មុននឹងក្លាយជាតារាល្បី តើ មាស សុខសោភា បានឆ្លងកាត់អ្វីខ្លះ? (vdo)
មាស សុខសោភា ជាតារាចម្រៀងស្រីមួយរូប ដែលទទួលបានការគាំទ្រយ៉ាងច្រើន ពីស្រទាប់មហាជន និងទស្សនិកជនក្នុងប្រទេស ក៏ដូចជាក្រៅប្រទេស ទាំងយុវវ័យ និងមនុសវ័យចំណាស់។ ប្រិយមិត្តជាទូទៅ បានចាត់ទុក តារាចម្រៀងសម្លេងខ្ពស់ មាស សុខ សោភា ថាជាតារាគំរូ ដោយសារតែតារាប្រជាប្រិយសម័យថ្មីរូបនេះ បានលះបង់ពេលវេលា ក្នុងការថែររក្សាធនធានធម្មជាតិ ដាំដើមឈើ និងចូលរួម ប្រឆាំការកាប់បំផ្លាញព្រៃឈើ នៅតំបន់ភ្នំឱរ៉ាល់ខេត្តកំពង់ស្ពឺ។ សកម្មភាពដ៏កម្រ ដែលធ្វើឲ្យតារាចម្រៀង មានប្រជាប្រិយភាពកើនឡើងថែមមួយកំរិតទៀត។ ខាងក្រោមនេះ ជាការរំលឹកឡើងវិញយ៉ាងសង្ខេប ពីជីវិតរបស់តារាចម្រៀង មាស សុខសោភា មុននឹងនាងបានមកដល់វិថីសិល្បៈដ៏រុងរឿងនេះ។
កញ្ញា មាស សុខសោភា កើតនៅថ្ងៃទី២៩ ខែមករា ឆ្នាំ១៩៨៤ ក្នុងខេត្តកំពង់ស្ពឺ មានឪពុកឈ្មោះ មាស សារឹម អតីតប្រធានមន្ទីរឧស្សាហកម្មខេត្តកំពង់ស្ពឺ ហើយម្ដាយឈ្មោះ សុខ វិលន់ [...]