Posts tagged as "Suicide"

ការភ្ញាក់ផ្អើល ដែលធ្វើឲ្យអ្នកស្រុក បាននាំគ្នាស្រង់សាកសព ចេញពីទឹកនេះ បានកើតឡើង នៅវេលាម៉ោង ១៧ និង៤០ នាទី ល្ងាចថ្ងៃទី ២៨ ខែកក្កដា ឆ្នាំ២០១៥ នៅចំណុចកំពង់ទឹក ស្ទឹងត្នោត ភូមិព្រែកតាពៅ១ សង្កាត់​ដើមមាន ក្រុងតាខ្មៅ ខេត្តកណ្តាល។ ប្រភពពីកន្លែងកើតហេតុ ដែលជាក្រុមមិត្តភក្កិ ជនរង​គ្រោះបានប្រាប់​ឲ្យ​ដឹងថា នៅពេលផឹកស្រវឹង ក្រុមអ្នកទាំងនោះ បានបែកគ្នា ហើយជនរងគ្រោះ តម្រង់ទៅកំពង់ទឹក បម្រុងនឹង​ឡើង​ទៅលើទូក ក៏ស្រាប់តែរអិលដាំក្បាល ចូលទៅក្នុងទឹក លង់ស្លាប់ភ្លាមៗ គ្មានអ្នកជួយសង្គ្រោះទាន់។

ស្រ្តីជាម្តាយជនរងគ្រោះ បានប្រាប់ទស្សនាវដ្តីមនោរម្យ.អាំងហ្វូថា ជនរងគ្រោះឈ្មោះ ទិត្យ រ៉ន អាយុ២៨ឆ្នាំ រស់នៅភូមិ ឃុំកើតហេតុខាងលើ ជាមួយគ្រួសារ។ ស្ត្រីរូបនេះ បានបន្តទៀតថា គាត់បានដើររកកូន ឃើញកូន​កំពុង​លង់ទឹក ក៏បានស្រែកឆោឡោ ឲ្យអ្នកភូមិជួយ តែមិនទាន់នោះទេ ព្រោះជនរងគ្រោះ បានស្លាប់បាត់​ទៅ​ហើយ។ ស្រ្តីជាម្តាយបានរៀបរាប់ [...]

មន្ត្រីនគរបាល ថ្នាក់វរសេនីយ៍ត្រី មួយរូប ត្រូវបានគេរកឃើញស្លាប់ នៅលើកៅអី«ប៉ៅអ៊ី» កាលពីវេលា​ព្រលប់​ថ្ងៃទី២៦ ខែកក្កដា ឆ្នាំ២០១៥ នៅក្នុងស្នងការដ្ឋានគរបាល ខេត្តកំពុងឆ្នាំង ជាមួយនឹងសំបុត្រមួយច្បាប់ នៅ​លើ​​ក្បាលដំណេក។ តាមការស៊ើបអង្កេតបឋម របស់ក្រុមអាជ្ញាធរ បានឲ្យដឹងថា លោក ទេព សារ៉ាត់ អាយុ ៤៨ឆ្នាំ មានថានៈ ជាប្រធានការិយាល័យ ព្រហ្ម​ទ​ណ្ឌ​កំរិត​ស្រាល បានរងគ្រោះ នឹងការធ្វើអត្តឃាត ដោយប្រើ​កាំភ្លើង​ខ្លី ម៉ាក ក៥៩ បាញ់ពីគុម្ពត្រជៀកស្ដាំ ធ្លាយមកថ្ងាស។

ការស៊ើបអង្កេត បានឲ្យដឹងថា ការបាញ់សម្លាប់ខ្លួន ទំនងជាបានធ្វើតាំងពីម៉ោង ១១ និង៣០នាទីព្រឹកម្លេះ។ រីឯ​នៅក្នុងលិខិតនោះ គេឃើញមានសំណេរ សរសេរសុំទោស អ្នកស្រីប្រធានក្រុមប្រឹក្សាខេត្ត លោកអភិបាល​ខេត្ត និងលោកស្នងការនគរបាល ខេត្តកំពង់ឆ្នាំង។

ក្រុមសមត្ថកិច្ចបានសង្ស័យថា ការធ្វើអត្តឃាតនេះ បណ្ដាលពីទំនាស់ ជាមួយស្ត្រីម្នាក់ ដែលលោកបានដក់​ចិត្ត​ប្រតិព័ទ្ធ [...]

ករណីសង្ស័យ ប្តីលើកដៃសម្លាប់ប្រពន្ធ ដោយប្រើកាំបិតកាប់ រួចទៅចងកខ្លូនឯង ស្លាប់ទាំងពីរនាក់នេះ បាន​កើតឡើង កាលពីល្ងាចថ្ងៃទី០៩ ខែកក្កដា ឆ្នាំ២០១៥ នៅភូមិព្រែកក្រែង ឃុំព្រែកត្នោត ស្រុកទឹកឈូ ខេត្ត​កំពត។ តាមកោសល្យវិច័យ របស់មន្ត្រីសមត្ថកិច្ចបានឲ្យដឹងថា ស្រ្តីរងគ្រោះជាប្រពន្ធ ឈ្មោះ លេង ផាត អាយុ​៥៨ឆ្នាំ បានស្លាប់ ដោយមានស្លាកស្នាមជាច្រើនកាំបិត។

