Posts by "ជ័យវិបុល"

ការប្រកួតរវាងប្រទេសជិតខាងទាំងពីរ បានប្រព្រឹត្តិទៅ នៅថ្ងៃអង្គារទី១៤ ខែមិថុនា ឆ្នាំ២០១៦នេះ ក្នុង​កីឡាដ្ឋាន​នៃក្រុង «Bordeaux» ភាគខាងលិចប្រទេសបារាំង។ ជាការប្រកួតដំបូង សម្រាប់ជុំទីមួយ នៃវគ្គជម្រុះ របស់​ពូល F ដែលជាពូលចុងក្រោយ និងមានបួនប្រទេស៖ ហុងគ្រី អូទ្រីស ព័រទុយហ្គាល និងអាយឡេន។

តាមពិតទៅ មិនមាននរណាម្នាក់រង់ចាំ ពីក្រុមជម្រើសជាតិហុងគ្រីមួយ ដែលត្រូវបានរៀបចំ​យ៉ាង​ល្អ​ដូច្នេះ​ឡើយ៖ ខ្សែការពាររឹងមាំ និងចេះឆ្លៀតឱកាស​វាយលុកយ៉ាងរហ័ស ព្រម​ទាំង​ប្រកប​ដោយប្រសិទ្ធភាព។ នៅ​ពាក់​កណ្ដាលម៉ោងដំបូង ក្រុមអូទ្រីសវិញ មានឱកាសទាត់​បញ្ចូលទី​ជា​ច្រើន តែ​មិនទទួលបានលទ្ធផលអ្វីទេ ដោយ​ត្រូវ​ឆ្លងកាត់ខ្សែការពារហុងគ្រី ជាពិសេសអ្នកចាំទីហុងគ្រី ដ៏​ចាស់​វស្សា។

គ្រាប់បាល់ទាំងពីរ បស់ក្រុមហុងគ្រី រកបានដោយកីឡាករ «Szalai» នៅនាទីទី៦២ និងកីឡាករ «Stieber» នៅ​នាទីទី៨៧។ នៅចំពោះគ្រាប់បាលទាំងពីរនេះ [...]

នៅក្នុងការជួបប្រកួតដំបូង សម្រាប់«អ៊ឺរ៉ូ២០១៦»នេះ គ្រូបង្វឹក និងដឹកនាំក្រុមបាល់ទាត់អេស្ប៉ាញ លោក «Vicente Del Bosque» បានដូរយុទ្ធសាស្ត្រ នៅក្នុងការដាក់បញ្ចូលកីឡាករ «David de Gea» ទៅធ្វើ​ជា​កីឡាករ​ចាំទី ជំនួសកីឡាករ «Iker Casillas» ដែលធ្លាប់ចាំទីឲ្យក្រុមជម្រើសជាតិនេះ តាំងពីច្រើន​ជំនាន់​មក​ហើយ។ ប៉ុន្តែការវាយលុក របស់ក្រុមអេស្ប៉ាញ ក៏មិនសូវជាទទួលបានលទ្ធផលច្រើនប៉ុន្មានដែរ រាប់ពី​ពេល​ចាប់​ផ្ដើម​ប្រកួត រហូតដល់ជិតចុងបញ្ចប់ម៉ោង។

គេឃើញ កីឡាករខ្សែបម្រើ «David Silva» បានរកបាល់ បញ្ជូនទៅឲ្យកីឡាករខ្សែប្រយុទ្ធ «Alvaro Morata» និង​«Nolito» ជាច្រើនដង ប៉ុន្តែនៅចំពោះខ្សែការពារដ៏រឹងមាំ និងកីឡាករ «Petr Cech» អ្នកចាំទីដែលមាន​បទ​ពិសោធន៍​ចាស់វស្សា របស់ក្រុមឆេកនោះ ក្រុមអេស្ប៉ាញមិនបានធ្វើឲ្យពួកអ្នកគាំទ្រ លោតឡើង​សប្បាយ​រីករាយ​ឡើយ។

ប្រទេសអេស្ប៉ាញ និងអ្នកគាំទ្រក្រុមនេះ ត្រូវរង់ចាំរហូតដល់នាទីទី៨៦ [...]

អាល្លឺម៉ង់ បានបង្ហាញឫទ្ធិ ជាម្ចាស់ជើងឯកពិភពលោក ដោយបំបាក់ក្រុមអ៊ុយក្រែន ក្នុងពិន្ទុ២ទល់នឹង០ នៅ​ក្នុង​ការប្រកួតទីពីរ នៃជុំទី១ សម្រាប់វគ្គជម្រុះ របស់ក្រុម C បានប្រពឹត្តិទៅ នៅកីឡាដ្ឋាន «Pierre-Mauroy» នៃ​ក្រុង​«Lille» ភាគខាងជើងប្រទេសបារាំង។

