Posts by "ក. សោភណ្ឌ"

រដ្ឋធម្មនុញ្ញ ដែលជាច្បាប់កំពូល នៃព្រះរាជាណាចក្រកម្ពុជា នៅត្រង់ជំពូកទី១ មាត្រា៥បានចែងថា៖ «ភាសា និងអក្សរ ដែលប្រើជាផ្លូវការគឺ ភាសា និងអក្សរខ្មែរ»។ ដោយឡែករថយន្ដ​ក្រុង​មួយគ្រឿង ស្លាកលេខ ភ្នំពេញ ៣C-៦៨៥៧ ដែលជាស្លាកលេខនៅកម្ពុជា និងដែលបានចត នៅតាមបណ្តោយផ្លូវ ព្រះសីហនុ ជាផ្លូវ​សាធារណៈ ក្នុងសង្កាត់វាលវង់ ខណ្ឌ៧មករា រាជធានីភ្នំពេញ នៅថ្ងៃទី១៩ ខែសីហា ឆ្នាំ២០១៥នេះ មាន​សរសេរ​បីប្រភេទ នៅពីលើផ្នែកខាងមុខ ។ អក្សរធំៗ នៅលើគេបង្អស់ ជាអក្សរយួន (ទំនងជាឈ្មោះក្រុមហ៊ុន PHUONG TRINH) ខណៈអក្សរខ្មែរ «កម្ពុជា វៀតណាម» ត្រូវបានដាក់នៅខាងក្រោម និងមានកំហុស​អក្ខរាវិរុទ្ធ​នោះទៀត (សរសេរថា វៀគណាម មិនមែន វៀតណាម)។ បន្ទាប់មក នៅជួរខាងក្រោមបង្អស់ ទើប​មាន​អក្សរអង់គ្លេស សរសេរដាក់ថា «Cambodia Vietnam»។

តាមប្រសាសន៍របស់លោក ទូច គីមស្រ៊ាង ប្រធានសមាគមទ្រទ្រង់អក្សសាស្ត្រជាតិ និងវប្បធម៌ខ្មែរ និងជាមន្ត្រី​នៃក្រុមជំនុំព្រះត្រៃបិដក [...]

គ្រោះថ្នាក់ចររាចរណ៍ មិនជាធំដុំ តែបានបង្កការភ្ញាក់ផ្អើល នៅតាមបណ្តោយផ្លូវ ២០៥ កែងផ្លូវ ៣២៨ក ហើយ​វា​ក៏ជាហេតុការណ៍ ដែលបានប្រាប់ ទៅអ្នកប្រើប្រាស់ទ្រូងផ្លូវគ្រប់រូប ថាត្រូវមានការប្រុងប្រយ័ត្ន គោរពពីគម្លាត​នៃ​ការបើកបរ (រវាង​យាន្ដ​ពីរ) និងមានការយល់អធ្យាស្រ័យគ្នា។

ឡានដែលរងការខូចខាតម៉ាក LEXUS RX ៣៥០ ស្លាកលេខភ្នំពេញ ២AD-៣៤៥៩ បើកបរដោយ​បុរស​ម្នាក់ ជិះជាមួយប្រពន្ធ កំពុងធ្វើដំណើរទៅតាមផ្លូវខាងលើ ត្រូវបានរ៉ឺម៉កដឹកស្លឹកគ្រៃបុកពីក្រោយ នៅពេល​ដែល​​គាត់​ជាន់ហ្វ្រាំងឈប់ភ្លាមៗ ព្រោះផ្លូវចង្អៀត។ ដោយឡែក រ៉ឺម៉កដែលមានដឹកស្លឹកគ្រៃ មិនអាចឈប់ ទាន់​​ពេល​​បាន ក៏ជ្រុលទៅបុកឡានខាងលើ ពីក្រោយបណ្តាលឲ្យ មានការខូចខាតមួយចំនួន។

ភ្លាមៗ បន្ទាប់ពីមានបញ្ហា ម្ចាស់រ៉ឺម៉កដឹកស្លឹកគ្រៃ ដែលជាយុវជនម្នាក់ អាយុប្រមាណជាង២០ឆ្នាំ មិនស្គាល់​អត្តសញ្ញាណ និងដែលកំពុងធ្វើដំណើរចេញ ពីផ្សារដើមគ ឆ្ពោះទៅកាន់កំពង់ដរអរិយ៍ក្សត្រនោះ [...]

គម្រោងអភិវឌ្ឍន៍ និងសាងសង់ផ្សារដើមគរថ្មីនោះ ត្រូវបានលោក ឃួន ស្រេង អភិបាលរងសាលារាជធានី​ភ្នំពេញ បង្ហាញកាលពីពេលកន្លងមក រួចមកហើយ នៅសាលារាជធានីភ្នំពេញ ដោយមានដូចជាផែនទីជា​ដើម សម្រាប់អជីវករមើល។ ប៉ុន្តែគម្រោងនេះ មិនត្រូវបានក្រុមអាជីវកររីករាយ ទទួលយល់ព្រមនោះទេ។ ដូច្នេះ​ហើយ ទើបនៅ​ម៉ោង៨ និង៣០នាទី ព្រឹកថ្ងៃ ទី១៧ ខែសីហានេះ ក្រុមអាជីវករផ្សារដើមគរ ប្រមាណជាង​១០០​នាក់ ជួបជុំគ្នានៅមុខខុទ្ធកាល័យនាយករដ្ឋមន្ត្រី ដើម្បីដាក់ញត្តិសុំអន្តរាគនម៍ ពីរដ្ឋាភិបាល។

