Posts in ‘អត្ថបទមានវីដេអូ’ Category

នៅខណៈពេលកំពុងថត ផ្តិតយកទិដ្ឋភាព នៃការឃោសនាបោះឆ្នោត ក្រុមប្រឹក្សាឃុំសង្កាត់ របស់គណបក្សសង្គ្រោះជាតិ ក្នុងក្រុងសំរោង ខេត្តឧត្ដរមានជ័យ ក្នុងព្រឹកថ្ងៃទី ២៦ ខែឧសភានេះ យ៉ាងហោច​ព្រះសង្ឃ៤អង្គ ត្រូវបានអាជ្ញាធរក្រុងសំរោង ចាប់ដកហូតយកទូរស័ព្ទ និងឃាត់ព្រះកាយ អស់រយៈពេលជាច្រើនម៉ោង មុននឹងដោះលែងមកវិញ នៅវេលាម៉ោង១៣រសៀល ថ្ងៃដដែល។

ព្រះសង្ឃ​សកម្ម​ការពារសិទ្ធិមនុស្ស ព្រះតេជគុណ លួន សុវ៉ាត បានឲ្យដឹងថា ហេតុការណ៍ឃាត់ព្រះកាយនោះ បានកើតឡើង នៅវេលាម៉ោងប្រមាណជា ១០ព្រឹក ក្រោមបញ្ជារផ្ទាល់ ពីលោក ហង្ស បូរ ស្នងការរងខេត្ត និងពីលោក ស ថាវី អភិបាលខេត្ត ដែលកំពុងមានវត្តមាននៅទីនោះ។ ព្រះសង្ឃទាំងបួនអង្គនោះ រួមមានពីរអង្គ ជាព្រះសង្ឃសកម្មការពារសិទ្ធិមនុស្ស ព្រះនាម ព្រីម ហួន និង លួន [...]

រូបភាពនៅក្នុងវីដេអូ អាចបង្កការប៉ះពាល់ ទៅដល់អារម្មណ៍អ្នកទស្សនា។ ហេតុការណ៍ នៃអំពើហិង្សា បានកើតឡើង កាលពីថ្ងៃអង្គារទី ១៦ ខែឧសភានេះ រវាងក្រុមបាតុករ ដែលមានដើមកំណើត គួដ និងកងរក្សាសន្តិសុខ របស់ប្រធានាធិបតី តួកគី នៅខាងមុខលំនៅដ្ឋាន របស់ឯកអគ្គរដ្ឋទូត តួកគី ប្រចាំនៅរដ្ឋធានី វ៉ាស៊ីនតោន សហរដ្ឋអាមេរិក។

លោក «Recep Tayyip Erdogan» និងលោក ដូណាល់ ត្រាំ (Donald Trump) បានជួបគ្នាជាលើកដំបូង បន្ទាប់ពីលោក ត្រាំ បានចូលកាន់តំណែង ជាប្រធានាធិបតីអាមេរិក។ ជំនួបនេះ មានបំណងដើម្បីកាត់បន្ថយភាពតានតឹង ដែលបានកើតឡើង តាំងពីច្រើនថ្ងៃមកហើយ ជុំវិញការបំពាក់អាវុធ ពីសំណាក់ក្រុង វ៉ាស៊ីនតោន ទៅឲ្យក្រុមយុទ្ធជនជាតិ គួដ ដែលកំពុងវាយប្រយុទ្ធ ប្រឆាំងនឹងក្រុមរដ្ឋអ៊ីស្លាម (ពាក្យ​អារ៉ាប់​ហៅ Daech ពាក្យ​កាត់​​បារាំង​​ហៅ EI ​​​អង់គ្លេស​​​ហៅ ISIS) ក្នុងប្រទេសស៊ីរី។

ជាលទ្ធផល បាតុករ៩នាក់ ត្រូវបានដឹកបញ្ជូន ទៅកាន់មន្ទីរពេទ្យ [...]

នៅចំពោះ​ច្បាប់​«លិត​ព្រះបាទា»​របស់ថៃ បណ្ដាញ​សង្គម​ធំជាងគេ​នៅលើពិភពលោក ដែលមានការិយាល័យ​សាខា​របស់ខ្លួន នៅក្នុងប្រទេស​នេះ បាន​សម្រេច​ដកចេញ​កាល​ពី​ម្សិលម៉ិញ នូវទំព័រហ្វេសប៊ុក​ច្រើន​ជាង​២០០ បន្ទាប់ពីអាជ្ញាធរថៃ បាន​រកឃើញ​ថា ទំព័រទាំងនោះ បានបង្ហោះនូវវីដេអូ ឬរូបថត ដែលធ្វើឲ្យខូចដល់ព្រះកិត្តិនាម របស់រាជវង្សថៃ។

