Posts in ‘បច្ចុប្បន្នភាពក្នុងលោក’ Category

នៅទីបំផុត សត្រូវដ៏ធំជាងគេ​របស់អ៊ឺរ៉ុប និងជាជនសង្ស័យចុងក្រោយ នៅក្នុងព្រឹត្តិការណ៍ភេរវកម្ម ថ្ងៃទី១៣ ខែវិច្ឆិកា ឆ្នាំ២០១៥ កណ្ដាលរដ្ឋធានីប៉ារីស ប្រទេសបារាំង ត្រូវបានចាប់ខ្លួន«ទាំងរស់»ហើយ បន្ទាប់ពីរង​ការ​តាម​ប្រម៉ាញ់ អស់រយៈពេល ១២៥ថ្ងៃ។ នៅពេលចាប់ខ្លួន ក្នុងសង្កាត់ ម៉ូឡង់ប៊ិច (Molenbeek - ស្ថិតនៅ​ជុំវិញ​រាជធានី ប្រ៊ុយសែល ប្រទេសប៊ែលហ្សិក) កាលពីល្ងាចថ្ងៃសុក្រទី១៨ ខែមីនា ឆ្នាំ២០១៦ វេលាម៉ោង ១៦និង​៤០នាទី ជននេះបានរងរបួសត្រង់ជើង ដែលបណ្ដាលមកពីការបាញ់តបតរគ្នា ជាមួយនឹងកងកម្លាំង​អាជ្ញាធរ។ ជននេះ មានឈ្មោះ សាឡាហ៍ អាបដេស្លាម (Salah Abdeslam) មានសញ្ជាតិបារាំង តែកើតនៅ​ក្នុង​ប្រទេស​ប៊ែលហ្សិក ពីត្រកូលដែលមានដើមកំណើត ជាជនជាតិម៉ារុក មកពីប្រទេសអាល់ហ្សេរី។

បើតាមអ្នកនាំពាក្យ នៃស្ថាប័នព្រះរាជអាជ្ញាសហព័ន្ធ របស់ប្រទេសប៊ែលហ្សិក បានថ្លែងឲ្យដឹង​នៅ​វេលា​យប់​ឡើងថា អាជ្ញាធរបានធ្វើការចាប់ខ្លួន ជន៤នាក់ទៀត [...]

កាលពីថ្ងៃពុធនេះ ប្រទេសកូរ៉េខាងជើង បានស្នើសុំឲ្យក្រុមប្រឹក្សាសន្តិសុខ របស់អង្គការសហប្រជាជាតិ (អ.ស.ប) ឲ្យធ្វើការកោះប្រជុំ ដើម្បីបរិហារពីសកម្មភាព ធ្វើសមយុទ្ធកងទ័ពរួមគ្នា រវាងប្រទេសកូរ៉េខាងត្បូង និង​សហរដ្ឋ​អាមេរិក។

នៅក្នុងលិខិតមួយ ដែលផ្ញើរទៅកាន់ក្រុមប្រឹក្សាសន្តិសុខ ដែលចុះហត្ថលេខាដោយ លោក ជា សុងណាម (Ja Song Nam) តំណាងអចិន្ត្រៃយ៍របស់ខ្លួន ប្រចាំនៅអង្គការសហប្រជាជាតិ បានអះអាងថា សកម្មភាពសមយុទ្ធ​យោធា ប្រចាំឆ្នាំរវាងប្រទេសទាំងពីរ «បានបង្កឲ្យមានការគម្រាមដ៏ធ្ងន់ធ្ងរ ប្រឆាំងនឹងប្រទេសកូរ៉េខាងជើង ក៏​ដូចជា​សន្តិភាព និងសន្តិសុខអន្តរជាតិ​ ហើយតម្រូវឲ្យមានការសិក្សាមួយ ជាបន្ទាន់ ពី​សំណាក់​ក្រុមប្រឹក្សា​សន្តិសុខ»។

លោកអគ្គរដ្ឋទូតបានសរសេរបន្តថា៖ «នៅពេលជាមួយគ្នានេះ ខ្ញុំសុំឲ្យលើកយកបញ្ហា នៃសកម្មភាពយោធា​រួមគ្នា មកធ្វើជារបៀបវារៈ របស់ក្រុមប្រឹក្សា ហើយការជួបប្រជុំ របស់ក្រុមប្រឹក្សា [...]