Posts tagged as "Justice"

«មិនមែន នៅសុខៗ ស្រាប់តែគេមកដោះលែង លោក ហុង សុខហួរ នោះទេ» នេះជាការលើកឡើងរបស់លោក អេង ឆៃអ៊ាង អនុប្រធានគណបក្សសង្គ្រោះជាតិ នៅមុននេះបន្តិច ដើម្បីភ្ជាប់ទៅនឹងការសាទររបស់លោក ក្នុងការដោះលែងអតីតសមាជិកព្រឹទ្ធសភា មកពីគណបក្សសម រង្ស៊ី (បច្ចុប្បន្នជាគណបក្សភ្លើងទៀន) បន្ទាប់ពីមន្ត្រីជាន់ខ្ពស់គណបក្សប្រឆាំងរូបនេះ បានជាប់នៅក្នុងពន្ធនាគារ អស់រយៈពេល ជាង២ឆ្នាំកន្លងមក។

លោក ហុង សុខហួរ ត្រូវបានព្រះមហាក្សត្រព្រះរាជទាន​លើកលែងទោស តាមរយៈព្រះរាជក្រឹត្យមួយ ចេញនៅថ្ងៃនេះ ទៅតាមការស្នើរសុំ ពីលោកនាយករដ្ឋមន្ត្រី ហ៊ុន សែន។ ការលើកលែង និងការដោះលែងនេះ ធ្វើឡើងនៅប៉ុន្មានថ្ងៃ ក្រោយលិខិតសុំទោសលោក ហ៊ុន សែន មួយច្បាប់ ដែល​ត្រូវបានលោក ហុង សុងហួរ ចុះហត្ថលេខាពីក្នុងពន្ធនាគារ ដោយបង្ហាញពីការសោកស្ដាយរបស់លោក ក្នុងការ«ប្រព្រឹត្តិមិនត្រឹមត្រូវ» ទៅនឹងនយោបាយ របស់លោកនាយករដ្ឋមន្ត្រី ហ៊ុន សែន ជុំវិញការបោះបង្គោលព្រំដែន [...]

ទោស៧ឆ្នាំ ផ្ដន្ទាទោសដោយតុលាការរាជធានី ដាក់ទៅលើលោក ហុង សុខហួរ អតីតសមាជិកព្រឹទ្ធសភា មកពីគណបក្សសម រង្ស៊ី (បច្ចុប្បន្នជាគណបក្សភ្លើងទៀន) ត្រូវអនុវត្តន៍បានជាង២ឆ្នាំ មុននឹងមន្ត្រីគណបក្សប្រឆាំងរូបនេះ ត្រូវបានព្រះមហាក្សត្រព្រះរាជទាន​លើកលែងទោស នៅថ្ងៃនេះ ទៅតាមការស្នើរសុំ ពីលោកនាយករដ្ឋមន្ត្រី ហ៊ុន សែន។

នេះ បើតាមព្រះរាជក្រឹត្យ ដែលចុះព្រះហស្ថលេខាដោយព្រះមហាក្សត្រ ព្រះបាទសម្ដេច ព្រះនរោត្ដម សីហមុនី ដែលទើបធ្លាក់មកដល់ដៃអ្នកសារព័ត៌មាន នៅមុននេះ។ ព្រះរាជក្រឹត្យបានសរសេរត្រាស់បង្គាប់ លើកលែងទោស«ឲ្យទណ្ឌិត ហុង សុខហួរ ភេទប្រុស អាយុ៥៩ឆ្នាំ ដែលត្រូវបានតុលាការសម្រេចផ្តន្ទាទោស ដាក់ពន្ធនាគារ ពីបទក្លែងបន្លំឯកសារសាធារណៈ ប្រើប្រាស់ឯកសារសាធារណៈក្លែង និងញុះញង់បង្កឲ្យមានភាពវឹកវរធ្ងន់ធ្ងរ ដល់សន្ដិសុខសង្គម»។

ព្រះរាជក្រិត្យនេះ ត្រូវបានធ្វើឡើង នៅប៉ុន្មានថ្ងៃក្រោយលិខិតសុំទោសលោក ហ៊ុន សែន [...]

នាយករដ្ឋមន្ត្រីកម្ពុជាលោក ហ៊ុន សែន បានដាក់ពាក្យបណ្ដឹង ក្នុងរសៀលថ្ងៃទី២៤ ខែតុលា ឆ្នាំ២០១៧នេះ ប្ដឹងលោក លឺ ឡាយស្រេង អតីតឧបនាយករដ្ឋមន្ត្រី ដោយ​ហេតុ​ថា អតីតមន្ត្រីជាន់ខ្ពស់ មកពីគណបក្សហ្វ៊ុនស៊ីនប៉ិចរូបនេះ បានថ្លែងនៅក្នុងកិច្ចសន្ទនាមួយ ដែលធ្វើតាមទូរស័ព្ទ ជាមួយអ្នកស្រី គី លំអង អះអាងថាលោក ហ៊ុន សែន បានផ្ដល់ប្រាក់ប្រមាណជា១លាន[ដុល្លារ] ទៅឲ្យក្រុម«អាអត់ខ្មាស» ដែល«រកលុយបានស្រួល»។

កិច្ចសន្ទនាជាលក្ខណៈឯកជននោះ ត្រូវបានលួចថត នៅវេលាម៉ោង ៧ និង១៥នាទី ព្រឹកថ្ងៃទី២១ ខែតុលាកន្លងមក ហើយត្រូវបាន​យក​មក​បង្ហោះ នៅលើទំព័រហ្វេសប៊ុកមួយ ដែលគេស្គាល់ឈ្មោះ «សីហា» ល្បីល្បាញខាងការបង្ហោះ នៅលើបណ្ដាញសង្គម នូវខ្សែអាត់​លួច​ថត​សម្លេង របស់​ក្រុម​អ្នក​នយោបាយ​​ប្រឆាំង មុននឹងខ្សែអាត់ទាំងនោះ ត្រូវបានសារព័ត៌មានមួយ រណបរដ្ឋាភិបាល និងគណបក្សប្រជាជនកម្ពុជា យកទៅចុះផ្សាយបន្ត។ 

ក្រុម«ពាក់អាវក្រ័រស៊េ» [...]