Posts by "ប្រាថ្នា"

បើតាម សំបុត្រប្រកាស អាពាហ៍ពិពាហ៍ ឬអេតាស៊ីវិល ដែលត្រូវបានធ្លាយចេញ តាមបណ្តាញទំនាក់ទំនងសង្គម ហ្វេសប៊ុក នៅថ្ងៃទី ១១ ខែមីនា ឆ្នាំ២០១៥នេះ បានឱ្យដឹងថា សេដ្ឋីវ័យក្មេង លោកឧកញ៉ា គិត ម៉េង បានទៅចុះសំបុត្រ ប្រកាស​អាពាហ៍​ពិពាហ៍ ជាមួយអ្នកនាង ម៉ៅ ចំណាន ហៅ ស្រីតួច ចំណាន រួចហើយ។

សំបុត្រប្រកាស អាពាហ៍ពិពាហ៍ របស់ឧកញ៉ាសម្បូរទ្រព្យ ជាមួយប្រពន្ធ ដែលរួមរស់ជាមួយគ្នា ជាង១០ឆ្នាំ បាន​ធ្វើ​ឡើង កាលពីថ្ងៃទី ៩ ខែមីនា ឆ្នាំ២០១៥ កន្លងទៅថ្មីនេះ។

អ្នកនាងស្រី តូច ចំណាន ដែលជាអតីតតារាសម្តែង ដ៏ល្បីមួយរូប បានក្លាយជាប្រពន្ធ និងរស់នៅជាមួយលោកឧកញ៉ា គិត ម៉េង ដោយមិនចេញមុខ ឬមិនផ្លូវការ អស់រយៈពេលជាង ១០ឆ្នាំ។ ក្នុងស្ថានភាពនេះ អ្នកទាំងពីរ ទទួលបានកូន​ជា​ចំណងដៃ ចំនួន៤នាក់ ក្នុងនោះស្រី២ ប្រុស២។

ដោយសារតែភាពអត់ធ្មត់ និងក្តីស្រលាញ់ ដែលអ្នកនាងប្រគល់ជូន លោកឧកញ៉ា អស់ពីបេះដូង ទើបធ្វើឱ្យអ្នកនាង អាចឆក់យកបេះដូង [...]

លោកឧកញ៉ា គិត ម៉េង និងអ្នកនាង ស្រីតូច ចំណាន ដែលបានរួមរស់នៅជាមួយគ្នា អស់រយៈពេលជាង១០ឆ្នាំ រហូត​មានកូនបួននាក់ នឹងចូលរោងការផ្លូវការ បង្ហាញដល់សាធារណៈជន ថាអ្នកទាំងពីរ ជាស្វាមីភរិយាស្របច្បាប់ នៅថ្ងៃ​ទី២០ ខែមីនានេះ ។ កម្មវិធីអាពាហ៍ពិពាហ៍ ជាផ្លូវការ ដែលបង្ហាញដល់សាធារណៈជននេះ បានធ្វើឱ្យល្បី ពេញ​ប្រទេស​ខ្មែរ​តែម្តង។

ល្បីពេញប្រទេស និងលាន់មាត់សរសើរ ពីមតិមហាជន ដោយសារតែពិធីមង្គលការ របស់គូរស្នេរហ៍សេដ្ឋី វ័យក្មេង​រូប​នេះ បើគិតត្រួសៗ ចំណាយអស់រាប់ម៉ឺនដុល្លារ។ មិនត្រឹមតែប៉ុណ្ណោះ ក្នុងថ្ងៃរៀបមង្គលការ របស់កូនក្រមុំកូនកម្លោះ ដែល​មាន​កូនបួនមួយគូនេះ ផ្លូវមួយចំនួនក្នុងរាជធានី អាចនឹងត្រូវផ្អាកចរាចរណ៍ តំាំងពីល្ងាចថ្ងៃទី ១៩។ លើស​ពីនេះ​ទៅទៀត ប៉ូលិស​ក្រុង និង កងអង្គរក្ស នឹងចាត់វិធានការការពារសណ្តាប់ធ្នាប់ ដោយសារតែប្រមុខរដ្ឋាភិបាល អ្នកនយោបាយ អ្នក​មុខ​អ្នក​ការ ផ្នែកធុរកិច្ច ត្រូវបានអញ្ចើញចូលរួម [...]

«អត់ទេ គ្រាន់តែទំនាក់ទំនងគ្នា ធ្វើជាមិត្តភក្តិ បងប្អូនអីហ្នឹងណា ហើយបុរសហ្នឹងមានប្រពន្ធកូនបី» នេះជាការ​បញ្ជាក់​ជាថ្មី របស់បងប្រុសបង្កើត នារីជនគ្រោះ មាស វន្នីដែលបំរើការងារ ជាបុគ្គលិកសន្តិសុខ នៅរោងចក្រស៊ិនតាយ ដែល​ស្ថិត​នៅនៅមុខផ្សារ កាណាស៊ីធី ភូមិចោមចៅ សង្កាត់ចោមចៅ ខណ្ឌពោធិ៍សែនជ័យ ។

