Posts in ‘គ្រប់អត្ថបទជាខេមរភាសា’ Category

ស្ដេចបានបញ្ជារឲ្យយគេ ប៉ាវគងរកជាងកាត់សក់ មកកាត់ព្រះកេសារបស់ព្រះអង្គ ដើម្បីឲ្យសមតាមរាជបំណង។ ជាងកាត់សក់ជាច្រើន បានចូលខ្លួនមកកាត់ព្រះកេសា តែត្រូវស្ដេចយកទៅប្រហាជីវិតទាំងអស់ ដោយទ្រង់ឈ្វេងកាត់​សេចក្ដីថា ជាងកាត់សក់ទាំងនោះ កាត់ព្រះកេសាទ្រង់ មិនសក្ដិសមទាល់តែសោះ។

ថ្ងៃនេះត្រូវវេនជាងកាត់សក់ម្នាក់ ដែលមានវ័យក្មេង ចូលមកកាត់។ ក្នុងពេលកាត់នោះ ស្ដេចចេះតែងាកទៅឆ្វេងទៅស្ដាំ​ ដើម្បីនិយាយជាមួយពួកមេនំមេនាង ស្រីស្នំក្រមការទាំងឡាយ ដែលនៅបំរើក្បែរនោះ ធ្វើអោយជាងកាត់សក់ ពិបាកនឹងធ្វើការរបស់ខ្លួនមែនទែន។ ទ្រាំមិនបាន ជាងកាត់សក់វ័យក្មេង ក៏យកកន្ត្រៃគោះព្រះកេសមួយ ឃឹះ ! ស្ដេចទ្រង់ក្រេវក្រោធឡើង ហើយសួរទៅជាងកាត់សក់៖

- ម៉េចក៏អាឯង មកវ៉ៃក្បាលអញ យ៉ាងដូច្នេះ ?

ជាងកាត់សក់ឱនលំទោន ហើយឆ្លើយ៖

- ក្រាបថ្វាយបង្គុំព្រះអង្គ ទូលបង្គុំមានតែវិធីនេះទេ ទើបកាត់ព្រះកេសារបស់ព្រះអង្គ បានល្អ !

មេរោគ កំព្យូទ័រមួយឈ្មោះ ឈើវាល ដឺ ទ្រ័រ បានចូលទៅទន្ទ្រានម៉ាស៊ីន របស់ក្រុមហ៊ុនអៀបផល ប្រមាណជាង ៦០០០០០ គ្រឿង។ មេរោគនេះធ្លាប់បានធ្វើអោយរំជួយរួចហើយ នៅក្នុងប្រព័ន្ធផ្សព្វផ្សាយ កាលពីឆ្នាំទៅម៉ិញ តែចំនួនកំព្យូទ័រដែល បានរងគ្រោះលើកនេះ មានចំនួនច្រើនលើសពីការស្មាន។

គេបានទំលាក់កំហុសទៅក្រុមហ៊ុនអៀបផល Apple ពីបញ្ហានេះ ដោយអៀបផលប្រើពេលរហូតដល់ទៅ ៦អាទិត្យដើម្បី ដោះស្រាយបាន។ ម៉ាស៊ីនកំព្យូទ័រម៉ាកទាំងអស់ ត្រូវគេអញ្ជើញអោយដាក់អោយត្រូវកំរិត update ដើម្បីបញ្ជៀស ពីមេរោគនេះ។ ប៉ុន្ដែចំពោះម៉ាស៊ីនដែលរងគ្រោះរូចហើយ ការដាក់អោយត្រូវកំរិត update គ្រាន់តែការពារមិនអោយ រងគ្រោះជាថ្មីទៀតជាមួយនឹងមេរោគនេះតែប៉ុណ្ណោះ [...]

