Posts in ‘បច្ចុប្បន្នភាពក្នុងលោក’ Category

លោក ម៉ម សូណង់ដូ ប្រធានគណបក្សសំបុកឃ្មុំ សង្គមប្រជាធិបតេយ្យ ត្រូវបានលោក ហ៊ុន សែន ជ្រើសរើស យកមកថ្លែងជាសាធារណៈ ក្នុងថ្ងៃនេះ តាមរយៈឧទាហរណ៍មួយ ដែលបុរសខ្លាំងកម្ពុជា អះអាងថា អាចនឹងមានកិច្ចព្រមព្រៀងនយោបាយ ជាយថាហេតុណាមួយ នៅក្នុងពេលខាងមុខ។ ការថ្លែងរបស់នាយករដ្ឋមន្ត្រីកម្ពុជា ចង់បញ្ជាក់ថា ការចុះហត្ថលេខា​រវាងលោក សម រង្ស៊ី មេដឹកនាំប្រឆាំង និងលោក កុក ស មេដឹកនាំចលនាជនជាតិភាគតិច ម៉ុងតាញ៉ា មិនមានភាពចាំបាច់ទេ ប្រសិនជាលោក កុក ស ជាជនជាតិខ្មែរនោះ។

ថ្លែងនៅក្នុងពិធីសម្ពោធស្ពាន ឆ្លងទន្លេពីក្រុងកំពង់ចាម ទៅកាន់កោះប៉ែន នៅព្រឹកថ្ងៃពុធ ទី១៤ ខែមីនានេះ លោកនាយករដ្ឋមន្ត្រី ហ៊ុន សែន បានចោទ​ជាសំនួរ​ឡើងថា៖ «បើទោះជាអ្នកឯងជាខ្មែរ ខ្មែរនិងខ្មែរ ម៉េចបានអ្នកឯង ចាំបាច់ចុះហត្ថលេខា?»។ បន្ទាប់មក បុរសខ្លាំងកម្ពុជា [...]

«រដ្ឋមន្ត្រីយុត្តិធម៌ ត្រូវចាត់ចែងរឿងហ្នឹង ជាមួយនឹងមហាផ្ទៃ រឿងក្ដីមួយនេះ រឿងធំណាស់ ហើយនេះ អំពើក្បត់ជាតិ ចេញមកច្បាស់ក្រឡែត» នេះ ជាបញ្ជារបស់លោក ហ៊ុន សែន ទៅកាន់រដ្ឋមន្ត្រីពីររូប នៃរដ្ឋាភិបាលរបស់លោក ឲ្យបើកការស៊ើបអង្កេត ប្រឆាំងលោក សម រង្ស៊ី អតីតប្រធានគណបក្សសង្គ្រោះជាតិ និងសព្វថ្ងៃ ជាប្រធានចលនាសង្គ្រោះជាតិ ជុំវិញការថ្លែងរបស់លោក សម រង្ស៊ី នៅក្នុងពិធីចុះហត្ថលេខមួយ កាលពីអំឡុងឆ្នាំ២០១៣។

ប្រព័ន្ធផ្សព្វផ្សាយ ដែលស្និតនឹងគណបក្សប្រជាជនកម្ពុជា និងរដ្ឋាភិបាលលោក ហ៊ុន សែន បានហៅវីដេអូឃ្លីប នៃការថ្លែងរបស់លោក សម រង្ស៊ី និងឯកសារចុះហត្ថលេខានោះ ថាជាការបែកធ្លាយ។ ប៉ុន្តែនៅលើបណ្ដាញចែកផ្សាយវីដេអូ យូធូប (Youtube) គេអាចរកឃើញវីដេអូ បែបនេះជាច្រើន នៅក្នុងការបង្ហោះ ជាសាធារណៈ ដោយមិនមានការលាក់លៀម។

ខណៈការបង្ហោះ «បែកធ្លាយ» នៅពេលនេះ ត្រូវបានធ្វើឡើងជាដំបូង ដោយគណនីហ្វេសប៊ុកមួយ ឈ្មោះ «Rithy [...]

«ការគោរពសិទ្ធិមនុស្ស ដែលជាមូលដ្ឋានគ្រឹះ និងសិទ្ធិការងារ គឺជាលក្ខខណ្ឌចាំបាច់ ដើម្បីទទួលបានការអនុគ្រោះ ផ្នែកពាណិជ្ជកម្ម» នេះជាការអះអាងជាថ្មីទៀត នៅក្នុងចម្លើយជាលាយលក្ខណ៍អក្សរ របស់អ្នកស្រី ហ្វេដឺរីកា ម៉ូហ្គេរីនី (Federica Mogherini) អនុប្រធានគណៈកម្មការអ៊ឺរ៉ុប / តំណាងជាន់ខ្ពស់នៃសហភាពអ៊ឺរ៉ុប ទទួលបន្ទុកកិច្ចការបរទេស និង​នយោបាយ​សន្តិសុខ ដែលបានសរសេរ ក្នុងដើមខែមីនានេះ តបទៅនឹងសំណួរ របស់តំណាងរាស្ត្រអ៊ឺរ៉ុប ជុំវិញស្ថានភាពនយោបាយចុងក្រោយ នៅក្នុងប្រទេសកម្ពុជា។