បងប្រុសនារីរងគ្រោះ ពីការជះទឹកអាស៊ីតដដែល បានប្រាប់ដឹងបន្តថា ប្អូនស្រីរបស់លោក មិនមាន​​ទំនាក់ទំនង​ស្នេហា​ស្អិតរមួតអ្វី ជាមួយបុរសឈ្មោះ ជុន ធឿន ជាសន្តិសុខធ្វើការ នៅរោងចក្រ ស៊ិនតាយ ជាមួយគ្នា ដូចការដែល​គេ​និយាយ​តៗគ្នាឡើយ ពួកគេគ្រាន់លេងសើច រាប់អានគ្នាធម្មតាតែប៉ុណ្ណោះ។

បើតាមបងរូបនេះ បានឱ្យដឹងពីស្ថានភាពជម្ងឺ របស់កញ្ញា មាស វន្នី វ័យ២០ឆ្នាំ ដែលកំពុងសម្រាកព្យាបាល នៅក្នុង​មន្ទីរពេទ្យកាល់ម៉ែតថា ឥលូវនេះនាងអាចដើរបានដើរ និងអង្គុយបានខ្លះៗហើយ។ ផ្ទៃមុខ និងដងខ្លួនរបស់នាង ត្រូវ​បាន​រលេះរលួយ [...]

សេចក្តីជូនដំណឹង របស់ផលិតកម្មថោន ដែលចុះហត្ថលេខា ដោយអគ្គនាយិការផលិតកម្ម លោកស្រី ជួប មាន នៅថ្ងៃទី១០ ខែមីនានេះ បានប្រមានប្តឹង ទារសងជម្ងឺចិត្ត ចំនួនជាទឹកប្រាក់ មិនតិចជាង៥០ម៉ឺនដុល្លារ ចំពោះជនខិលខួចណា ដែលហ៊ានលួចចម្លងស្នាដៃ របស់ផលិតកម្មខ្លួន។

ផលិតកម្មទីក្រុងភាពយន្ត ឬថោន បានព្រមានបន្តថា ចំពោះជនខិលខួចណា ដែលបានដឹងពីសេចក្តីជួនដំណឹងខាងលើ ហើយនៅតែល្មើស លួចថតចម្លងស្នាដៃ របស់ផលិតកម្មមួយនេះ យកទៅធ្វើអាជីវកម្មបន្ត ដោយខុសច្បាប់ ផលិតកម្ម នឹងប្តឹងជនខិលខូច ដែលលួចចម្លងទាំងនោះ ទៅតុលាការ ដើម្បីធ្វើការរឹបអូសវត្ថុតាង និងទីតាំងផលិត ព្រមទាំងចាប់បង្ខំ ឱ្យទទួលខុសត្រូវ តាមផ្លូវច្បាប់ជាធរមាន។

សេចក្តីជួនដំណឹង របស់ថោនបានឱ្យដឹងថា ខ្លួននឹងរួមសហការ ជាមួយគណៈកម្មការអន្តរក្រសួង បង្ក្រាបបទល្មើសភាពយន្ត និង វីដេអូ រួមទាំងស្ថាប័នពាក់ព័ន្ធផ្សេងទៀត ដើម្បីផ្តល់ព័ត៌មាន ពីទីតាំងលួចចម្លង ឌី វីស៊ីឌី ឌីវីឌី [...]

ពីក្នុងចំណោមអ្នកគាំទ្រ  លោក រស់ សារុំ ប្រធានសមាគមជ័យលាភីកម្ពុជា បានលើកឡើងថា បើទោះបីជាច្បាប់ថ្មីនេះ ធ្វើ​មិនបានល្អ១០០% ប៉ុន្តែអាចទទួលយកបាន។ លោកបានបានប្រកាសគាំទ្រ យ៉ាងពេញទំហឹង នូងសេចក្តីព្រាង​ច្បាប់ថ្មី​នេះ។ លោកបន្តថា៖ «សូមស្នើរទៅគណបក្សទាំងពីរ មេត្តាពន្លឿនបញ្ចប់កិច្ចការនេះ ឱ្យបានឆាប់ជាទីបំផុត ដើម្បី គ.ជ.ប ថ្មី មានពេលគ្រប់គ្រាន់ អាចដំណើរបាន ក្នុងពេលដ៏ខ្លីខាងមុខនេះ»។

អ្នកគាំទ្រម្នាក់ទៀត លោក ចាយ បូរិន បានលើកឡើងដែរថា ការតាក់តែងសេចក្តីព្រាងច្បាប់ គ.ជ.ប ថ្មីនេះ ឃើញថាមាន​លក្ខណៈគ្រប់ជ្រុងជ្រោយល្អ និងកា្លយទៅជាលិខិតបទដ្ឋានគតិយុទ្ធ សម្រាប់ការអនុវត្ត នៅពេលបោះឆ្នោតក្រោយ ដើម្បី​កុំ​ឱ្យមានវិបត្តិនយោបាយ នាពេលក្រោយៗទៀត។

ប៉ុន្តែសម្រាប់អ្នកមិនគាំទ្រវិញ បានមើលឃើញថា ច្បាប់ គ.ជ.ប. ថ្មីនេះ នៅមានគុណវិបត្តិច្រើននៅឡើយ។ លោក ស៊ន តារា យល់ឃើញថា ចំណុចមួយចំនួននៅក្នុងច្បាប់ថ្មីនេះ [...]