ហ៊ុន សែន៖ ផលិតឥដ្ឋក្បឿងក្នុងស្រុក... កាប់ខ្ទេចព្រៃឈើ
«បើយើងធ្វើខ្លួនឯង វាថោកជាងការនាំចូល អាហ្នឹងចាំយើងលេង» នេះ ជាការលើកឡើង របស់លោកនាយករដ្ឋមន្ត្រី ហ៊ុន សែន តាមបែបជា«អ្នកជំនាញខាងសេដ្ឋកិច្ច»មួយរូប ដើម្បីពន្យល់ថា ហេតុអ្វីបានជាប្រទេសកម្ពុជា នៅក្រោមការដឹកនាំ របស់លោក បើសូម្បីតែ«ឥដ្ឋក្បឿង» ក៏ត្រូវបាននាំចូល ពីក្រៅប្រទេសដែរនោះ។ ការពន្យល់ ដែលលោកចង់មានន័យថា បើគ្មានការផលិត«ឥដ្ឋក្បឿង» នៅក្នុងស្រុក នោះនឹងគ្មាន ការកាប់បំផ្លាញព្រៃឈើឡើយ។
លោកនាយករដ្ឋមន្ត្រី បានហៅពលរដ្ឋ ដែលកំពុងមើល-ស្ដាប់លោក នៅក្នុងពិធីសម្ពោធដាក់ឲ្យប្រើប្រាស់ នូវស្ពានបេតុង មិត្តភាព កម្ពុជា-ចិន កោះធំ កាលពីថ្ងៃចន្ទ ទី១៣ ខែកុម្ភៈ ឲ្យយល់ពីនយោបាយ ដឹកនាំសេដ្ឋកិច្ចជាតិ របស់លោកដូច្នេះថា៖ «អ្នកខ្លះ គេឌឺឲ្យខ្ញុំករណាខ្ញុំ ថាសូម្បីតែឥដ្ឋក្បឿង ក៏ទិញពីគេដែរ! ឥឡូវសូមលោកយាយលោកតា ជួយគិតខ្ញុំករណាខ្ញុំ [...]