ក្នុងការតវ៉ាខាងលើ អាជីវករម្នាក់អ្នកស្រី ទិត្យ ផល្លា អ្នកលក់សម្លៀកបំពាក់ក្នុងផ្សារ បានបញ្ជាក់ថា អ្នកស្រី​ចង់​ឲ្យមានការទទួលខុសត្រូវ ចំពោះអាជីករ ពីប្រធានផ្សារលោក សេង សារ៉ន។ អ្នកស្រីមានប្រសាសន៍ថា ការ​ដែល​មានគម្រោសាងសង់ផ្សារ របស់សាលារាជធានីភ្នំពេញ ជារឿងមួយ តែនៅមានរឿងមួយទៀត គឺតាំងពី​មានបញ្ហានេះមក ប្រធានផ្សារ លោក សេង សារ៉ន ហាក់មិនសូវរវីរវល់ [...]

ខឹងខុសខឹងខាត ហើយក្ដីប្រចណ្ឌខ្លាំងហួសហេតុ វាបានធ្វើ ឲ្យក្លាយទៅជាវិនាសកម្មមួយ ដ៏ខ្លោចផ្សារ ដែល​មនុស្សគ្រប់រូប ត្រូវតែជៀសឲ្យឆ្ងាយ។ នេះជាករណីស្រ្តីរងគ្រោះមួយរូប ឈ្មោះ ឆែម អ៊ឹង អាយុ៤២ឆ្នាំ ដែល​ត្រូវ​បានស្វាមីទីពីររបស់ខ្លួន កាប់ជាច្រើនកាំបិត បណ្តាលឲ្យស្លាប់ភ្លាមៗ នៅកន្លែងកើតហេតុ ដោយការ​មិន​ទុក​ចិត្ត និងកើតការប្រច័ណ្ឌ ទៅលើប្រពន្ធ។

ស្វាមីចិត្តអប្រិយម្នាក់នេះ ឈ្មោះ អ៊ុយ ហឿត អាយុ៤៥ឆ្នាំ បានរួមរស់នៅជាមួយប្រពន្ធ ដែលជាជនរងគ្រោះ អស់ជាច្រើនឆ្នាំមកហើយ រហូតដល់មានកូន០៤នាក់ (ស្រីម្នាក់ និងប្រុស០៣នាក់) ក្នុងបន្ទុកនោះទៀត។ ករណី​សម្លាប់ប្រពន្ធ ព្រោះប្រច័ណ្ឌនេះ បានបង្ករការភ្ញាក់ផ្អើល កាលពីវេលាម៉ោងប្រមាណ៨យប់ ថ្ងៃទី ១៧ ខែសីហា ឆ្នាំ២០១៥ នៅក្នុងភូមិដូនឡឹក ឃុំសំបូរ ស្រុកមង្គលបូរី ខេត្តបន្ទាយមានជ័យ។

ហេតុការណ៍សម្លាប់ប្រពន្ធខាងលើ ត្រូវបានឧត្តមសេនីយ៍ លោក អាត់ ខែម ស្នងការនគរបាល ខេត្ត​បន្ទាយ​មាន​ជ័យ [...]

បើតាមការពិនិត្យជាក់ស្តែង ឃើញថា សន្តិសុខ និងប្រធានសន្តិសុខសណ្តាប់ធ្នាប់ ក្នុងបរិវេណគំនរសម្រាម នៅភូមិបឹងជើងឯក សង្កាត់ជើងឯក ខណ្ឌដង្កោ រាជធានីភ្នំពេញនោះថា ជាបុគ្គលិករបស់ក្រុមហ៊ុនស៊ិនទ្រី ឯកទេសខាងការប្រមូលសម្រាម និងសំអាតរាជធានី។ តែពេលដែលយុវជនមួយក្រុម ចង់ចូលទៅចែកចាយ អាហារ នៅក្នុងបរិវេណ នៃទីគំនរចាក់សម្រាមនោះ ស្រាប់តែប្រធានសន្តិសុខ​របស់ក្រុមបុគ្គលិកនេះ បាន​បដិសេធ​មិនឲ្យចូល យ៉ាង«ដាច់ខាត»។

ការចុះជួយចែកចាយចំណីអាហារបន្តិបន្តូច ដើម្បីសង្គ្រោះក្រុមកុមារទាំងនេះ បានធ្វើឡើង កាលពីថ្ងៃ​អាទិត្យ​ទី១៦ ខែសីហា ឆ្នាំ២០១៥កន្លងទៅនេះ ដោយយុវជនឯករាជ្យមួយក្រុម ភាគច្រើនជានិស្សិត មកពី​វិទ្យាស្ថាន​ជាតិពាណិជ្ជកម្ម ដែលឈឺឆ្អាលនឹងបញ្ហាសង្គម ជាពិសេសជនក្រីក្រ នៅស្ថិតនៅនឹងច្រមុះ នៃរាជធានី​ភ្នំពេញ។ ប៉ុន្តែការឈឺឆ្អាលនោះ មិនអាចធ្វើទៅបានទេ បើគ្មានការអនុញ្ញាតពី«ថ្នាក់លើ។ នេះបើតាម​សំដី​របស់​សមាជិក​ម្នាក់ [...]