ព្រះពុទ្ធសាសនា ត្រូវបានរដ្ឋធម្មនុញ្ញនៃប្រទេសកម្ពុជា ចាត់ទុកថា ជាសាសនារបស់រដ្ឋ ។ តើបុណ្យពិសាខបូជា មានអត្ថន័យ យ៉ាងណាខ្លះសម្រាប់ពុទ្ធសាសនិកខ្មែរ? សូមអញ្ជើញលោកអ្នក មេត្តាតាមដាននូវទស្សនៈយល់ ឃើញរបស់ អ្នកប្រាជ្ញបណ្ឌិតមួយចំនួនដូចខាងក្រោម៖

ក. និយមន័យ ពិសាខបូជា ៖

ពិសាខបូជា ជាឈ្មោះពិធីបុណ្យ ឬការធ្វើសក្ការបូជាក្នុងថ្ងៃពេញបូរមី ខែពិសាខ ជាថ្ងៃដែលព្រះសក្យមុនីសម្មាសម្ពុទ្ធ ទ្រង់ប្រសូត្រ ទ្រង់បានបរាភិសម្ពោធិ ទ្រង់រលត់ខន្ធចូលបរិនិព្វាន ធ្វើរំឭកដល់ព្រះរបស់ព្រះអង្គ ជាការបូជាពិសេសមួយយ៉ាង សម្រាប់ពុទ្ធសានិកជន ទាំងបុព្វជិត ទាំងគ្រហស្ថនាំគ្នាធ្វើរាល់ឆ្នាំ  រាប់ថាជាបុណ្យសម្រាប់ពុទ្ធសាសនា។

ខ. បុព្វហេតុនៃការប្រារព្ធបុណ្យពិសាខបូជា៖

ពិសាខបូជា ជាពិធីបុណ្យយ៉ាងធំក្នុងព្រះពុទ្ធសាសនា [...]

អ្នកនាំពាក្យប្រធានាធិបតី​ របស់ប្រទេសអាហ្វ្រិចខាងត្បូង បានប្រកាសថា ប្រធានាធិបតីប្រទេសនេះ លោក ហ្សាកូប ហ្សីម៉ា Jacob Zuma នឹងរៀបការប្រពន្ធទីបួនរបស់គាត់ នៅចុងសប្ដាហ៍ក្រោយនេះ នៅក្នុងគេហដ្ឋានរបស់គាត់ ក្នុងខេត្រ ក្វាហ្សូលូ ណាតាល់ KwaZulu-Natal (est)។

ទស្សនាវដ្ដីអង់គ្លេស Sunday Time បានដកស្រង់ សេចក្ដីប្រកាសរបស់អ្នកនាំពាក្យនោះថា៖ «លោកប្រធានាធិបតី នឹងភ្ជាប់ ទំនាក់ទំនងជាផ្លូវការ ជាមួយគួដណ្ដឹងរបស់គាត់ គឺនាងកញ្ញា ប៊ុងជី ងឹម៉ា Bongi Ngema នៅក្នុងពីធីអាពាហ៍ពិពាហ៍តាម ទំនៀមទំលាប់មួយ នៅចុងសប្ដាហ៍ក្រោយ»។ តាមពិតទៅនេះជាអាពាហ៍ពិពាហ៍ទី៦ហើយ របស់លោកប្រធានាធិបតី អាយុ ៧០ឆ្នាំរូបនេះ។

ប៉័រម៉ារីយ៉ូ ម៉ូរ៉ូស៊ីណូ Permario Morosino កីឡាករបាល់ទាត់ម្នាក់ របស់ក្រុម លីវួន របស់ប្រទេសអ៊ីតាលី បានដួលស្រ៊ប់ចុះ នៅលើវាលស្មៅ ខណៈពេលកំពុងប្រកួតបានប្រមាណជា ៣១នាទី នៅក្នុងពូល B។ ព្រឹត្តិការណ៍បានកើតឡើងគួអោយរន្ធត់ ដែលធ្វើអោយរាល់ការប្រកួតបាល់ទាត់ បន្ទាប់ពីនោះនៅក្នុងប្រទេស ត្រូវបានលប់ចោល ដោយលើកទៅប្រកួកនៅពេល ក្រោយវិញ។

កីឡាករបាល់ទាត់ ប៉័រម៉ារីយ៉ូ ម៉ូរ៉ូស៊ីណូ បានស្លាប់ភ្លាមមួយរំពេច បណ្ដាលមកពីជំងឺគាំងបេះដូង​​ បន្ទាប់ពីការខិតខំជួយ សង្រ្គោះរបស់វេជ្ជបណ្ឌិតជំនាញ ឡេអូណាដួ ប៉ាឡូស្គីយ៉ា។ ពួកក្រុមគ្រូពេទ្យបានបញ្ជាក់ក្នុងសេចក្ដីប្រកាសមួយថា កីឡាករ ប៉័រម៉ារីយ៉ូ ម៉ូរ៉ូស៊ីណូ បានស្លាប់រួចទៅហើយ [...]