតប្រាកដ។ លោក មុត ចន្ថា មន្ត្រីជាន់ខ្ពស់មួយរូប របស់គណបក្សសង្គ្រោះជាតិ និងជាមនុស្សជំនិត របស់ប្រធានគណបក្សនេះ បានពន្យល់នៅលើបណ្ដាញសង្គម [...]