Posts in ‘កម្ពុជា’ Category

ជាលទ្ធផលដែលកម្មករជាង១០០នាក់ មកពីរោងចក្រកាលីស្តូ និងរោងចក្រមូន រងចាំតំណាងរបស់ខ្លួន​ចូល​ចរចា​ជាមួយក្រសួងការងារ លើការទាមទារចំនុចមួយចំនួន តាំងពីម៉ោង៩ព្រឹក ដល់ម៉ោង១២ និង៣៥នាទីនេះ គឺមិន​ទទួល​បានលទ្ធផលអ្វីទាំងអស់។

ក្រុមកម្មការិនីដែលធ្វើកូដកម្ម។ (រូបថត MONOROOM.info/ Nita)

វិបត្តិការងារ - ការចរចាគ្នាជាមួយក្រសួងការងារ ប្រើពេលអស់មួយព្រឹក នៅថ្ងៃទី២០ ខែមិនា នេះ មិនទទួលបាន​លទ្ធផលនិងការព្រមព្រៀងណាមួយទេ ជុំវិញសំណើរទាមទារឲ្យរោងចក្រទទួលយកថ្នាក់ដឹកនាំសហជីព​បីនាក់​ចូល​ធ្វើការវិញ និង១៧ចំនុចផ្សេងទៀត របស់កម្មករនៅរោងចក្រកាលីស្តូ និងរោងចក្រមូន ដែលបានធ្វើ​កូដកម្ម​ទាម​ទារ​អស់រយៈពេលជាងកន្លះខែហើយ។ លោកថោង សឿន [...]

ឆ្លើយតបទៅនឹងការផ្តេជ្ញាចិត្តរបស់រដ្ឋាភិបាលអាណត្តិទី៥ ដែលអះអាងថាកែទម្រង់ស៊ីជម្រៅនោះ សេចក្តីព្រាង​ច្បាប់បីសំខាន់ៗពាក់ព័ន្ធ នឹងប្រព័ន្ធយុត្តិធម៌ នឹងត្រូវទៅដល់ដៃគណៈរដ្ឋមន្រ្តីនៅដើមសប្តាហ៍ក្រោយនេះ មុននឹង​បញ្ជូនបន្តទៅកាន់រដ្ឋសភា។

ផ្លាកសញ្ញាបញ្ជាក់ពីយុត្តិធម៌ ពីខាងក្រៅសាលាឧទ្ទរណ៍។ MONOROOM.info photo/ O. Vary

ប្រព័ន្ធយុត្តិធម៌ - នាយក ខុទ្ទកាល័យ រដ្ឋមន្ត្រីក្រសួង យុត្តិធម៌ លោក សម ប្រជាមានិត បានថ្លែងប្រាប់ទស្សនាវដ្តី​មនោរម្យ.អាំងហ្វូ នៅថ្ងៃទី២០ មីនា នេះថា តាមគម្រោងសេចក្តីព្រាងច្បាប់៣ គឺ ច្បាប់ស្តីពីលក្ខន្តិកៈចៅក្រម និង​ព្រះរាជអាជ្ញា [...]

វិបត្តិដីធ្លី - លោក ធន សារ៉ាយ ប្រធានសមាគមការពារសិទ្ធិមនុស្សអាដហុក បានថ្លែងនៅក្នុងសន្និសិទ្ធសារព័ត៌មាន ដែលមាន​ប្រជាតំណាងប្រជាពលរដ្ឋរងគ្រោះមកពីខេត្តចំនួន៦បានចូលរួមនោះ បានថ្លែងឲ្យដឹងថា ការផ្តើមបើក​យុទ្ធនាការ​ទទួលពាក្យបណ្តឹងពីប្រជាពលរដ្ឋទូទាំងប្រទេស ដើម្បីជំរុញឲ្យតុលាការសើរើរឿងបណ្តឹងដីធ្លីចាស់ៗ ដែល​ជាប់​គាំង​យូរឆ្នាំមកហើយ ពុំទាន់មានដំណោះស្រាយ ហើយនៅថ្ងៃដំបូងមានប្រជាពលរដ្ឋចំនួន១៧ខេត្ត ដែល​មានជម្លោះដីធ្លី បានដាក់ពាក្យបណ្តឹងចំនួន ១០៥ ស្មើរនិង១០៥ករណី ក្នុងនោះទៅស្នាក់ការសូរិយោដីថ្នាក់​ស្រុក​ចំនួន ១៥ ពាក្យ​បណ្តឹង ហើយនៅក្នុងសូរិយោដីថ្នាក់ខេត្តចំនួន៣ ពាក្យបណ្តឹងនិងទៅអភិបាលខេត្ត​ចំនួន៧៧ពាក្យ​បណ្តឹង និងទៅ​តុលាការចំនួន១០ពាក្យបណ្តឹង ដែលមានប្រជាពលរដ្ឋរងគ្រោះ ១១០០១គ្រួសារ ដែលបានប៉ះពាល់​ដីធ្លី​ចំនួន​២៦៥១៨ ហិកតា។

