Posts by "ប្រាថ្នា"

សេចក្តីថ្លែងការណ៍ របស់អង្គការសម្ព័ន្ធខ្មែរជំរឿន និងការពារសិទិ្ធមនុស្ស ហៅកាត់ថា លីកាដូ ដែលបានចេញផ្សាយ កាល​ពីថ្ងៃទី០៥ ខែមីនានេះ បានឱ្យដឹងថា ការរឹតត្បិតលើសកម្មភាព អបអរសាទរទិវាសិទិ្ធនារីអន្តរជាតិ នៅក្នុងពន្ធនាគារ បានចាប់ផ្តើមកើតមានឡើង កាលពីឆ្នាំមុន ហើយការរឹតត្បិតចុងក្រោយ បានរារាំងអង្គការ លីកាដូ ពីការប្រារព្ធទិវាសិទិ្ធ​នារី​អន្តរជាតិ នៅក្នុងពន្ធនាគារ។ ការរឹតត្បិតនាឆ្នាំនេះ បានហាមឃាត់គ្រប់ទម្រង់ នៃការកំសាន្ត ឬព្រឹត្តិការណ៍​កំសាន្ត​ទាំង​ឡាយ ដោយអនុញ្ញាតឲ្យអង្គការ លីកាដូ ត្រឹមតែផ្តល់នូវកញ្ចប់សម្ភារៈចាំបាច់ប៉ុណ្ណោះ។ ដោយមាន​ការរឹតត្បិត នា​ពេល​បច្ចុប្បន្ននេះ គឺមិនមានការធានាទេថា ស្ត្រីទាំងនោះនឹងអាចទទួលបាន នូវកញ្ចប់សម្ភារៈទាំងនោះពេញលេញ ឬ​ទទួល​បានពេលវេលា ចេញក្រៅបន្ទប់បន្ថែមនាថ្ងៃនោះ។

សេចក្តីថ្លែងការណ៍ របស់អង្គការ លីកាដូ ដដែល បានឱ្យដឹងបន្តថា អស់រយៈពេល ១៥ឆ្នាំមកហើយ ដែលអង្គការ លីកាដូ [...]

ភាគច្រើននៃអ្នកដែលចូលចិត្ត អង្គុយជុំគ្នា លើកអកទឹកត្នោត ជូ ឬផ្អែម មានតែអ្នកនៅតាមភូមិ ស្រុក ឬតំបន់​ដាច់​ស្រយ៉ាល ឬមនុស្សដែលមានវ័យចំណាស់ ដែលមិនសូវសំបូរប្រាក់ ទិញភេសជ្ជៈថ្លៃៗ មកទទួលទានតែប៉ុណ្ណោះ។ ប៉ុន្តែ គេកម្រ​ឃើញ​ណាស់ ដែលយុវជនរស់នៅ ក្នុងរាជធានីដ៏សបូរបែប និងស៊ីវិល័យ ចូលចិត្តទទួលទានទឹកត្នោត និង​កាន់​តែ​កម្រ​ទៅ​ទៀត ប្រសិនបើយុវជនទាំងនោះ មិនសូវចាប់អារម្មណ៍ ពីជីវភាពនៅតាមស្រុកស្រែចំការ។

ថ្ងៃមួយ ដែលក្រុមយុវជនទាំងនោះ បានភ្លក្សរសជាតិទឹកត្នោតខ្មែរ ដែលទើបយកមកពីដើមថ្មីៗ ស្រាប់តែពួកគេលាន់​មាត់​គ្រប់ៗគ្នាថា មានរសជាតិឆ្ញាញ់ និងមានគុណភាពជាងភេសជ្ជៈកំប៉ុង។ យុវជន ណារ៉ុង ដែលបានក្រេបរសជាតិ​ទឹកត្នោត​ផ្អែម​នោះ បានលាន់មាត់ថា ទឹកត្នោតពិតជាឆ្ញាញ់មែន។ វាមិនត្រឹមតែមានរសជាតិឆ្ញាញ់នោះទេ ប៉ុន្តែវាថែមទាំង មាន​គុណ​ប្រយោជន៍ ថែមទៀត ព្រោះវាជារបស់ធម្មជាតិ គ្មានជាតិគីមី។

ណារ៉ុង បានប្រាប់បន្តថា៖ [...]

«មានអារម្មណ៍ថា ប្លែកណាស់បង ពេលដែលស្លៀកពាក់ទៅ បង្ហាញអំពីបុគ្គលិកលក្ខណៈខ្លួនឯង ថាជាកូនខ្មែរ។ និយាយ​ពីប្អូនស្លៀកពាក់ទៅ ឃើញថាខ្លួនឯងសមសួន ជាកូនខ្មែរមែនទែន»។ នេះការរៀបរាប់ ជាមួយទឹកមុខរីករាយ ក្នុង​សំលៀក​បំពាក់ ជានារីសម័យលង្វែក របស់កញ្ញា ដួង ច័ន្ទសូរិយ។ ថ្លែងប្រាប់ទស្សនាវដ្ដីមនោរម្យ.អាំងហ្វូ កញ្ញា​បាន​សម្ដែង​អារម្មណ៍​ថា  ប្លែកមែនទែន ក្នុងការស្លៀកសំលៀកបំពាក់ របស់ខ្មែរបូរាណ របៀបនេះ។

