Posts by "សេក មនោរកុមារ"

អគ្គមេបញ្ជាការរង នៃកងយោធពល​ខេមរភូមិន្ទកម្ពុជា លោក គន់ គីម ដែលមានពាក់ផ្កាយមាស ចំនួន​បួន​គ្រាប់​នៅ​លើ​ស្មារ បានថ្លែង​តាមរយៈ​សារព័ត៌មាន​ក្នុងស្រុក ពីការពន្យល់ដ៏ខ្លីមួយ​​​របស់​​លោក​ដូច្នេះថា «ជាតិ គឺរដ្ឋាភិបាល ហើយរដ្ឋាភិបាល គឺលោក ហ៊ុន សែន»។

ការថ្លែងរបស់លោក គន់ គីម ជាប្រតិកម្មមួយ តបទៅនឹងខ្សែរាជវង្សកម្ពុជាមួយអង្គ ដែលបានរិះគន់ថា កងទ័ព​កម្ពុជា មិនបានគោរពព្រះមហាក្សត្រ តាមរយៈការតាំងរូបព្រះឆាយាល័ក្ខ នៅក្នុងបន្ទាយ​ធ្វើការ​របស់​ពួក​គេ​ទេ។ ផ្ទុយទៅវិញ កងទ័ពកម្ពុជា ដែលជាស្ថាប័នជាតិមួយ ត្រូវនៅជាឯករាជ្យអព្យាក្រិត្យ ទទួលការ​តែងតាំង​ពី​ព្រះ​​មហាក្សត្រ និងទទួលប្រាក់ខែពីពលរដ្ឋ (ដែលបង់ពន្ធជូនរដ្ឋ) បែរជាទៅតាំងរូបថត របស់​លោក ហ៊ុន សែន ឬ​លោក ហ៊ុន សែន និងភរិយា ឬរូបភាពបង្ហាញ ពីថ្ងៃ៧ ខែមករា ឆ្នាំ១៩៧៩ ទៅវិញ។

លោក គន់ គីម បានពន្យល់តប​ទៅខ្សែរាជវង្សអង្គនោះថា កងទ័ពកម្ពុជាបានគោរព និងអនុវត្ត [...]

រូបថត និងវីដេអូ បង្ហាញពីកុមារ អ៊ូមរ៉ាន (Omrane) ដែលដិតដាមដោយឈាម នៅជាប់នឹងផ្ទៃមុខ និងលើ​ដង​ខ្លួន បានបង្កភាពរន្ធត់ញាប់ញ័រ នៅទូទាំងពិភពលោក។ ប៉ុន្តែទិដ្ឋភាពនេះ នៅបន្តលងកុមារ អ៊ូមរ៉ាន និង​គ្រួសារ​នៅ​ឡើយ ដោយសារកុមារ អាលី (Ali) បងប្រុសរបស់កុមារ អ៊ូមរ៉ាន បានស្លាប់កាលពីចុងសប្ដាហ៍នេះ ដោយ​មិន​អាច​ទ្រាំទ្រនឹងរបួសដ៏ធ្ងន់ធ្ងរ របស់ខ្លួនបាន។ នេះបើតាមក្រុមអ្នកឃ្លាំមើលសិទ្ធិមនុស្ស នៅក្នុងប្រទេសស៊ីរី ហៅ​កាត់​ថា «OSDH»។

ក្រុមអ្នកឃ្លាំមើល បានអះអាងថា៖ «អាលី ដែលមានអាយុ១០ឆ្នាំ បានផុតជីវិត កាលពីថ្ងៃសៅរ៍ ដោយ​សារ​របួស​ធ្ងន់ធ្ងររបស់ខ្លួន ដែលបណ្ដាលមកពីការទម្លាក់គ្រាប់បែក កាលពីថ្ងៃទី១៧ ខែសីហាកន្លងមក។ ការ​ទម្លាក់​គ្រាប់​បែក ដែលបានបង្ករបួស​យ៉ាងធ្ងន់ធ្ងរដូចគ្នា ចំពោះកុមារ អ៊ូមរ៉ាន ដែលត្រូវជាប្អូន។»

បណ្ដាព័ត៌មាន «Aleppo Média Centre» ដែលប្រមូលផ្ដុំដោយអ្នកសារព័ត៌មានស្ម័គ្រចិត្តជាច្រើន [...]

យុទ្ធនាការទាមទារឲ្យមានការសុំទោស ពីសំណាក់សមាជិកសភារដ្ឋវិតូរៀ នៃប្រទេសអូស្ត្រាលី លោក ហុង លឹម (ឈ្មោះពេញ លឹម មុយហុង) ទៅលើសំណុំរឿង «របបដឹកនាំបែបតិរច្ឆាន នៅកម្ពុជា» ទំនងជានៅបន្ត​ទៅ​មុខ​ទៀត បើទោះជាការខិតខំនេះ មិនទទួលបានលទ្ធផលក៏ដោយក្ដី។ លោក ផៃ ស៊ីផាន អ្នកនាំពាក្យទីស្ដីការ​គណរដ្ឋមន្ត្រី បានបន្តសរសេរលិខិត ប្រាប់ទៅបណ្ដាញសារព័ត៌មាន នៅព្រឹកថ្ងៃនេះ ដោយបានពន្យល់ តាម​ន័យ​ធៀប​ថា ការមាក់ងាយ​ទៅដល់របបដឹកនាំសព្វថ្ងៃ ដែលខិតខំជួយរំដោះកម្ពុជា ចេញពីរបបប្រល័យ​ពូជ​សាសន៍ ខ្មែរក្រហមនោះ ជាការ«ជេរម្ដាយ»ឯង។

