Posts by "ឈូករ័ត្ន"

ខណៈអ្នកជ្រមុជទឹកមួយរូប កំពុងតែហែលនៅក្នុងទឹកសមុទ្រ ស្រាប់តែត្រីឆ្លាមពីរក្បាល បានផុសខ្លួនឡើង យ៉ាង​តក់ក្រហល់ បង្កភាពភ័យភិតឥតឧបមា។ វីដេអូខាងលើនេះ បង្ហាញថា បុរសអ្នកជ្រមុជទឹក មិនបានត្រៀមបម្រុង ទុកជាមុនថា គ្រោះថ្នាក់ដល់ជីវិតរបៀបនេះ នឹងត្រូវកើតឡើងដូច្នេះឡើយ។

ដូច្នេះ ជម្រើសមានតែមួយទេ គឺត្រូវហែលឡើង ទៅខាងលើទឹកជាបន្ទាន់ ដើម្បីរកមើលកាណូតរបស់ខ្លួន ឲ្យមក​ជួយសង្គ្រោះខ្លួនជាបន្ទាន់។ ជាហេតុការណ៍ ដែលអ្នកជ្រមុជទឹក មិនងាយនឹងបំភ្លេចឡើយ ក្នុងជីវិត... ព្រោះបើ​សូម្បីឡើង លើកាណូតហើយក៏ដោយ ក៏អ្នកជ្រមុជទឹកយើង នៅតែមានអារម្មណ៍«ផ្អើលៗ»ម្ដងម្កាលដែរ៕

ជិតដល់រដូវកាល «Halloween» ហេតុភេទចម្លែកៗ ក៏ចេះតែកើតមាន ជាបន្តបន្ទាប់ដែរ។ ស្ត្រីជាតិអៀឡង់​មួយ​រូប បានជ្រើសរើសពេលវេលានេះ ដើម្បីបង្ហោះ នៅលើបណ្ដាញសង្គម នូវវីដេអូចំនួនបី ស្ដីពី«ខ្មោចលង​ក្នុង​ផ្ទះ»​នាង ដែលស្ថិតនៅក្រុង ខក (Cork ទីក្រុងទី៣ ភាគខាងត្បូងនៃប្រទេសអៀឡង់)។ ជាទិដ្ឋភាព«ខ្មោចលង»មិន​ធម្មតា ដោយសារតែរបស់បរជាច្រើន នៅក្នុងផ្ទះ ជាពិសេសនៅក្នុងបន្ទប់ធ្វើបាយ របស់នាង បានកម្រើក និង​ហោះ​ចុះ​ឡើងដោយឯកឯង ដ៏គួរឲ្យភ័យខ្លាច។

នាង អាស៊ី ម័រហ្វី (Ashy Murphy) បានបង្ហោះរូបភាព ដែលនាងថតបានទាំងនោះ នៅលើបណ្ដាញសង្គម។ វីដេអូចុងក្រោយ (នៅខាងលើអត្ថបទនេះ) ត្រូវបាននាងដាក់ផ្សាយ នៅថ្ងៃទី២ ខែតុលានេះ [...]

រស់នៅក្នុងស្រុក ហូហាវ (Hau Hoa) នៃដែនដីវៀតណាមខាងត្បូង (អតីតទឹកដីកម្ពុជាក្រោម) លោក យ៉ុង វាន់ដាត មិនអាចនិយាយ និងបរិភោគបាន ដូចគេឯងនោះទេ។ ជម្ងឺដ៏ចម្លែក ដែលចូលមករុករានលោក តាំង​ពី​ជាង១១ឆ្នាំមុន បានធ្វើឲ្យលោក បាត់ច្រមុះនិងមាត់បន្តិចម្ដងៗ សឹងតែផុងចូលទៅក្នុង អស់ទៅហើយ។ ភ្នែក​ទាំងគូ នៅសល់ទម្រង់បានខ្លះ តែមើលអ្វីមិនឃើញទេ។

ភរិយារបស់លោក យ៉ុង វ៉ានដាត បានថ្លែងប្រាប់សារព័ត៌មានក្នុងស្រុកថា ជម្ងឺនេះបានកើតឡើង នៅឆ្នាំ២០០៤ ជាមួយនឹងអាការៈដំបូង ដោយមានឈាមច្រមុះ ៣ទៅ៤ដងក្នុងមួយថ្ងៃ។ ចេញពីអាការៈនេះ លោក យ៉ុង បាន​ស្ទះរន្ធច្រមុះ ដកដង្ហើមលែងចេញ ដែលតម្រូវឲ្យលោក ត្រូវចូលខ្លួនទៅឲ្យគ្រូពេទ្យធ្វើការវះកាត់ ដើម្បីឲ្យ​លោក​បានដកដង្ហើមស្រួលវិញ។ នៅប៉ុន្មានខែក្រោយមក លោកបានផឹកទឹកមួយកែវចូលទៅ ស្រាប់តែទទួល​អារម្មណ៍​ថា ប្រហោងរវាងក្រអូមមាត់ខាងលើ និងរន្ធច្រមុះ បានចាប់រូបរាងឡើង។ បន្តិចម្ដងៗ ប្រហោងនេះបាន​ពង្រីក​ខ្លួន [...]