Posts in ‘កម្ពុជា’ Category

«ថ្ងៃនេះ ជាថ្ងៃទី២៤ (ខែតុលា ឆ្នាំ២០១៥) នៃឆ្នាំទី២៤ នៃសន្និសីទទីក្រុងប៉ារីស ដែលជាកេរ្ត៍មរតកមួយ យ៉ាង​មានតម្លៃ» នេះជាសម្ដីអះអាង របស់លោក ហម ប៊ុនឆាយ តំណាងឲ្យគណៈកម្មការព្រំដែនកម្ពុជា នៅក្រៅ​ប្រទេស ដែលជាអ្នករៀបចំបាតុកម្ម នៅលើទីលាន ត្រូកាដេរ៉ូ ក្បែរនឹងតួអេហ្វែល កណ្ដាលរដ្ឋធានីប៉ារីស ប្រទេស​​បារាំង ដើម្បីទាមទារឲ្យរដ្ឋាភិបាលកម្ពុជា និងបណ្ដាប្រទេសហត្ថលេខី មានជាអាថ៌ប្រទេសវៀតណាម គោរព​ឲ្យ​បាន​ខ្ជាប់ខ្ជួន នូវសន្ធិសញ្ញា​កិច្ចព្រមព្រៀងសន្ដិភាព កាលពីឆ្នាំ១៩៩១។

នៅចំពោះអ្នកចូលរួម ជាច្រើនសិបនាក់ ដែលធ្វើដំណើរពីតំបន់ជុំវិញរដ្ឋធានីប៉ារីស ពីបណ្ដាខេត្តនានា នៅក្នុង​ប្រទេសបារាំង និងពីប្រទេស ជាប់ព្រំដែនបារាំងផងនោះ លោក ប៊ុនឆាយ បានបន្តទៀតថា៖ «ថ្ងៃទី២៣ តុលា ឆ្នាំ១៩៩១នេះហើយ ដែលប្រទេសខ្មែរ មានបូរណភាពទឹកដី មានឯកភាពជាតិ មានសិទ្ធិមនុស្ស (...) ហើយ​ទី​បញ្ចប់ មានការកសាងប្រទេសកម្ពុជាឡើងវិញ»។

ចម្រៀង«ឌឺដងចងជាជម្លោះ» របស់គណបក្សកាន់អំណាច និងគណបក្សប្រឆាំង នៅក្នុងប្រទេសកម្ពុជា នៅតែ​បន្តច្រៀងឆ្លើយឆ្លងគ្នា​ទៅវិញទៅមក មិនដាច់សូរ។ គណបក្សកាន់អំណាច តាមរយៈនាយកដ្ឋមន្ត្រី៣​ទសវត្សន៍ លោក ហ៊ុន សែន បានលើកឡើងថា បើគណបក្សប្រឆាំងឈ្នះឆ្នោត នៅអាណត្តិក្រោយ នោះប្រទេសកម្ពុជា នឹងធ្លាក់ក្នុងភ្លើងសង្គ្រាមជាថ្មីទៀត។ តែគណបក្សប្រឆាំងវិញ តាមរយៈមេដឹកនាំរបស់ខ្លួន បានឆ្លើយបដិសេធ​ថា បើគណបក្សបានឈ្នះឆ្នោត នឹងគ្មានសង្គ្រាមអ្វីឡើយ ដោយសារតែខ្លួន មិនមានគោលការណ៍ យកខ្មែរ​ណា​ធ្វើជាសត្រូវ។

នៅលើទំព័រហ្វេសប៊ូកផ្លូវការ របស់នាយករដ្ឋមន្រ្តីកម្ពុជា លោក ហ៊ុន សែន បានសរសេរថា៖ «ទិសដៅ​នយោបាយ​បក្សប្រឆាំង គឺនាំអន្តរាយដល់ប្រទេសជាតិ»។ លោកបានសរសេរបន្ត ពន្យល់បណ្ដាអ្នកគាំទ្រលោក នៅ​លើ​បណ្ដាញ​សង្គមថា គណបក្សប្រឆាំងច្រើនឃោសនា ភ្ជាប់នូវផ្នត់គំនិត បែប«ចងគំនុំ» និងការ«ចង់ផ្តួល​រំលំ (រដ្ឋាភិបាល)» ដែលធ្វើឲ្យបាក់បែក [...]

លោក ហ៊ុន សែន នាយករដ្ឋមន្រ្តីកម្ពុជា បានលើកឡើងថា បើទោះជារវល់បំពេញការងារ នៅក្រៅ​ប្រទេស​ក៏​ដោយ ក៏លោកនៅតែ​ព្យាយាម​តាមដាន តាមប្រព័ន្ធអ៊ីនធើណែត (Internet) ដែរ នូវកម្មវិធី​កំសាន្ដ​សប្បាយៗ នៅតាមកញ្ចក់ទូរទស្សន៍ នៅក្នុងប្រទេសកម្ពុជាដែរ។ លោកបានថ្លែងឡើងថា ជាមួយនឹង​ការ​ទស្សនា ស្តាប់​នូវ​សំនៀង ដ៏ពិរោះៗទាំងនោះ លោកក៏ចូលរួមបោះឆ្នោតគាំទ្រដែរ មិនថានៅក្នុងប្រទេស ឬក្រៅ​​ប្រទេស​ឡើយ។