លោក «Takorn Tantasith» អគ្គលេខាធិការ​ ទទួលបន្ទុកផ្នែកការផ្សព្វផ្សាយ និងទូរគមនាគមន៍ របស់ប្រទេសថៃ បានថ្លែងទៅកាន់ក្រុមអ្នកយកព័ត៌មានថា៖ «ក្រុមហ៊ុនហ្វេសប៊ុក បានរួមសហការ ជាមួយប្រទេសថៃ» ក្នុងកិច្ចប្រតិបត្តិការនេះ។

ការបិតទំព័រហ្វេសប៊ុក ទាំងជាង២០០ទំព័រ នៅមិនទាន់គ្រប់គ្រាន់ទេ ព្រោះអាជ្ញាធរថៃ កំពុងរងចាំការដកចេញ នូវទំព័រហ្វេសប៊ុកចំនួន ជាង១០០ទំព័រទៀត ពីបណ្ដាញសង្គម ដែលធ្វើឲ្យចំនួនសរុប នៃទំព័រហ្វេសប៊ុក ដែលត្រូវបានដកចេញ មានចំនួនដល់ទៅជាង ៤០០ (ឬចូលដល់៥០០) ទំព័រ។ លោក «Takorn [...]

បន្ទាប់ពី​ចាកចេញពីតំណែង ជាប្រធានគណបក្សសង្គ្រោះជាតិ តើលោក សម រង្ស៊ី បានធ្លាក់ខ្លួន មកលក់ទឹកកកឈូសឬ? ធ្លាក់ខ្លួនឬយ៉ាងណានោះ លោក សម រង្ស៊ី បានធ្វើកាយវិការ«ជានិមិត្តរូប»នេះ កាលពីថ្ងៃអាទិត្យម្សិលម៉ិញ នៅក្នុងពិធីបុណ្យជួបជុំមួយ ក្នុងបរិវេណវត្តវ៉ាំងសែន (ភាគអាគ្នេយ៍ជាប់រដ្ឋធានីប៉ារីស) រៀបចំឡើងដោយសមាគមសាមគ្គីកូនខ្មែរ នៅប្រទេសបារាំង។

ភ្ជាប់ជាមួយនឹងវីដេអូមួយ ដែលលោកបានបង្ហោះ នៅលើទំព័រហ្វេសប៊ុករបស់លោក អតីតប្រធានគណបក្សប្រឆាំង បានសរសេរថា៖ «រូបភាពបុណ្យសាមគ្គី ថ្ងៃអាទិត្យនេះ នៅទីក្រុងប៉ារីស ដើម្បីរៃអង្គាសថវិកា ជួយយុវជនសង្គ្រោះជាតិ ដែលឈរឈ្មោះ ក្នុងការបោះឆ្នោតឃុំ-សង្កាត់ ថ្ងៃ ០៤ មិថុនា ២០១៧។»។

មិនត្រឹមតែរវៃ ម៉ាស៊ីនឈូកទឹកកក ដើម្បីបានទឹកកកឈូស [...]

អង្គការសហ​ប្រជាជាតិ និងអាជ្ញាធរ របស់ប្រទេសអាហ្វ្រិកកណ្ដាល ត្រូវប្រើប្រាស់នូវ​មធ្យោបាយ​ណា​ក៏ដោយ​ ដើម្បី​នាំ​ខ្លួន​ឧក្រិដ្ឋជន យក​មក​កាត់​ទោស។ នេះ ជាការលើកឡើង របស់អគ្គលេខាធិការ​រង អង្គការ​សហ​ប្រជា​ជាតិ លោក ហ្សង់ព្យែ ឡាក្រ័រ (Jean Pierre Lacroix) នៅចំពោះ​សព​ទាហាន​មួក​ខៀវ​ពលី ទាំង​ប្រាំ​រូប ​(កម្ពុជា​៤រូប និង​ម៉ារ៉ុក១រូប) ក្នុងពិធី​គោរព​វិញ្ញាណក្ខ័ន្ធ ឧទ្ទិស​ដល់​ពួកគេ កាលពី​រសៀល​ម្សិលម៉ិញ នៅ​​ក្នុង​​ទីស្នាក់ការ​​កណ្ដាល នៃ​កង​កម្លាំង​បំពេញ​បេសកកម្ម​ពហុជំនាញ របស់​អង្គការ​សហប្រជាជាតិ ដើម្បី​ស្ថិរភាព នៅ​ប្រទេស​អាហ្វ្រិក​កណ្ដាល ហៅ​កាត់​ថា «Minusca»។ ពិធីនេះ ក៏មាន​ការចូលរួម​ផងដែរ ពីសំណាក់​សមាជិក​រដ្ឋាភិបាល នៃ​ប្រទេស​អាហ្វ្រិក​កណ្ដាល មន្ត្រី​ការទូត​បរទេស និង​មន្ត្រី​ទទួល​ខុស​ត្រូវ ក្នុង«Minusca» ជាច្រើននាក់។

លោក ឡាក្រ័រ បានមកដល់​ប្រទេស​អាហ្វ្រិកកណ្ដាល សម្រាប់រយៈពេលទស្សនកិច្ច ២៤ម៉ោង [...]