Posts in ‘បច្ចុប្បន្នភាពក្នុងលោក’ Category

ការឡើងបង្ហាញ និងអះអាងរបស់លោក វ៉ា គឹមហុង នេះ បានធ្វើឡើងនៅទីស្តីការគណរដ្ឋមន្រ្តី ចំពោះមុខអ្នក​សារព័ត៌មានជាតិ និងអន្តរជាតិ ដោយមានការចូលរួម ពីស្ថាប័នជាតិ និងគណបក្សនយោបាយទាំងអស់ ចំនួន​៨​ដោយឡែកៗពីគ្នា។

តាមអ្នកឆ្លើយឆ្លងព័ត៌មាន របស់ទស្សនាវដ្តីមនោរម្យ.អាំងហ្វូ ពីទីស្តីការគណៈរដ្ឋមន្រ្តីបានឲ្យដឹងថា  ក្រោយ​ពី​បានទទួលផែនទី (ប្រភេទចម្លង) ពីមន្ដ្រីអង្គការសហប្រជាជាតិភ្លាម ក្រុមការងារជំនាញព្រំដែន​របស់​កម្ពុជា ក៏​ចាប់ផ្តើមធ្វើការបង្ហាញភ្លាមៗដែរ ដោយមិនបង្អង់យូរ។

តាមការបង្ហាញរបស់មន្រ្តីជំនាញទាំងនោះបញ្ជាក់ថា ផែនទីដែលបានចម្លង មកពីអង្គការសហប្រជាជាតិនេះ ដូចគ្នា ទៅ​នឹងផែនទីរបស់រាជរដ្ឋាភិបាល ដែលបាននឹងកំពុងប្រើប្រាស់ សម្រាប់ការបោះបង្គោលព្រំដែន ជា​មួយ​ប្រទេសវៀតណាម។

ព័ត៌មានលំអិតនៃការផ្ទៀងផ្ទាត់នេះ ទស្សនាវដ្តីមនោរម្យ.អាំងហ្វូ និងបញ្ជាក់បន្ថែមក្នុងអត្ថបទលើកក្រោយ។

តាមការគ្រោងទុក ផែនទីទាំង១៨ ផ្ទាំង មកពីអង្គការសហប្រជាជាតិ នឹងប្រគល់ដល់ភាកីកម្ពុជា នាព្រឹកថ្ងៃ​ទី២០ ខែសីហានេះ វេលាម៉ោង៩ និង៣០នាទី។ ការចូលរួមទទួល និងពិនិត្យលើផែនទី ដែលបានមកពី​អង្គការ​សហ​ប្រជាជាតិនេះ រួមមាន៨ភាគីដែលនឹងត្រូវមានវត្តមាន។

សមាសភាពទាំងនោះ រួមមានគណៈកម្មការចំពោះកិច្ច សម្រាប់សម្របសម្រួលការងារទទួល ប្រគល់ និង​ផ្ទៀងផ្ទាត់ផែនទីចំនួន៧រូប តំណាងគណបក្សប្រជាជនកម្ពុជា ចំនួនមាន៥រូប តំណាងគណបក្សសង្គ្រោះ​ជាតិ ចំនួន៥រូប តំណាងគណបក្សហ្វ៊ុនស៊ិនប៉ិច៥រូប តំណាងសមាជិកព្រឹទ្ធសភា គណបក្សប្រជាជនចំនួន៣រូប តំណាងសមាជិកព្រឹទ្ធសភាគណបក្ស សម រង្ស៊ី ចំនួន៣រូប តំណាងសមាជិករដ្ឋសភា គណបក្ស​ប្រជាជន​កម្ពុជា​ចំនួន៣រូប និងតំណាងសមាជិករដ្ឋសភាគណបក្សសង្រ្គោះជាតិ ចំនួន៣រូប។

សូមរំលឹកថា កាលពីថ្ងៃទី១៨ ខែសីហា វេលាម៉ោង១០ យប់ ផែនទីទាំង១៨ ផ្ទាំង ដែលរដ្ឋាភិបាលកម្ពុជា ស្នើ​សុំ​ខ្ចីពីអង្គការសហប្រជាជាតិនោះ [...]

ថ្លែងក្នុងសន្និសីទសារព័ត៌មាន នាទីស្តីការគណរដ្ឋមន្រ្តី នាព្រឹកថ្ងៃទី១៩ ខេសីហា ឆ្នាំ២០១៥នេះ អ្នកនាំ​ពាក្យ​ក្រសួងយុត្តិធម៌ ទំនងជាចង់ធ្វើការ«ព្រមាន»ជាទូទៅ ដល់បណ្តាអ្នកលេងហ្វេសប៊ូកទាំងអស់ អាចនឹងត្រូវ​ចោទ​ប្រកាន់ ពី«បទល្មើសជាក់ស្តែង» ក្នុងករណីនៃការផុសណាមួយ ក្នុងន័យចោទប្រកាន់ ឬនិយាយខុស ពី​ការ​ពិត​នោះ។

លោកបានយកករណីលោក ហុង សុខហួរ សមាជិកព្រឹទ្ធសភា មកពីគណបក្សសម រង្ស៊ី ដែលត្រូវបានចាប់ខ្លួន កាលពីពេលថ្មីៗថា ជាការផុសវីដេអូ ដែលនិយាយខុសការពិត ហើយនើ ជាបទល្មើសជាក់ស្តែងមួយ ដែល​មាន​ចែងក្នុងច្បាប់ព្រហ្មទណ្ឌកម្ពុជា។ លោកបានបន្តថា តាមក្របខណ្ឌនៃអង្គហេតុ តាមរយៈការផុសក្នុង​បណ្តាញ​សង្គមរបស់ លោក ហុង សុខហួរ នេះ អាចធ្វើឲ្យសមត្ថកិច្ចធ្វើការស្រាវជ្រាវ និងបន្តចាប់ខ្លួនតាម​នីតិវិធី ដោយមិនចាំបាច់ ត្រូវការដកអភ័យឯកសិទ្ធិ ជាមុនឡើយ។

អ្នកនាំពាក្យក្រសួងយុត្តិធម៌ បានថ្លែងទៀតថា៖ «នៅថ្ងៃទី១៥ ព្រឹក [...]