គឺកីឡាករខ្សែការពាររបស់អាល្លឺម៉ង់ «Skhodran Mustafi» ជាអ្នករកគ្រាប់បាល់ទីមួយ ឲ្យក្រុម​ជម្រើស​ជាតិ​របស់​ខ្លួន ដោយទទួលបាល់ពីកីឡាករ «Kroos» មុននឹងប្រើក្បាល«តែត»បាល់ បញ្ចូលទីអ៊ុយក្រែន នៅនាទី​ទី១៩។ រីឯគ្រាប់ទីពីរ របស់អាល្លឺម៉ង់ រកបាននៅចុងម៉ោងបន្ថែម នៃការប្រកួត (នាទីទី៩០+២) ដោយកីឡាករ «Bastian Schweinsteiger» ដែលទើបចូលមកជំនួស នៅមុននេះប៉ុន្មាននាទីប៉ុណ្ណោះ។

ពិន្ទុសម្រាប់ក្រុម C បន្ទាប់ពីការប្រកួតបានបញ្ចប់ទៅ គឺអាល្លឺម៉ង់រកបាន៣ពិន្ទុ ខណៈក្រុមប៉ូឡូញ ប្រកួត​ឈ្នះ​បាន​បីពិន្ទុដែរ តែរកគ្រាប់បាល់បានតិចជាក្រុមអាល្លឺម៉ង់។ ខណៈក្រុមអៀរឡង់ខាងជើង [...]

ការប្រកួតបានប្រព្រឹត្តិទៅ នៅវេលាម៉ោង ១៨ នាកីឡាដ្ឋាន «Allianz Riviera» នៃក្រុង«Nice» ភាគខាងត្បូង​ប្រទេស​បារាំង។

នរណាៗក៏ទន្ទឹងរង់ចាំយ៉ាងខ្លាំងក្លា ពីថ្វីជើងរបស់កំពូល​កីឡាករ​ខ្សែប្រយុទ្ធ របស់ក្រុមបាយ៉ឺនមូនិក ឈ្មោះ «Robert Lewandowski» នោះដែរ។ តែប្រសិនជាក្រុមជម្រើសជាតិប៉ូឡូញ បានបើកឆាកក្រុម C នៃការ​ប្រកួត​អ៊ឺរ៉ូ២០១៦នេះ ជាមួយនឹងជ័យជំនះនោះ គឺដោយសារកីឡាករប៉ូឡូញដទៃទៀត មានបច្ចេកទេសលេងល្អ និង​ចេញ​ផ្គុំគ្នាលេង ពិបាកនឹងធ្វើឲ្យក្រុម អៀរឡង់ខាងជើង អាចរកចន្លោះ ឬការវាយលុកបានណាស់។

ហើយគ្រាប់បាល់ ដែលធ្វើឲ្យក្រុមប៉ូឡូញឈ្នះនេះ បានមកដោយសារកីឡាករ «Arkadiusz Milik» នៅនាទី​ទី៥១។

រីឯការប្រកួតមួយទៀត រវាងក្រុមអាល្លឺម៉ង់ ជាមួយនឹងក្រុមអ៊ុយក្រែន នៅម៉ោង២១ខាងមុខ នឹងប្រាប់​យើង​ឲ្យ​ដឹង​ពីពិន្ទុចុងក្រោយ នៃជុំទីមួយ ក្នុងវគ្គជម្រុះ របស់ក្រុម C ខណៈនៅពេលនេះ ក្រុមប៉ូឡូញ ទទួលបាន៣ពិន្ទុ [...]

អាចនិយាយថា ជោគជ័យរបស់ក្រុមជម្រើសជាតិ ក្រូអាស៊ី ពិតជាស័ក្ដិសមហើយ។ ជាមួយនឹងថ្វីជើង នៃ​កីឡាករ​ល្បីៗ ដូចជា «Modric» និង«Ivan Rakitic» ដែលសុទ្ធតែទាត់ នៅក្នុងក្រុមធំៗ នៅទ្វីប​អ៊ឺរ៉ុប​ខាង​លិច​នោះ ក្រុមក្រូអាស៊ី បានធ្វើឲ្យប្រកួតបើកឆាក សម្រាប់ក្រុម D ពោរពេញទៅដោយភាពមានប្រៀប ដោយ​សង្កត់​ពី​លើ​ក្រុម​ទួរគីសឹងតែទាំងស្រុង។

រីឯក្រុមទួរគី វិញ លេងមិនសូវស្រុះគ្នា ប្រើកម្លាំងខ្លាំងជ្រុល ហើយតែបោះបាល់ឲ្យគ្នា ឬទាត់បាល់បញ្ចូលទី ច្រើន​តែខុសទិសដៅ។

ប៉ុន្តែក្រុមទួរគី ក៏មិនជាអន់ណាស់ណានោះដែរ ដោយហេតុថា នៅវគ្គពាក់កណ្ដាលម៉ោងទីពីរ ក្រុម​នេះ​បាន​បើក​ការវាយប្រហារ ត្រឡប់ទៅវិញ បើទោះជាត្រូវជួប​នឹងខ្សែការពារដ៏រឹងមាំ របស់ក្រុមក្រូអាស៊ីក៏ដោយ ហើយ​ជាពិសេស ក្រុមទួរគី ក៏បានធ្វើការរការពារយ៉ាងខ្លាំងក្លាដែរ នៅចំពោះការវាយលុក របស់​ក្រុមគូប្រជែង​របស់​ខ្លួន។

សូមទស្សនាវីដេអូ នៃការប្រកួតដោយសង្ខេបឡើងវិញ៖