Posts tagged as "Donald Trump"

ឈាង វុន៖ ជន​ទំនើង ជា​ជន​ដែល​ឈ្មូសឈ្មុល​​ការពារ​​ប្រយោជន៍​ប្រទេស

ឈាង វុន៖ ជន​ទំនើង ជា​ជន​ដែល​ឈ្មូសឈ្មុល​​ការពារ​​ប្រយោជន៍​ប្រទេស

ប្រសិនជាលោក ហ៊ុន សែន ធ្លាប់ហៅមនុស្ស ដែលប្រព្រឹត្តិកំហុស ឬមនុស្ស ដែលលោកមិនពេញចិត្ត ថាជាជនទំនើងនោះ ប្រហែលជាលោកនាយករដ្ឋមន្ត្រី មិនស្គាល់ច្បាស់ នូវពាក្យ«ទំនើង»នេះ ដូចលោក ឈាង វុន មន្ត្រីក្រោមបង្គាប់លោកនោះទេ។ សម្រាប់តំណាងរាស្ត្រមណ្ឌលបាត់ដំបង មកពីគណបក្សប្រជាជនកម្ពុជា និងជាអ្នកនាំពាក្យរដ្ឋសភារូបនេះ បានពន្យល់ថា ពាក្យ«ជនទំនើង»នេះ មានន័យជាវិជ្ជមាន។

ការបកស្រាយរបស់លោក ឈាង វុន ធ្វើឡើងដើម្បីតបទៅនឹងការរិះគន់ ដែលបានផ្ទុះឡើងព្រោងព្រាត ចំពោះទស្សនៈផ្ទាល់ខ្លួនរបស់លោក ដែលហៅជំនួបរវាងលោក ដូណាល់ ត្រាំ (Donald Trump) ប្រធានាធិបតីអាមេរិក និងលោក គីម ជុង-អ៊ុន (Kim Jong-Un) ប្រមុខដឹកនាំកូរ៉េខាងជើង ថាជា«ជំនួបរវាង ក្មេងទំនើង និងចាស់ទំនើង»។ ទស្សនៈនោះ ត្រូវបានអ្នកនាំពាក្យរដ្ឋសភា ថ្លែងទៅកាន់អ្នកសារព័ត៌មាន នៅក្នុងវិមានរដ្ឋសភា កាលពីព្រឹក ថ្ងៃទី១២ ខែមិថុនា ពោលគឺប៉ុន្មានម៉ោងក្រោយជំនួប របស់មេដឹកនាំទាំងពីរ [...]

គីម យល់ព្រម​ទៅ​អាមេរិក និង​ហៅ ត្រាំ ទៅ​កូរ៉េ​ខាង​ជើង​វិញ

គីម យល់ព្រម​ទៅ​អាមេរិក និង​ហៅ ត្រាំ ទៅ​កូរ៉េ​ខាង​ជើង​វិញ

នៅប៉ុន្មានម៉ោង ក្រោយជំនួបកំពូល ជាប្រវត្តិសាស្ត្រ របស់មេដឹកនាំទាំងពីរ ដំណឹងបញ្ជាក់ជាថ្មី ដែលជាជំហានដ៏ល្អ បានធ្លាក់មកដល់។

នោះគឺ អគ្គមគុទេសន៍របស់ប្រទេសកូរ៉េខាងជើង លោក គីម ជុង-អ៊ុន (Kim Jong Un) បានអញ្ជើញលោក ដូណាល់ ត្រាំ (Donald Trump) ប្រធានាធិបតីអាមេរិក ឲ្យធ្វើទស្សនកិច្ចផ្លូវរដ្ឋ ទៅកាន់រដ្ឋធានី ព្យុងយ៉ាង ហើយលោក គីម ខ្លួនលោកផ្ទាល់ នឹងធ្វើដំណើរ ទៅធ្វើទស្សនកិច្ចផ្លូវរដ្ឋ នៅសហរដ្ឋអាមេរិក។ នេះ ជាការចេញផ្សាយឲ្យដឹង របស់ទីភ្នាក់ងារព័ត៌មានផ្លូវការ «KCNA» របស់ប្រទេសកូរ៉េខាងជើង នៅព្រឹកថ្ងៃពុធនេះ។

