Posts in ‘អត្ថបទមានវីដេអូ’ Category

នរណាក៏ដឹងដែរ ពីនយោបាយប្រកបដោយមហិច្ឆតា របស់ប្រធានាធិបតីអាមេរិក លោក ដូណាល់ ត្រាំ (Donald Trump) តាំងពីពេលលោកឃោសនា រកសម្លេងឆ្នោតដំបូង។ នោះ គឺលោកចង់សង់ជញ្ជាំង ដ៏សម្បើមមួយ មិនដែលធ្លាប់មាន ដើម្បីខណ្ឌចែកសហរដ្ឋអាមេរិក និងប្រទេសម៉ិចស៊ិក។

នយោបាយនេះ ទំនងជាត្រូវបានកីឡាករប្រដាល់ ជាតិអាមេរិក លោក «Rod Salka» ពេញចិត្តជាខ្លាំង ដោយបានឡើងប្រកួត ទល់នឹងកីឡាករជាតិម៉ិចស៊ិក លោក «Francisco Vargas» ដោយលោក «Rod Salka» បានស្លៀកខោឡើងវ៉ៃ មានរូបជញ្ជាំង និងសរសេរអក្សរថា «America 1st» ដែលជាពាក្យស្លោកដ៏ល្បី របស់លោក ដូណាល់ ត្រាំ។

តែខុសពីការគ្រោងទុក! កីឡាករជាតិអាមេរិក ត្រូវបានកីឡាកជាតិម៉ិចស៊ិក វាយឲ្យសន្លប់ (ឲ្យដួលងើបលែងរួច) នៅត្រឹមតែទឹកទី៦ប៉ុណ្ណោះ។ ការបរាជ័យនេះ បានបង្កឲ្យមានការចំអក នៅពាសពេញបណ្ដាញសង្គម។ ខាងក្រោមនេះ ជារូបភាពចំអកមួយចំនួន ដែលមានលក្ខណៈពិសេសជាងគេ៖ 

ប្រកួត​​យកឈ្នះក្រុម ម៉ូណាកូ (Monaco) ដែលជាជើងឯកបារាំង ឆ្នាំមុន ដើម្បីក្លាយខ្លួន ជាជើង​ឯកឆ្នាំនេះ ឲ្យបានឆាប់បំផុត។ តែនេះ ក្រុម ប៉ារីសសាំង​ហ្សែរម៉ាំង (Paris Saint-Germain) មិនមែនត្រឹមតែយកឈ្នះធម្មតាទេ តែបានបំបាក់ដោយពិន្ទុ ៧-១ លើក្រុម ម៉ូណាកូ ដែលមាន​ចំណាត់លេខពីរ បន្ទាប់ពីខ្លួន។

ហើយ​ជ័យជំនះខាងលើ គេមិនទាន់រាប់ផងទេ ថាក្រុមប៉ារីស ដែលជាក្រុមអ្នកមានថ្មី មិនមានកំពូលកីឡាករ ណីម៉ា (Neymar) និងកីឡាករ អ៊ឹមបាពេ (Kylian Mbappé) ចូលលេង​ជាមួយនោះ។ ប៉ុន្តែវាជាជ័យជំនះ ដែលបង្ហាញពីភាពរលូន នៃចង្វាក់ទាត់បាល់ រវាងពីកីឡាករមួយ ទៅកីឡាករមួយទៀត របស់ក្រុមប៉ារីសទាំងមូល និងគួបផ្សំ ពីថ្វីជើង របស់កីឡាករទាំងនោះផង។

នៅក្នុងពាក់កណ្ដាលម៉ោងដំបូង ក្រុមប៉ារីសរកបានគ្រាប់បាល់ រហូតដល់ទៅ ៤គ្រាប់ (៤-០) ដោយប្រើរយៈពេល មិនដល់៣០នាទីផង។ សំណាងល្អ ដែលក្រុម ម៉ូណាកូ បានសង្គ្រោះមុខមាត់របស់ខ្លួន នៅចុងពាក់កណ្ដាលដំបូង [...]

ទីភ្នាក់ងារព័ត៌មាន «Deniz Haber» ដែលមានជំនាញ ខាងកិច្ចការនាវាចរណ៍ បានរាយការណ៍ថា នាវាឈ្មោះ «Vitaspirit» ដែលមានប្រវែងបណ្ដោយ ដល់ទៅ២២៥ម៉ែត្រ បានប្រែក្លាយជាយាន ដែលគ្រប់គ្រងលែងបាន ព្រោះមូលហេតុបច្ចេកទេស មុននឹងទៅបុកច្រាំង និងអាគារលំនៅដ្ឋានមួយចំនួន ដែលស្ថិតនៅជាប់ច្រកសមុទ្រ «Bosphore» ដែលភ្ជាប់សមុទ្រខ្មៅ មកសមុទ្រមេឌីទែរ៉ាណេ។