ប៉ុន្តែនៅមុនកងកម្លាំងអាជ្ញាធរ មកដល់នេះ បុរសជាប្តី ត្រូវបានអ្នកភូមិប្រទះឃើញ ស្លាប់ដោយចង ក រួច​ហើយ។ សមត្ថកិច្ចដែលចុះផ្ទាល់ បានឲ្យដឹងដែរថា បុរសជាប្តី ឈ្មោះ អ៊ូច សុខន អាយុ៦០ឆ្នាំ មានទីលំនៅ នៅភូមិឃុំ កើតហេតុខាងលើ។

ប្រភពពីប្រជាពលរដ្ឋ នៅក្នុងភូមិកើតហេតុ បានឲ្យដឹងថា ពីរនាក់ប្តីប្រពន្ធខាងលើ ឧស្សាហ៍ឈ្លោះទាស់​សំដី​គ្នា ស្ទើររាល់ថ្ងៃ គ្មានអ្នកណានៅក្បែរបានទេ។ ស្រាប់តែនៅថ្ងៃកើតហេតុ អ្នកភូមិមានការភ្ញាក់ផ្អើល ព្រោះ​ប្រទះ​ឃើញសាកសពបុរសជាប្តី នៅចង ក [...]

ជនរងគ្រោះដែលស្លាប់ស្តូកស្តឹង នៅលើដើមព្រីងនោះឈ្មោះ សុខ ឆារ៉ា អាយុ ១៩ឆ្នាំ រស់នៅភូមិស្វាយ ឃុំរការ ស្រុកកណ្តាលស្ទឹង ខេត្តកណ្តាល។ នៅមុនមរណភាពនេះ យុវជនរូបនេះ បានរស់នៅជាមួយឪពុកម្តាយ ដែល​ជាកសិករ នៅក្នុងភូមិឃុំកើតហេតុខាងលើ។

នៅយប់ថ្ងៃកើតហេតុ គ្រួសារសពបានប្រាប់ឲ្យដឹងថា ពេលគាត់ និងប្រពន្ធត្រឡប់មកពីស្រែវិញ មិនឃើញកូន​ប្រុសនៅផ្ទះ បន្ទាប់មកអ្នកទាំងពីរ បានទៅសួរនាំអ្នកជិតខាង រកកូន។ តែគ្មានអ្នកណាម្នាក់បានដឹងថា កូនប្រុស​ជាជនរងគ្រោះ ទៅណាឡើយ។ លុះរដល់ម៉ោងប្រមាណជា៦និង៣០ នាទី ក្បាលព្រលប់ថ្ងៃទី២៣ ខែមិថុនា​ឆ្នាំ​២០១៥ ទើបគេប្រទះឃើញយុវជន នៅចង ក លើដើមព្រីងខាងជើងភូមិ។

ហេតុការណ៍ដ៏សោកសៅនេះ ត្រូវបានក្រុមគ្រួសារជនរងគ្រោះសន្និដ្ឋានថា កូនរបស់ខ្លូនទំនងជាតូចចិត្ត នឹង​ខ្លួន​មានជម្ងឺអេដស៏ហើយ បានឈានដល់យកក្រមាចងក នៅដើមព្រីងដូច្នេះ។

រីឯក្រុមសមត្ថកិច្ចជំនាញប៉ុស្តិ៍ ក្នុងតំបន់វិញបានបញ្ជាក់ថា [...]

យុវជនរងគ្រោះ ដែលបានស្លាប់ ដោយសារលង់ទឹកនេះ ឈ្មោះ ផេង សំដារា ហៅ សំ អាយុ២០ ឆ្នាំ ជាកូន​ប្រុស​របស់មេភូមិ លោក ផេង សំអឿន និង អ្នកស្រី អ៊ិន យ៉ូ រស់នៅភូមិព្រៃកីខ សង្កាត់ពងទឹក ខណ្ឌដង្កោរ រាជធានី​ភ្នំពេញ។ លោកមេភូមិ ដែលជាឪពុកជនរងគ្រោះ បានប្រាប់ឲ្យដឹងថា កូនរបស់លោក ដែលបានស្លាប់ ជាកូន​ពៅ​ក្នុងចំណោមកូន ៤នាក់ ក្នុងបន្ទុក។

អ្នកស្រី អ៊ិន យ៉ូ បានរៀបរាប់ទាំងទុក្ខក្រៀមក្រំថា កូនអ្នកស្រីមួយនេះ មានស្មារតីមិនល្អទេ (មិនគ្រប់ទឹក) ឲ្យតែ​លឺ​សម្លេងមេក្រូ នៅទីណា គឺដើរតម្រង់ទីនោះ មិនថាឆ្ងាយ ឬជិតនោះទេ។ នៅថ្ងៃកើតហេតុ អ្នកស្រីថា នៅភូមិ​ស្រែញ មានអ្នកភូមិនោះស្លាប់ កូនប្រុសអ្នកស្រីបានទៅទីនោះដែរ នៅពេលថ្ងៃក្តៅ ឃើញមានស្រះទឹកនៅជិត ក៏បានទៅក្បែរ បម្រុងចុះងូតទឹក ស្រាប់តែរអិលជើងធ្លាក់ទៅ លង់ទឹកផុតដៃជើង ព្រោះស្រះនោះជ្រៅ បាន​ស្លាប់​ភ្លាមៗ គ្មានអ្នកណាជួយទាន់។

តាមប្រភពព័ត៌មាន ពីឪពុកជនរងគ្រោះ បានអោយដឹងថា ហេតុការណ៍នេះ [...]