ទីភ្នាក់ងារព័ត៌មាន បានសរសេរឲ្យដឹងថា៖ «លោក គីម ជុង-អ៊ុន បានអញ្ជើញលោក ត្រាំ ឲ្យធ្វើដំណើរទស្សនកិច្ចមួយ នៅរដ្ឋធានី ព្យុងយ៉ាង នៅពេលវេលាដ៏ល្អណាមួយ ហើយលោក ត្រាំ ក៏បានអញ្ជើញលោក គីម ជុង-អ៊ុន ឲ្យធ្វើដំណើរ ទៅកាន់សហរដ្ឋអាមេរិកវិញដែរ»។

ប្រព័ន្ធឃោសនាផ្លូវការ របស់របបកុម្មុយនីស្ដិ៍ [...]

គីម សន្យា​ជា​មួយ ត្រាំ ថា​នឹង​រំសាយ​សព្វាវុធ​នុយក្លេអ៊ែរ​ទាំង​ស្រុង ចេញ​ពី​ឧបទ្វីប​កូរ៉េ

គីម សន្យា​ជា​មួយ ត្រាំ ថា​នឹង​រំសាយ​សព្វាវុធ​នុយក្លេអ៊ែរ​ទាំង​ស្រុង ចេញ​ពី​ឧបទ្វីប​កូរ៉េ

«ការរំសាយសព្វាវុធនុយក្លេអ៊ែរ ចេញទាំងអស់ ពីឧបទ្វីបកូរ៉េ» ជាថ្នូរទៅនឹង «ការធានាពីសុខសន្តិភាព របស់កូរ៉េខាងជើង»។ នេះ ជាសេចក្ដីសង្ខេប នៃសេចក្ដីប្រកាសរួមមួយ រវាងលោក ដូណាល់ ត្រាំ (Donald Trump) ប្រធានាធិបតីអាមេរិក និងលោក គីម ជុង-អ៊ុន (Kim Jong-un) ប្រមុខដឹកនាំកូរ៉េខាងជើង បន្ទាប់ពីជំនួបកំពូល របស់មេដឹកនាំទាំងពីរ ដែលត្រូវបានរៀបចំធ្វើ នៅព្រឹកថ្ងៃអង្គារទី ១២ ខែមិថុនា ឆ្នាំ២០១៨នេះ ក្នុងប្រទេសសិង្ហបូរី។

ឯកសារ​នៃសេចក្ដីប្រកាសរួមនោះ បានសរសេរថា លោក គីម ជុង-អ៊ុន បានសន្យាពី «ការរំសាយសព្វាវុធនុយក្លេអ៊ែរចេញទាំងអស់ ពីឧបទ្វីបកូរ៉េ» ខណៈលោក ដូណាល់ ត្រាំ បានសន្យា ពីការធានាសម្រាប់ប្រទេសកូរ៉េខាងជើង នូវ«សុខសន្តិភាព» ដែលគ្មានការគម្រាមកំហែង។ លោក ត្រាំ បានលើកឡើងថា លោកបានបង្កើតឡើង នូវចំណងទាក់ទងយ៉ាងពិសេស ជាមួយមេដឹកនាំកូរ៉េខាងជើង និងបានអញ្ជើញលោក គីម ជុង-អ៊ុន ឲ្យទៅធ្វើទស្សនកិច្ច [...]

