តារាល្បីៗ និងយុវវ័យកម្ពុជា នាំគ្នាប្រារព្ធបុណ្យ Halloween
«Halloween» ជាបុណ្យបែបសាសនាគ្រឹស្ត៍ ដែលគេច្រើននិយមធ្វើ នៅបស្ចឹមលោក។ ចំណែកនៅប្រទេសកម្ពុជាវិញ បន្ទាប់ពីទទួលយកមកប្រារព្ធតាម យ៉ាងពេញទំហឹង នូវបុណ្យតាណូអ៊ែល តាំងពីច្រើនឆ្នាំមកនេះក្តី នៅឆ្នាំ២០១៤នេះ (ពីឆ្នាំមុន មានខ្លះដែរ តែមិនខ្លាំងក្លា) ពន្លកនៃបុណ្យ ហាឡូវីន បានពន្លេចខ្លួនឡើង ក្នុងរាជធានីភ្នំពេញ នៅតាមក្លឹបកំសាន្តមួយចំនួន។ ជាពិសេសទៅទៀត នៅតាមសាលារៀនខ្លះ ក៏គេឃើញមានប្រារព្ធពិធីបុណ្យនេះដែរ។ ក្រុមអ្នកចូលរួមធ្វើបុណ្យ បាននាំគ្នាតុបតែងមុខជារូប ខ្មោច ព្រាយ បីសាច ក្រវ៉េមក្រវ៉ាមពេញមុខ ដើម្បីចូលរួមលេង និងអបអរបុណ្យនេះ។
ជារៀងរាល់ឆ្នាំកន្លងមក ការទទួលយកមកប្រារព្ធ នូវពិធីបុណ្យតាមបែបបស្ចឹមលោកមួយនេះ មិនត្រូវបានកត់សម្គាល់ ថាមានភាពរីកសាយនោះទេ ព្រោះមានធ្វើសម្រាប់តែយុវវ័យមួយចំនួនប៉ុណ្ណោះ។ [...]
