Posts by "មនោរម្យ.អាំងហ្វូ"

រដ្ឋាភិបាលកម្ពុជា ចាំបាច់ត្រូវលើកកំពស់ ក្នុងការគោរព​​តាមបទដ្ឋាន​អន្តរជាតិ ទាក់ទងនឹងសិទ្ធិមនុស្ស និងជាពិសេសត្រូវធានា ឲ្យគ្រប់តួអង្គ នៃក្រុមសង្គមស៊ីវិល និងក្រុមគណបក្សនយោបាយ អាចអនុវត្តន៍​សិទ្ធិប្រជាធិបតេយ្យ​របស់ពួកគេ បានដោយសេរី។ នេះ ជាការថ្លែងឡើង របស់អ្នកនាំពាក្យ របស់លោក អង់តូនីញ៉ូ ហ្គូតេរ៉េស (Antonio Guterres) អគ្គលេខាធិការអង្គការសហប្រជាជាតិ ដែលចេញផ្សាយ​ឲ្យដឹង នៅល្ងាចថ្ងៃសុក្រ ពីរថ្ងៃមុនថ្ងៃបោះឆ្នោត ជ្រើសតាំងតំណាងរាស្ត្រ អាណត្តិទី៦ នៅក្នុងប្រទេសកម្ពុជា ដែលនឹងប្រព្រឹត្តិទៅ នៅថ្ងៃអាទិត្យទី២៩ ខែកក្កដា ខាងមុខ។

ខណៈគណបក្សប្រជាជនកម្ពុជា ដែលជាគណបក្សកាន់អំណាច និងគណបក្សមួយចំនួន បានអំពាវនាវឲ្យពលរដ្ឋកម្ពុជា ចេញទៅបោះឆ្នោតនោះ គណបក្សសង្គ្រោះជាតិ ដែលជាគណបក្សប្រឆាំងដ៏សំខាន់ [...]

បើទោះជាមានគណបក្សចំនួន២០ ចូលរួមក្នុងការបោះឆ្នោតជាតិ ថ្ងៃទី២៩ ខែកក្កដាខាងមុខ នេះក៏ដោយ តែព្រឹត្តិការណ៍នយោបាយ ជាច្រើនបានកើតឡើង នៅមុនការបោះឆ្នោត ដែលមិនអាចឲ្យគេ ចាត់ទុកការបោះឆ្នោតមួយនេះ ថាជាការបោះឆ្នោតពិតប្រាកដនោះឡើយ។ នេះ ជាការប្រកាស នៅក្នុងសេចក្ដីថ្លែងការណ៍មួយ របស់សហព័ន្ធសិទ្ធិមនុស្សអន្តរជាតិ ហៅកាត់ថា «FIDH» ដែលមានស្នាក់ការធំ ក្នុងរដ្ឋធានីប៉ារីស ប្រទេសបារាំង។

សេចក្ដីថ្លែងការណ៍ របស់អង្គការអន្តរជាតិដ៏ធំមួយនេះ ដែលចេញផ្សាយ កាលពីថ្ងៃព្រហស្បត្តិ៍ម្សិលម៉ិញ បានរំលឹកឡើងវិញ ពីព្រឹត្តិការណ៍នយោបាយទាំងឡាយ ដែលបានកើតឡើង រាប់ចាប់តាំងពីពីរឆ្នាំកន្លងមក ក្នុងនោះ មានយុទ្ធនាការបំភិតបំភ័យ ធ្វើទុក្ខបុកម្នេញ ប្រើប្រាស់ប្រព័ន្ធតុលាការ និងការវាយប្រហារមិនឈប់ឈរ ប្រឆាំងនឹងក្រុមសមាជិកគណបក្សប្រឆាំង អង្គការសង្គមស៊ីវិល និងស្ថាប័នផ្សព្វផ្សាយឯករាជ្យ។

អត្ថបទរបស់សហព័ន្ធសិទ្ធិមនុស្សអន្តរជាតិ [...]

ហេតុការណ៍ដ៏រន្ធត់ បានកើតឡើង នៅព្រឹកព្រហាមថ្ងៃទី២៧ ខែកក្កដានេះ ខាងជើងផ្សារត្រី ចំងាយប្រហែល ១០០ម៉ែត្រ ត្រង់ចំនុចផ្លូវបំបែកជាបួន ស្ថិតក្នុងភូមិ​ប៉ាលិ​លេយ្យ១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។ បុរសអាយុ២០ឆ្នាំម្នាក់ ត្រូវបានរថយន្ដបុកស្លាប់ភ្លាមៗ នៅនឹងកន្លែង ខណៈខ្លួនកំពុងបើកម៉ូតូ ប្រភេទ ឌ្រីមសេ ១២៥ ទៅយកភរិយា ក្នុងបំណងទៅដង្ហែឃោសនាបោះឆ្នោត ឲ្យគណបក្សប្រជាជនកម្ពុជា ជាមួយគ្នា។

អាជ្ញាធរនគរបាល បានអះអាងថា រថយន្តបង្កពណ៌ស មានពាក់ស្លាកលេខ 1541 តែមិនស្គាល់ម៉ាកទេ។ រថយន្ដនេះ បានបើកក្នុងទិសដៅ​ ពីកើតទៅលិច មានល្បឿនយ៉ាងលឿន។ អាជ្ញាធរបន្តថា លុះដល់ផ្លូវបំបែកជាបួន អ្នកបើករថយន្ដ មិនបានបង្អង់ល្បឿនទេ ខណៈឯជនរងគ្រោះ បានបើកម៉ូតូរបស់ខ្លួន ពីជើងទៅត្បូង និងចូលមកដល់ផ្លូវបំបែកនេះ ក៏ស្រាប់តែ ត្រូវរថយខាងលើបុកមួយទំហឹង បណ្តាលឲ្យបុរសរូបនេះ រងរបួសធ្ងន់ធ្ងរ និងស្លាប់ភ្លាមៗតែម្ដង។