ហេតុការណ៍បានកើតឡើង នៅពេលនាវាខាងលើ បានឆ្លងកាត់ និងជ្រមុជខ្លួន នៅខាងក្រោម ស្ពាន «Fatih Sultan Mehmet» ដែលជាស្ពានភ្ជាប់ទ្វីបពីរ គឺទ្វីបអ៊ឺរ៉ុប និងអាស៊ី។

អាគារបុរាណមួយ ដែលត្រូវបានលាបពណ៌ក្រហម ត្រូវបាននាវាបុក បង្កការខូចខាតអស់មួយភាគ។ លំនៅដ្ឋាន និងអាគារនៅទីនោះ ជាសំណង់បុរាណ ដែលអាគារខ្លះ ត្រូវបានសាងសង់ឡើង តាំងពីសម័យចក្រភព អូតូមង់ ក្នុងសតវត្សន៍ទី១៩។ អាគារភាគច្រើន គ្មានមនុស្សរស់នៅទេ តែគេទុកសម្រាប់ជួល ដើម្បីរៀបចំជាកម្មវិធីពិសេសៗ ដូចយ៉ាងអាពាហ៍ពិពាហ៍ [...]

លោក «Cade Brenchley» ភ្នាក់ងារនគរបាល នៃរដ្ឋយូតា (Utah) បានរងគ្រោះបាក់ឆ្អឹងជំនី និងស្មារ តែមិនបានប៉ះពាល់ដល់ជីវិតទេ បន្ទាប់ពីលោកត្រូវបានរថយន្ដតូចមួយ ដែលរអិលខ្លួន ទប់ហ្វ្រាំងមិនជាប់ បុកពេញមួយទំហឹង បណ្ដាលឲ្យរូបលោកខ្ទាត ទៅម្ខាងដូចសម្លីប៉ើង។ ហេតុការណ៍បានកើតឡើង នៅខណៈពេលភ្នាក់ងារនគរបាលរងគ្រោះ កំពុងបំពេញភារកិច្ចរបស់ខ្លួន នៅលើដងផ្លូវល្បឿនលឿនមួយខ្សែ ស្ថិតនៅក្បែរជ្រលងភ្នំ «Sardine Canyon» កាលពីចុងខែមីនាកន្លងទៅ។

នៅក្នុងអំឡុងពេលនោះ សហរដ្ឋអាមេរិកមួយភាគធំ បានរងការធ្លាក់ព្រិល យ៉ាងក្រាស់ក្រែល ហើយរដ្ឋយូតា ក៏មិនមានវាសនា ខុសគេប៉ុន្មានដែរ។

ក្នុងវីដេអូ ដែលថតជាប់ ដោយកាមេរ៉ាបំពាក់ ជាប់នឹងរថយន្ដនគរបាល និងដែលត្រូវបានបង្ហោះ ដោយនគរបាលតំបន់ នៅច្រើនថ្ងៃក្រោយមក គេបានឃើញលោក «Cade Brenchley» បានចេញពីរថយន្ដនគរបាល ដើម្បីដើរទៅមើលរថយន្ដមួយ ដែលកំពុងចតនៅលើផ្នែកខាងស្ដាំ នៃដងថ្នល់។ រំពេចនោះ [...]

សហរដ្ឋអាមេរិក ចក្រភពអង់គ្លេស និងសាធារណរដ្ឋបារាំង បានដឹកនាំការវាយប្រហារ ដ៏ខ្លាំងក្លាមួយ ចាប់ថ្ងៃសុក្រម្សិលម៉ិញមក ប្រឆាំងនឹងប្រទេសស៊ីរី ក្រោមរបបដឹកនាំ របស់លោក បាឆារ អាល់អាសាធ (Bachar el-Assad)។ ប្រធានាធិបតីអាមេរិក លោក ដូណាល់ ត្រាំ (Donald Trump) បានចោទប្រធានាធិបតីស៊ីរី ថាបានធ្វើការវាយប្រហារ ដោយអាវុធគីមី ដ៏សាហាវព្រៃផ្សៃ ទៅលើបណ្ដាជនស៊ីវិល។

លោក ដូណាល់ ត្រាំ បានប្រកាសកាលពីល្ងាចថ្ងៃសុក្រថា៖ «ខ្ញុំបានបញ្ជា ទៅកងទ័ពរបស់ហរដ្ឋអាមេរិក ឲ្យបើការវាយប្រហារ ឲ្យចំចំណុច ទៅលើទិសដៅមួយចំនួន ដែលសុទ្ធសឹងជាមធ្យោបាយ របស់ជនផ្ដាច់ការស៊ីរី គឺលោក បាឆារ អាល់អាសាធ ទាក់ទងនឹងអាវុធគីមី។ ប្រតិបត្តិការយោធារួមគ្នា កំពុងប្រព្រឹត្តិទៅ ជាមួយប្រទេសបារាំង និងអង់គ្លេស។ យើងអរគុណ ប្រទេសទាំងពីរ។»។

សន្ធឹកយន្ដហោះចម្បាំង នៅលើមេឃ និងសម្លេងគ្រាប់ផ្ទុះជាច្រើន កំពុងត្រូវបាន​លាន់ឮ​ នៅក្នុងរដ្ឋធានី ដាម៉ាស [...]