អ្នកស្រី ហ្វេដឺរីកា ម៉ូហ្គេរីនី បានសរសេរបន្តថា គណៈកម្មការអ៊ឺរ៉ុប សហការជាមួយនឹងការិយាល័យអ៊ឺរ៉ុប ទទួលបន្ទុកសកម្មភាពខាងក្រៅ (European External Action Service) កំពុងឃ្លាំមើលស្ថានភាពវិវត្តន៍ទៅមុខ នៅក្នុងប្រទេសកម្ពុជា ដើម្បីពិនិត្យមើល ថាតើលក្ខខណ្ឌទាំងអស់ ត្រូវបានបំពេញឬទេ មុននឹងឈានទៅដាក់ទណ្ឌកម្ម ឬចាត់វិធានការ ដូចមានចែង [...]

ក្រុមការងាររបស់អង្គការសហប្រជាជាតិ ទទួលបន្ទុកសិទ្ធិមនុស្ស ប្រចាំនៅកម្ពុជា (OHCHR Cambodia) បានត្អូញត្អែរកាលពីល្ងាចម្សិលម៉ិញ ថាពួកខ្លួន មិនអាចចូលទៅកាន់តំបន់ ដែលកើតមានការបាញ់បង្ក្រាប ពីសំណាក់កងកម្លាំងអាជ្ញាធរ ទៅលើពលរដ្ឋអ្នកតវ៉ាផ្នែកដីធ្លី ក្នុងឃុំពីរធ្នូ ស្រុកស្នួល ខេត្តក្រចេះនោះបានទេ បើទោះជាក្រុមការងារ​បានព្យាយាមជជែក ជាមួយអាជ្ញាធរក្នុងតំបន់យ៉ាងណាក្ដី។

ទំព័រទ្វីសធើរ (Twitter) របស់ការិយាល័យ​ឧត្ដមស្នងការ​អង្គការសហប្រជាជាតិ ទទួលបន្ទុកសិទ្ធិមនុស្ស ប្រចាំនៅកម្ពុជា បានប្រកាសពីដំណឹងនេះ ដោយបានគូសបញ្ជាក់ថា បន្ទាប់ពីមានសេចក្ដីរាយការណ៍ ថាមានការតវ៉ា និងការបាញ់ប្រហារ នៅក្នុងតំបន់ចំការកៅស៊ូស្រុកមេមត់រួច ការិយាល័យបានបញ្ជូនក្រុមការងាររបស់ខ្លួន ទៅកាន់ស្រុកស្នួល ខេត្តក្រចេះ ដើម្បីស្វែងយល់បន្ថែមទៀត នៅទីកន្លែងកើតហេតុ។

ការធ្វើបច្ចុប្បន្នភាពដំណឹងនោះ បានបញ្ជាក់បន្តថា ក្រុមមន្ត្រី [...]

ប្រធាន​អង្គការ​សម្ព័ន្ធ​មិត្ត​ខ្មែរ-អាមេរិកាំង លោក ទូច វិបុល បានថ្លែងឲ្យដឹងថា លោកបានបញ្ជូនហេតុការណ៍ នៃទង្វើបាញ់បង្ក្រាបពលរដ្ឋ អ្នកតវ៉ាផ្នែកដីធ្លី ពីសំណាក់​ក្រុមកម្លាំងប្រដាប់អាវុធ នៅក្នុងឃុំពីរធ្នូ ស្រុកស្នួល ខេត្តក្រចេះ កាលពីថ្ងៃព្រហស្បត្តិ ទី៨ ខែមីនា ឆ្នាំ២០១៨នេះ ទៅឲ្យលោក រីឆាត រ៉ូជើរ (Richard Rogers) មេធាវីជាតិ​អង់គ្លេស ដែល​បាន​ដាក់​ពាក្យ​ប្ដឹង​រដ្ឋាភិបាល​លោក ហ៊ុន សែន ទៅ​តុលាការ​ព្រហ្មទណ្ឌ​អន្តរជាតិ តាមរយៈសំនុំរឿងនៃការរំលោភដីធ្លី ដ៏វែងអន្លាយនោះហើយ។

លោក ទូច វិបុល បានប្រកាសពីដំណឹងនេះ នៅលើបណ្ដាញសង្គម ដើម្បីតបទៅនឹងវីដេអូបង្ហោះផ្ទាល់មួយ របស់ព្រះតេជគុណ ប៊ុត ប៊ុនតិញ ដែលមានសង្ឃដីកាទាក់ទង នឹងហេតុការណ៍បាញ់ប្រហារខាងលើ។ លោក វិបុល បានសរសេរថា៖ «[ខ្ញុំ]ករុណាបានបញ្ជូនឧប្បត្តិហេតុនេះ ទៅឲ្យមេធាវីការពារសិទ្ធិមនុស្ស លោក "Richard Rogers" ដើម្បីបញ្ជូន[ឡើង]ទៅ [...]