លោក ផៃ ស៊ីផាន បានយករូបថតមួយសន្លឹក មកបង្ហោះនៅលើគណនីរបស់លោក រួចធ្វើអត្ថាធិប្បាយថា នៅ​ពេលដែលលោក បានឃើញរូបនេះ លោកបាននឹកឃើញសំដី«យុទ្ធសាស្ត្រ» របស់លោក ហ៊ុន សែន ដែល​បាន​លើកឡើងថា «នៅពេលដែលលង់ទឹក សូម្បីតែខ្មោចឆ្កែ ក៏តោងដែរ ដើម្បីការរស់រានមានជីវិត»។ លោក ស៊ីផាន ចង់​ថ្លែង​សំដៅ [...]

កិច្ចសន្យាបញ្ជាទិញ ដែលមានតម្លៃ ១ពាន់លាន និង៧០លានអ៊ឺរ៉ូ ទើបនឹងត្រូវបានចុះហត្ថលេខា នៅថ្ងៃអង្គារ​នេះ រវាងក្រុមហ៊ុន «Airbus Helicopters» និង«Koweït City» ក្រោមវត្តមានរបស់រដ្ឋមន្ត្រីការពារ​ជាតិ​បារាំង លោក ហ្រង់ អ៊ីវ ឡឺឌ្រីយ៉ង់ (Jean Yves le Drian) និងរដ្ឋមន្ត្រីការពារជាតិ នៃប្រទែសកូវេត។ នេះបើតាម​ការ​ផ្សាយ​ឲ្យដឹង របស់វិទ្យុបារាំងមួយឈ្មោះ «Info France» នៅព្រឹកថ្ងៃអង្គារនេះ។

ឧទ្ធម្ភាគចក្រទាំងនោះ ជាប្រភេទឧទ្ធម្ភាគចក្រ «Caracal» សម្រាប់ដឹកជញ្ជូនទាហាន និងដើម្បីចុះ​បេសកកម្​មជួយសង្គ្រោះ នៅក្នុងពេលមានការប្រយុទ្ធ។ ឧទ្ធម្ភាគចក្រទាំងនេះ ត្រូវបានប្រើប្រាស់ នៅក្នុង​កងទ័ព​បារាំង តាំង​ពី​ជាង​១០ឆ្នាំ​កន្លងមក និងមានប្រទេស ៦ ផ្សេងទៀត បានបញ្ជាទិញរួចហើយ។

ដោយសារកិច្ចសន្យាបញ្ជាទិញនេះ ក្រុមហ៊ុន «Airbus Helicopters» របស់បារាំង ដែលមានទីតាំង​នៅក្នុង​តំបន់ «Bouches-du-Rhône» ភាគខាង​ត្បូង​បារាំង [...]

សំនុំរឿងឃាតកម្ម​ លើអ្នកស្រាវជ្រាវផ្នែកសង្គម លោក កែម ឡី ទំនងជានៅឆ្ងាយ​ពីទីបញ្ចប់ ខណៈការស៊ើប​អង្កេត ឬវីដេអូដែលទំនងជាថតឃើញ​ ពីឃាតករ​ពិត​ នៅឆ្ងាយពីការប្រកាសជាសាធារណៈ ពីសំណាក់​អាជ្ញាធរ​មាន​​សមត្ថកិច្ចកម្ពុជា។ គេបានដឹងរឿងតិចតួចជាទីបំផុត ចេញពីសំនុំរឿង ឬពីការស៊ើបអង្កេតនេះ ក្រៅពីជន​សង្ស័យ​ម្នាក់ ដែលដាក់រហស្សនាមខ្លួន ថា«ជួប សម្លាប់» និងដែលត្រូវបានអាជ្ញាធរចង្អុលថា ជាឃាតករ។

សម្រាប់លោក សម រង្ស៊ី ប្រធានគណបក្សប្រឆាំង នៅវេលានេះវិញ លោកបានចង្អុលចំ ទៅលោក ហ៊ុន សែន តែម្ដង ថាជាអ្នកសម្លាប់លោក កែម ឡី។ មេដឹកនាំគណបក្សសង្គ្រោះជាតិ បានថ្លែងដូចនេះ នៅក្នុង​ការ​ជួបជុំ​សួរ​ឆ្លើយ​មួយ ជាមួយនឹងក្រុមអ្នកគាំទ្រ នៅទីក្រុង ក្លែម៉ុង ហ្វេរ៉ង់ (Clermont-Ferrand) នៅ​ភាគ​កណ្តាល​​នៃ​ប្រទេស​បារាំង កាលពីរសៀលថ្ងៃអាទិត្យទី៧ ខែសីហា ឆ្នាំ២០១៦ម្សិលម៉ិញ។

លោក សម រង្ស៊ី បានថ្លែងថា នៅក្នុងប្រទេសកម្ពុជា [...]