លោកបានថ្លែងថា [...]

ជាថ្មីម្តងទៀត អនុប្រធានគណបក្សសង្រ្គោះជាតិ លោក កឹម សុខា បានអះអាងថា បើទោះជាគណបក្សសង្រ្គោះជាតិ កំពុងចរចាលើការកែទម្រង់ការបោះឆ្នោត ជាមួយគណបក្សប្រជាជនកម្ពុជាក៏ដោយ ក៏គណបក្សសង្រ្គោះជាតិ នៅ​រក្សាគោលជំហរដដែល ចំពោះការទាមទារកន្លងមក។

លោក កឹម សុខា ក្នុងមហាបាតុកម្មរបស់គណបក្សសង្គ្រោះជាតិរបស់លោក ថ្ងៃទី១៥ខែធ្នូឆ្នាំ២០១៣។ (រូបថត គណបក្ស)

នយោបាយកម្ពុជា - តាមរយៈទំព័រហ្វេសប៊ុកផ្លូវការរបស់ខ្លួន នៅថ្ងៃទី១៩ មីនា លោក កឹម សុខា អនុប្រធាន​គណបក្សសង្រ្គោះជាតិ បានបញ្ជាក់ថា៖ «គណបក្សសង្គ្រោះជាតិ នៅតែរក្សាគោលជំហររឹងមាំជានិច្ច ទី១. ទាមទារ​ឲ្យស៊ើបអង្កេតភាពមិនប្រក្រតីនៃការបោះឆ្នោត ទី២. ទាមទារបោះឆ្នោតឡើងវិញ ទី៣. ទាមទារឲ្យមាន​ការកែទម្រង់​ការបោះឆ្នោត»។

មន្រ្តីអ្នកនាំពាក្យរដ្ឋាភិបាលកម្ពុជា លោក ផៃ ស៊ីផាន បានលើកឡើងថារដ្ឋាភិបាល ឬសភារបស់ប្រទេសអូស្រ្តាលី មិនមែនជាចៅហ្វាយនាយ របស់ប្រទេសកម្ពុជាទេ ហើយកម្ពុជា ក៏មិនមែនជាកូនចៅរបស់អូស្រ្តាលីដែរ។ តែផ្ទុយ​ទៅវិញភាគីទាំងពីរ គឺជាដៃគូរល្អ ឈរលើគោលការណ៍ កិច្ចសហប្រតិបត្តិការភាពជាដៃគូ និងស្មើភាព។

លោក សម រង្ស៊ី នៅពេលជួបជាមួយលោក ព្រឹទ្ធសមាជិកអូស្ត្រាលី លោក ឌីម ស្មីត (Dean Smith) នៅថ្ងៃទី១៩ ខែមីនា ឆ្នាំ២០១៤។ (រូបថត ហ្វេសប៊ុក)

នយោបាយកម្ពុជា - ការលើកឡើងរបស់លោក ផៃ ស៊ីផាន គឺបន្ទាប់ពី ប្រធានគណបក្សសង្រ្គោះជាតិ ជាគណបក្ស​ជំទាស់ លោក សម រង្ស៊ី ដែលកំពុងធ្វើទស្សនកិច្ចទៅប្រទេសអូស្រ្តាលី បានជំរុញឲ្យសមាជិក​ព្រឹទ្ធសភាអូស្រ្តាលី​មួយរូប ជួយជំរុញរដ្ឋាភិបាលអូស្ត្រាលី [...]