ដូណាល់ ត្រាំ លើក​ពី​ទំនាក់ទំនង​ដ៏​អស្ចារ្យ​ជាមួយ គីម ជុង-អ៊ុន

ដូណាល់ ត្រាំ លើក​ពី​ទំនាក់ទំនង​ដ៏​អស្ចារ្យ​ជាមួយ គីម ជុង-អ៊ុន

«ខ្ញុំមានកិត្តិយសណាស់» នេះ ជាការអះអាងឡើង របស់លោក ដូណាល់ ត្រាំ (Donald Trump) ប្រធានាធិបតីអាមេរិក នៅព្រឹកថ្ងៃអង្គារ ទី១២ ខែមិថុនានេះ ពីអារម្មណ៍របស់លោក ទៅកាន់លោក គីម ជុង-អ៊ុន (Kim Jong-un) ប្រមុខដឹកនាំកំពូល របស់ប្រទេសកូរ៉េខាងជើង។

ប្រធានាធិបតីអាមេរិក បានលើកឡើងថា លោកមាន«ទំនាក់ទំនងដ៏អស្ចារ្យ» ជាមួយមេដឹកនាំកូរ៉េកុម្មុយនីស្ដ នៅបន្ទាប់ពីលោកបានជួបជជែក ជាមួយលោក គីម ជុង-អ៊ុន ដែលជាការជួបជជែក លើកដំបូងបង្អស់ ប្រព្រឹត្តិទៅក្នុងព្រឹកដដែលនេះ ក្នុងប្រទេសសិង្ហបូរី។ លោក ដូណាល់ ត្រាំ បានបញ្ជាក់ទៀតថា៖ «ខ្ញុំមិនមានការ​សង្ស័យទេ»។

ចំពោះលោក គីម ជុង-អ៊ុន វិញ បានថ្លែងសាទរថា ប្រទេសកូរ៉េខាងជើង និងសហរដ្ឋអាមេរិក បានធ្វើឲ្យជោគជ័យ ក្នុង​«ការជំនះ នូវរាល់ឧបសគ្គជាច្រើន» [...]

ត្រាំ បន្ត​​វាយ​ប្រហារ​លើ​សម្ព័ន្ធមិត្ត​របស់​ខ្លួន នៅ​មុន​ជួប គីម

ត្រាំ បន្ត​​វាយ​ប្រហារ​លើ​សម្ព័ន្ធមិត្ត​របស់​ខ្លួន នៅ​មុន​ជួប គីម

«ពាណិជ្ជកម្មដែលស្មើភាព គួរត្រូវហៅថា ជាពាណិជ្ជកម្មល្ងីល្ងើ បើសិនជាវា មិនមានទៅមានមកទេនោះ» នេះ ជាសារបង្ហោះរបស់លោក ដូណាល់ ត្រាំ (Donald Trump) ប្រធានាធិបតីអាមេរិក ដើម្បីសំដៅទៅលើការកំណត់តម្លើង​ពន្ធដារ របស់ប្រទេសកាណាដា ចំពោះផលិតផលទឹកដោះគោអាមេរិក ដែលនាំចូលទៅក្នុងប្រទេសកាណាដា។

កាលពីថ្ងៃសៅរ៍ ខណៈលោក ត្រាំ ស្ថិតក្នុងយន្ថហោះ «Air Force One» ដើម្បីធ្វើដំណើរទៅត្រៀមជំនួប ជាមួយមេដឹកនាំកូរ៉េខាងជើង លោក គីម ជុងអ៊ុន (Kim Jong-Un) នៅឯប្រទេសសិង្ហបូរីនោះ ប្រធានាធិបតីអាមេរិក បានប្រកាសដកខ្លួន«ឆៅ» ចេញពីសេចក្ដីប្រកាសរួម របស់ជំនួបកំពូល «G7» ដែលបានប្រព្រឹត្តិទៅ ក្នុងក្រុង «La Malbaie» ភាគខាងកើតប្រទេសកាណាដា កាលពីចុង​សប្ដាហ៍​កន្លងមក។

លោក ត្រាំ បានដាក់ការទទួលខុសត្រូវ នៃការសម្រេចចិត្តរបស់លោក ទៅលើលោក ជូស្ទីន ទ្រូដូ (Justin Trudeau) នាយករដ្ឋមន្ត្រីកាណាដា បន្ទាប់ពីមេដឹកនាំកាណាដា​រូបនេះ [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...