យុវតីរូបនេះ បានបន្តថា នាងចង់មានកម្មវិធីជួបជុំ ស្លៀកសំលៀកបែបបុរាណខ្មែរបែបនេះ លើកក្រោយៗទៀត។ សូរិយា​ចង់ឱ្យយុវវ័យខ្មែរ សម័យទំនើបទាំងអស់ ចូលរួមស្លៀកពាក់ដូចកញ្ញាដែរ ដើម្បីលើកស្ទួយវប្បធម៌ខ្មែរ និងរក្សា​ប្រពៃណី​ទំនៀមទម្លាប់ខ្មែរ សម័យបុរាណឱ្យនៅគង់វង្ស។ «បើសិនជាអាច សាកឱ្យប្រជាជនខ្មែរស្លៀកជុំវិញប្រទេស មិនដឹង​ជាល្អ​មើលប៉ុណ្ណាទេ» សូរិយាបន្ថែម។

ចំណែកលោក អ៊ឹម ខេណូរ៉ា បានប្រាប់ដែរថា [...]

នេះជាលើកទីមួយហើយដែល មានការរៀបចំកម្មវិធី រម្លឹកពីប្រវត្តិរបស់ខ្មែរ បុរាណក្នុងសម័យលង្វែក។ លោក ស៊ុប ស័ក្ខរា ជានាយកសាលាតន្ត្រី មរតកហ្វូណន បានប្រាប់ឲ្យដឹងថា មូលហេតុ ដែលលោកបានរៀបចំកម្មវិធីនេះឡើង ដោយលោកចង់លើកកម្ពស់តន្ត្រី កាលពីសម័យបុរាណ ឲ្យប្រជាពលរដ្ឋបានដឹង និងចាប់អាម្មណ៍វាឡើងវិញ ពីវប្បធម៌ដ៏រ៉ុងរឿង កាលពីអតីតកាលរបស់ខ្មែរ។

ក្នុងកម្មវិធីនេះ មានសុទ្ធតែជាយុវជន ពួកគេបានយល់ដឹង ពីបទពិសោធន៍ជាច្រើន ពីប្រពៃណីនៃការរស់នៅ និងការស្លៀកពាក់ របស់ជនជាតិនាសម័យនោះ។ អ្នកចូលរួមគ្រប់រូប សុទ្ធតែត្រូវស្លៀកពាក់ ក្នុងសម្លៀកបំពាក់ ប្រពៃណី នៅសម័យនោះទាំងអស់ បើទោះជាអ្នកសារព័ត៌មាន របស់ទស្សនាវដ្ដីមនោរម្យ.អាំងហ្វូ ក៏ដោយ។

ក្រឡេកមកមើល ការស្លៀកពាក់របស់ពួគគេវិញម្តង ថាមានភាពទាក់ទាញភ្នែក យ៉ាងណា?

ការអនុញ្ញាតឱ្យមន្ត្រី នគរបាល យោធា តុលាការ និងមន្ត្រីរាជការស៊ីវិល អាចមានសិទ្ធិចូលរួម ឃោសនាបោះឆ្នោត និង​ហាមឃាត់ ចំពោះអង្គការសង្គមស៊ីវិល ទាំងជាតិ និងអន្តរជាតិ បាននឹងកំពុងអនុវត្តផ្ទុយ ដោយរំលោភ ទៅលើច្បាប់​រដ្ឋ​ធម្មនុញ្ញ។ នេះបើតាមការអះអាងរបស់លោក អំ សំអាត មន្រ្តីសម្របសម្រួលផ្នែកបច្ចេកទេស នៃអង្គការលីកាដូ។

លោក អំ សំអាត បានថ្លែងរៀបរាថា ប្រជាពលរដ្ឋ រួមទាំងអង្គការសង្គមស៊ីវិល ចង់ឱ្យមន្ត្រី នគរបាល យោធា តុលាការ និង​មន្ត្រីរាជការស៊ីវិល ឈរលើជំហរឯករាជ្យភាព។ គាត់អាចមានសិទ្ធិ ស្រលាញ់គណបក្សយោបាយណាមួយ ប៉ុន្តែ​ការ​បំពេញតួនាទីរបស់ពួកគាត់ ត្រូវតែអព្យាក្រិត ប្រសិនបើអនុញ្ញាតឲ្យមន្ត្រី នគរបាល យោធា តុលាការ និងមន្ត្រី​រាជការ​ស៊ីវិល អាចមានសិទ្ធិចូលរួម ឃោសនាបោះឆ្នោតបាន មានន័យថា ការបំពេញតួនាទីរបស់គាត់ លែងអព្យាក្រិត្យហើយ។ លោកបាននិយាយថា៖ «អញ្ចឹង នៅពេលដែលគណបក្ស របស់ពួកគាត់មានបញ្ហា [...]