ក្នុងពិធីប្រគល់សញ្ញាបត្រ ជូននិស្សិតសាកលវិទ្យាល័យ វេស្ទើន (Western University) នាព្រឹក​ថ្ងៃ​ទី១៩ ខែ​តុលា ឆ្នាំ២០១៥ កន្លងមកនេះ នាយករដ្ឋមន្រ្តីកម្ពុជា លោក ហ៊ុន សែន បានសរសើរទៀតថា ស្ថានីយ​​ទូរទស្សន៍​ហង្សមាស ក្រៅពីកម្មវិធី «Cambodian Idol» នៅមានកម្មវិធីប្រលងចម្រៀង លំដាប់​ពិភពលោក​ផ្សេងៗ ជា​ច្រើន​ទៀត។ លោកនិយាយថា លោកចូលចិត្ត នូវការបង្ហើសំនៀងរបស់បេក្ខជន ជាមួយ​នឹង​សមត្ថភាពរាំ ប្រពៃណី​ខ្មែរ ដូចជារាំឡាំលាវ រាំវង់ រាំសារវ៉ាន់ [...]

យោងតាមការផ្សាព្វផ្សាយ របស់គេហទំព៍រក្រសួងអប់រំ យុវជន និងកីឡា នៅថ្ងៃទី១៩ ខែតុលា ឆ្នាំ២០១៥ នេះ បានបញ្ជាក់ថា ក្រសួងនឹងធ្វើយុទ្ធនាការផ្សាព្វផ្សាយ អំពីការចុះឈ្មោះចូលរៀន និងជំរុញការបន្តការសិក្សា របស់​សិស្សគ្រប់កម្រិត សម្រាប់ឆ្នាំសិក្សា ២០១៥-២០១៦។

ក្រសួងបើកយុទ្ធនាកាផ្សាយនេះ ក្នុងគោលបំណង រំលឹកដល់មាតាបិតា អាណាព្យាបាល ដែលមាន កូន​ចៅ​គ្រប់អាយុ ០៦ ឆ្នាំ ដើម្បីនាំទៅចុះឈ្មោះចូលរៀន និងជំរុញលើកទឹកចិត្ត ដល់សិស្សានុសិស្ស ឲ្យបន្ត​ការ​សិក្សា​ទៅមុខទៀត។ នេះបើតាម សេចក្ដីប្រកាសដដែលនោះ។

នៅក្នុងឆ្នាំសិក្សាថ្មីនេះ ២០១៥-២០១៦ នឹងត្រូវចាប់ផ្ដើម ពីថ្ងៃទី០១ ខែវិច្ឆិកា ឆ្នាំ២០១៥ និងបញ្ចប់ នៅថ្ងៃទី៣១ ខែសីហា ឆ្នាំ២០១៦ ដោយកំណត់យកថ្ងៃ សម្រាប់បើកបវេសនកាល នៅថ្ងៃទី ០១ ខែ វិច្ឆិកា ឆ្នាំ២០១៥ ខាង​មុខ។

ការបើកបវេសនកាល នៅក្នុងប្រទេសកម្ពុជានេះ មានលក្ខណៈយឺតជាង ការបើកបវេសនាកាល នៃប្រព័ន្ធ​សិក្សា​នៅទ្វីបអ៊ឺរ៉ុប។ [...]

តើពិធីជប់លៀង ជាវិធីសាស្ត្រដោយប្រយោលមួយ សម្រាប់ទាក់ទាញទឹកចិត្ត ឲ្យអ្នកដែលចូលរួម បោះឆ្នោត​ឲ្យ​ម្ចាស់កម្មវិធីឬ? លោកមេធាវីមួយរូប ដែលជាសមាជិកគណៈមេធាវីកម្ពុជា បានថ្លែងសំដែងការព្រួយបារម្ភថា ការ​ជប់លៀងនោះ ចង់ឬមិនចង់ វាពិតជាអាចប៉ះពាល់ ដល់«តម្លាភាព»នៃការបោះឆ្នោតជ្រើសតាំង សមាជិក​ក្រុមប្រឹក្សាគណៈមេធាវីកម្ពុជា កាលពីថ្ងៃទី១៦ ខែតុលា ឆ្នាំ២០១៥កន្លងមកនេះ។

គេមិនដឹងថា តើលោកមេធាវី ជូង ជូងី បានលើកឡើងនេះ ចង់និយាយទៅរកបេក្ខជនណាម្នាកនោះឡើយ។ តែ​នៅក្នុងកិច្ចសម្ភាស ជាមួយទស្សនាវដ្តីមនោរម្យ.អាំងហ្វូថា លោកមេធាវីបានថ្លែងថា លោកមិនចង់​ឲ្យ​មាន ឬ​ឃើញ​នូវវប្បធម៌ នៃការជួបជុំ តាមរយៈការជប់លៀង ដោយធ្វើការអូសទាញមេធាវីមួយចំនួន មកគាំទ្រ​ខ្លួន ព្រោះ​តែខ្លួនមានអំណាច ណាមួយនោះឡើយ។ លោកថាការអូសទាញរបៀបនេះ អាចធ្វើឲ្យមេធាវី ដែល​មាន​សមត្ថភាពពិតប្រាកដ គ្មានឱកាស នឹងចូលរួមប្រកួតប្រជែង ដោយយុត្តិធម៌ឡើយ។