ស្ពានជប៉ុនដ៏ចម្លែកនេះ កោងចុះឡើង និងចោតជាងស្ពានធម្មតា!
បើគេនិយាយពីបណ្ដាស្ពាន ដែលល្បីជាងគេ នៅក្នុងពិភពលោក គេច្បាស់ជានិយាយភ្លាម ថាពិតជាស្ពាននៅរាជធានីឡុងដ៍ «Tower Bridge» ប្រទេសអង់គ្លេស ឬស្ពានយោង «Golden Gate» នៅក្រុងសាន់ហ្វ្រាន់ស៊ីស្កូ ប្រទេសអាមេរិកជាមិនខាន។ តែមិនមែនទេ! ស្ពានដែលអស្ចារ្យជាងគេ ហើយធ្វើឲ្យអ្នកឆ្លងកាត់ម្ដងៗ ស្ថិតក្នុងសភាពចង់ក្អួត ចង់វិលមុខស្មានមិនត្រូវនោះ គឺជាស្ពានមួយខ្សែ ក្នុងក្រុង«Sakaiminato» របស់ប្រទេសជប៉ុន។
ស្ពានមួយខ្សែរ ដែលមានឈ្មោះ «Eshima Ohashi» មានសភាពចោទខ្លាំង ហើយអ្នកដែលបានជិះ នៅឆ្លងស្ពាននេះ មានអារម្មណ៍ ដូចបានជិះលើទោង«ផ្ដាច់ព្រលឹង»មួយ នៅក្នុងឧទ្យានកំសាន្ដយ៉ាងដូច្នេះ។ វាជាស្ពាន សម្រាប់អ្នកថ្មើរជើង ដែលធំជាងគេទីបី ក្នុងពិភពលោក និងធំជាងគេទីមួយ នៅក្នុងប្រទេសជប៉ុន។ ប្រវែងសរុបពីចុងម្ខាងទៅចុងម្ខាង មានប្រវែង១.៦គីឡូម៉ែត្រ និងមានកំពស់៤៤ម៉ែត្រ។ ជំរាលនៅសងខាងស្ពាន មានប្រមាណជា ៥,១% និង៦,១%។
[...]